Түләүсез юридик ярдәм күрсәтү буенча гражданнарны кабул итү
Бүген «Татарстан Республикасы дәүләт юридик бюросы» ДКУ Татарстан Республикасы министрлыклары һәм ведомстволары вәкилләре белән берлектә Югары Ослан авылы, Чехов ур., 32 йорт адресы буенча Татарстан Республикасы Югары Ослан муниципаль районында яшәүчеләргә түләүсез юридик ярдәм күрсәтү буенча чара уздырды.
Чарада Татарстан Республикасында дәүләт теркәве, кадастр һәм картография федераль хезмәте идарәсе, Татарстан Республикасы Хезмәт, халыкны эш белән тәэмин итү һәм социаль яклау министрлыгы, суд приставлары хезмәте, Нотариаль палата, Татарстан Республикасы Адвокатлар палатасы һәм Татарстан Республикасы Прокуратурасы вәкилләре катнашты.
Исегезгә төшерәбез, «Татарстан Республикасында гражданнарга түләүсез юридик ярдәм күрсәтү турында» 2012 елның 02 ноябрендәге 73 – ТРЗ номерлы Татарстан Республикасы Законының 12 статьясында билгеләнгән затлар (аз керемле, 1 һәм 2 төркем инвалидлар, инвалид балалар, ятимнәр, аларның законлы вәкилләре, Бөек Ватан сугышы ветераннары, РФ, Советлар Союзы, Социалистик Хезмәт, РФ Геройлары һәм башкалары) һәр сишәмбе һәм пәнҗешәмбе 8дән 12 сәгатькә кадәр Югары Ослан авылы Чехов урамы адресы буенча. Югары Ослан районы хакимиятенең 18 вазыйфаи затлары, яисә көн саен 09.00 сәгатьтән 17.00 сәгатькә кадәр «Татарстан Республикасы дәүләт юридик бюросы» ДБУ белгечләре тарафыннан түбәндәге адрес буенча: Казан шәһәре, Кремль урамы, 16, каб. 104.