Татарстан Республикасы Профсоюзлар федерациясе президиумы утырышы

Бүген Югары Ослан муниципаль районы профсоюз оешмаларының координация советы рәисе Лилия Хөрмәтуллина видеоконференция режимында Татарстан Республикасы Профсоюзлар федерациясе президиумы утырышында катнашты.

Төп доклад белән ТР Профсоюзлар федерациясенең Социаль сәясәт идарәсе башлыгы Марина кокоулина чыгыш ясады. Марина Константиновна район координация советлары эшчәнлеге турында җентекләп сөйләде. Бу профсоюзларның территориаль ведомствоара һәм өч яклы комиссияләр составында катнашуы, оештыру эше, расланган планнар кысаларында эшчәнлек, мәгълүмати эш турында. Хезмәткә түләү, мәшгульлек, хезмәтне саклау, коллектив килешүләрне гамәлгә ашыру буенча территориаль килешүләрнең үтәлешенә анализ ясалды. Яңа Чишмә һәм Нурлат муниципаль районнарының координация советлары рәисләре чыгыш ясады.

ФПРТ рәисе Елена Ивановна Кузьмичева, утырышка йомгак ясап, Яңа елда профсоюз оешмаларының планнары һәм бурычлары турында сөйләде.