Югары Ослан муниципаль районында гаилә тормышы юбилярларын хөрмәтләү
2024 елның 1 февралендә Татарстан Республикасы Югары Ослан муниципаль районының Шеланга авыл җирлегендә Исмәгыйлевләр Илдар Абдулла улы һәм Татьяна Ивановнаның гаилә тормышының «зөбәрҗәт» юбилярларын хөрмәтләү тантанасы узды. Исмәгыйлевләрнең бергә яшәгән еллары-чын байлык. Алар бер-берсен чын-чынлап яратучы һәм хөрмәт итүче юбилярлар, алар, авырлыкларга һәм сынауларга карамастан, һәрвакыт бергә булганнар, кайгы һәм шатлыкны икегә бүлгәннәр, дус һәм нык гаиләне саклап кала алганнар.
Бергә яшәүнең 55 еллыгы уңаеннан ирле-хатынлы Исмәгыйлевләрнең исемнәре «районның гаилә тормышының мактаулы юбилярлары» китабына кертелгән, анда алар үз имзаларын куйган. ГХАТ бүлеге башлыгы Наталья Кадыйрова юбилярларга сәламәтлек, игелек, тынычлык һәм тагын озак еллар бергә бәхетле гомер теләде, Югары Ослан муниципаль районы башлыгы Марат Зиатдиновның Рәхмәт хатын һәм истәлекле бүләк тапшырды. Юбилярлар адресына Югары Ослан муниципаль районы Шеланга авыл җирлеге башлыгы Валерий Майоровтан бүләк тапшыру белән бик күп җылы сүзләр яңгырады.