Транспорт һәм юл хуҗалыгы министрлыгының йомгаклау коллегиясенең киңәйтелгән утырышы
Бүген «Казан Экспо» МВЦ мәйданчыгында р. н.Миңнеханов катнашында «2023 елда Татарстан Республикасы юл-транспорт комплексы эшчәнлеге нәтиҗәләре һәм 2024 елга бурычлар турында» Татарстан Республикасы Транспорт һәм юл хуҗалыгы министрлыгының йомгаклау коллегиясенең киңәйтелгән утырышы узды.
Утырышта министрлыклар һәм ведомстволар җитәкчеләре, юл хуҗалыгы хезмәткәрләре, Муниципаль берәмлекләр вәкилләре катнашты.
Татарстан Республикасында юл төзелешенә 2023 елда 250 млрд сумга якын акча юнәлтелгән, бу шактый зур акча һәм эш күләме. Ул безнең районга да кагылды-М-12 «Восток» федераль трассасын ачтылар, «Югары Ослан авылына керү» һәм «Ямбулат авылына керү» төбәк әһәмиятендәге юл участокларын капиталь ремонтладылар, Куралово, Югары Ослан, Моркваш, Татар Борнашы һәм Карахуҗа ярларында 5 км юлны норматив хәлгә китерделәр.
Әлбәттә, эш күп һәм 2024 елда Министрлык эшнең төп бурычлары итеп «Хәвефсез һәм сыйфатлы юллар» милли проектын һәм юл эшләре программасын үтәүне,юл хәрәкәте иминлеге буенча чараларны гамәлгә ашыру эшләрен дәвам итүне, булган юллар челтәрен саклап калуны һәм эре федераль һәм региональ программаларны тәмамлауны куя.
Районда юл-урам челтәрен норматив хәлгә китерү буенча эшләр дә дәвам итәчәк.