Югары Ослан муниципаль районы Советының кырык икенче утырышы
Бүген район мәдәният йортында Югары Ослан муниципаль районы Советының чираттагы кырык икенче утырышы узды.
Чарада Татарстан Республикасы Премьер-министры урынбасары Роман Шәйхетдинов, Дәүләт Советы депутатлары, шулай ук район предприятиеләре җитәкчеләре һәм депутатлары катнашты.
Утырыш башланыр алдыннан кунаклар игътибарына күргәзмә тәкъдим ителде.
Аннары район башлыгы Марат Зиатдинов катнашучыларга районның 2023 елгы социаль-икътисади үсеш нәтиҗәләре һәм 2024 елга планнары турында сөйләде.
Чыгыштан күренгәнчә, социаль өлкәдә, икътисадта, авыл хуҗалыгында, газлаштыру, электр һәм су белән тәэмин итү, юл өлкәсендә мөһим проектларны актив гамәлгә ашыру дәвам итте.
Марат Галимҗан улы Украинада махсус хәрби операция темасын билгеләп үтми кала алмый, хәрби бурычын үтәгәндә һәлак булганнарның истәлеген бер минут тынлык белән хөрмәтли. Район башлыгы сугышчыларыбызга ярдәм итүчеләргә дә рәхмәт белдерде.