Район башлыгы Марат Зиатдиновның дини оешма имамнары белән очрашуы
Бүген Югары Ослан муниципаль районы башлыгы Марат Зиатдинов дини оешмаларның имамнары белән очрашты. Очрашу рәсми булмаган шартларда түгәрәк өстәл артында узды.
Очрашу барышында имам-мөхтәсиб Галия Җиһаншинның Югары Ослан мөхтәсибәтенең 2023 елдагы эшчәнлеге һәм районда дини экстремизмга каршы тору чаралары турындагы хисабы каралды. Дини оешмалар белән берлектә эшләү турында Россия Эчке эшләр Министрлыгының «Верхнеуслонский» муниципаль-ара бүлеге начальнигы Алексей Бортников чыгыш ясады. Моннан тыш, гыйбадәт йортлары өчен җир кишәрлекләрен рәсмиләштерү, территорияне төзекләндерү, биналарны террорчылыкка каршы саклау һәм башка мәсьәләләр каралды.
Очрашу ахырында район башлыгы Марат Зиатдинов кызыксындырган сорауларга җавап бирде, районның республика программаларында катнашуы турында сөйләде һәм якын елларда районны үстерү планнары белән уртаклашты.