"Мәктәпкә җыенырга ярдәм ит"акциясе
Яңа уку елы башланырга бер айдан аз гына күбрәк вакыт калды һәм беренче сыйныф укучылары беренче тапкыр шалтырату тавышларын ишетеп, мәктәп парталары артына утырачаклар-озын, ләкин кызыклы юл башланачак!
18 июльдән "Мәктәпкә җыенырга ярдәм ит"акциясенә старт бирелде. Аның максаты гади, әмма игелекле - уку елына әзерләнүдә ярдәм күрсәтү. Традиция буенча балаларга канцелярия кирәк-яраклары җыелмасы белән рюкзаклар тапшырачаклар.
- 12 елдан артык безнең районда портфельләр барлык беренче сыйныф укучыларына тапшырыла, бүгенге көндә алар ике йөз илледән артык кешегә бирелә, - дип уртаклаша Башкарма комитет җитәкчесенең социаль-мәдәни мәсьәләләр буенча урынбасары Ирина Алеева. - Елдан-ел акциядә предприятиеләр һәм оешмалар, эшмәкәрләр һәм Татарстан Республикасы Дәүләт Советы депутатлары актив катнаша.