Татарстан Республикасы Рәисе Р.Н. Миңнеханов һәм аның хатыны Г. А. Миңнеханова исеменнән тантаналы кабул итү мәҗлесе
2024 елның 27 августында Республика көне алдыннан Казан Кремлендә Татарстан Республикасы Рәисе Р. Н.Миңнеханов һәм аның хатыны Г. А. Миңнеханова исеменнән республиканың иң яхшы гаиләләрен хөрмәтләүгә багышланган ел саен үткәрелә торган тантаналы кабул итү мәҗлесе узды. Әлеге чарада безнең районнан ирле-хатынлы Гаязов Илнур Хазинур улы һәм Яр Морквашы авылыннан Төхфәтуллина Зөһрә Солтан кызы чыгыш ясады.
Илнур Хәзинур улы беренче тапкыр 2014 елда Яр буе Морквашы авыл җирлеге башлыгы итеп сайланды һәм бүгенге көндә дә район башлыгы булып эшли. Бу вакыт эчендә җирлек һәм халык иминлеге өчен зур күләмдә эш башкарылды. Җирлекне төзекләндерүгә зур игътибар бирелә.
Зөһрә Солтан кызы Казан федераль университетының хисаплау математикасы һәм кибернетика факультетын физика, информатика, математика укытучысы һәм системалы программист белгечлеге буенча тәмамлаган. Хезмәт эшчәнлеген Казан дәүләт педагогика университетында физиканы укыту методлары кафедрасында лаборант булып башлый, аннары 19 ел дәвамында Татагролизинг акционерлык җәмгыятенең мәгълүматлаштыру бүлеге башлыгы булып эшли. 2024 елның февраленнән ВетФармГарант «фәнни-җитештерү предприятиесе» җаваплылыгы чикләнгән җәмгыятенең система администраторы булып эшли, шулай ук 1С администраторы белгечлеге буенча хезмәт күрсәтү буенча үзмәшгуль булып тора. эшләү чорында үзен хезмәт сөючән, намуслы, җаваплы хезмәткәр итеп күрсәтте.
Үз гаилә кыйммәтләре һәм традицияләре булган гаилә ир белән хатын өчен һәрвакыт иң югары хәзинә булды һәм шулай булып кала да. Алар өч малайны лаеклы, тату тәрбиялиләр. Балалар әти-әниләрен уңышлары һәм казанышлары белән сөендерәләр.