Тавыш бирегез һәм Интернетны уңайлырак итәргә ярдәм итегез
2024 елның 5 августыннан 17 ноябренә кадәр сезнең регионның цифрлы инфраструктурасы киләчәгенә йогынты ясау мөмкинлеге бар. Цифрлы тигезсезлекне бетерү программасы кысаларында (УЦН 2.0) 2025 елда халык саны 100 дән 500 гә кадәр булган кече торак пунктларны югары тизлекле мобиль Интернетка тоташтыру өчен тавыш бирү үткәрелә. Югары Ослан районыннан программага түбәндәге торак пунктлар кертелгән: Пустые Моркваши Бистәсе һәм Иске Рус Мәмәтхуҗасы авылы.
Ничек тавыш бирергә?
1. Сезнең Россия Федерациясе гражданины булуыгызга һәм 18 яшькә җитүегезгә инаныгыз.
2. Дәүләт һәм муниципаль хезмәтләрнең бердәм порталында яисә Россия Почтасы аша цифрлы үсеш, элемтә һәм массакүләм коммуникацияләр министрлыгына гариза җибәреп тавыш бирергә мөмкин.
3. Гаризада Сезнең ф.и. о. ны, даими теркәлү адресын һәм сез тавыш бирә торган торак пунктны күрсәтегез.
4. Исегездәме, бер генә тапкыр һәм бер генә торак пункт өчен тавыш бирергә мөмкин!
Ни өчен бу мөһим?
Югары тизлекле интернетка тоташу бу торак пунктларда яшәүчеләр өчен яңа мөмкинлекләр ачачак, онлайн-белем бирүгә, читтән торып эшләүгә һәм башка бик күп нәрсәләргә юл ачачак. Сезнең тавышыгыз әһәмиятле!
Сораулар?
Әгәр сездә тавыш бирү процедурасы буенча сораулар туган икән, языгыз inet@digital.gov.ru.
Үзегезнең торак пунктыгызны уңайлырак һәм заманчарак итү мөмкинлеген кулдан упкындырмагыз! Тавыш бирегез һәм Интернетны уңайлырак итәргә ярдәм итегез!