Югары Ослан районында вакытлыча юллар салалар
Югары Ослан районы хакимияте торак пунктларда юл челтәрен камилләштерү буенча вакытлыча карар тапкан. Авылларның икенче дәрәҗәдәге юлларына асфальт гранулат җәелә.
- Әлеге материал аз чыгымнар белән түшәмнең ныклыгын тәэмин итә һәм безгә, күпмедер вакытка булса да, автотранспортның торак пункт урамнарына чыгу проблемаларын хәл итәргә мөмкинлек бирәчәк. Кешеләр тыныч кына үз машиналарында өйләренә кадәр барып җитә яки начар һава торышы вакытында пычракка батмыйча җәяү уза алачак. Һәм тагын да мөһимрәге, мондый юллар махсус транспортка – ашыгыч ярдәм машиналарына яки гадәттән тыш хәлләр министрлыгына каршылыксыз йөрергә мөмкинлек бирә, - дип билгеләп үтә район башлыгы.
Югары Ослан районында вакытлы юллар салу өчен Материал Татарстан Республикасы Рәисе Рөстәм Миңнеханов карары белән Евгений Варакинның шәхсән мөрәҗәгать итүеннән соң бирелде. Элек асфальт гранулат М12 трассасында вакытлы юллар төзегәндә кулланылган.
- Гомумән алганда, без үзебезнең торак пунктларда 6 мең куб метр чамасы асфальт валчыгы түшәргә планлаштырабыз. Беренче чиратта вакытлы юллар гражданнарыбызның Минем кабул итү бүлмәсенә килгән мөрәҗәгатьләре нигезендә яисә халык белән шәхси очрашулар вакытында салына, - дип сөйли Югары Ослан муниципаль районы башлыгы.
Вакытлыча юл салу эшләрен көзге юл чаты башланганчы, авылда асфальт түшәлмәгән урамнар үтүе кыенлашканчы башкару планлаштырыла. Аларның үтәлешен Евгений Варакин шәхси контролендә тота.