Пенсионерлар белән очрашу

2024 елның 10 октябре, пәнҗешәмбе

Район башлыгы урынбасары Сергей Осянин өлкәннәр һәм инвалидлар интернат-йортында булды. Пенсионерлар белән очрашу өлкәннәр ункөнлеге кысаларында узды.  

Сергей Осянин актлар залында җыелучыларны бәйрәм белән котлады, аларга сәламәтлек теләде һәм чәйгә бәлешләр тапшырды. 

1-10 октябрьдә узган Өлкәннәр ункөнлеге кысаларында район территориясендә 20дән артык чара уздырылды. Өлкән яшьтәге кешеләр өчен концертлар, тематик күргәзмәләр оештырылды, сауна, бассейн һәм спорт комплексына бушлай бару оештырылды. Ярминкә көнендә барлык пенсионерларга ташламалар бирелде. 

Гадәттәгечә, яше яки сәламәтлеге аркасында чараларга йөри алмаган пенсионерларны өйләрендә котладылар.