Казан шәһәрендә авыл хуҗалыгы ярминкәсе

2024 елның 30 декабре, дүшәмбе

Казан шәһәрендә районыбыз катнашында йомгаклау авыл хуҗалыгы ярминкәсе узды. 

Бәйрәм алды ярминкәсе югары дәрәҗәдә узды. Сентябрьдән декабрьгә кадәр безнең авыл хуҗалыгы товар җитештерүчеләре катнашында 8 ярминкә үткәрелде, шул ук вакытта район территориясендә җитештерелгән 10 миллион сумнан артык продукция сатылды. 

Ярминкәләр өчен шәһәр халкы, атап әйткәндә, өлкән яшьтәгеләр аеруча рәхмәтле. Ярминкәләрдә катнашучыларга һәм оештыручыларга премьер-министр урынбасары-Татарстан Республикасы Авыл хуҗалыгы һәм азык-төлек министры Марат Җаббяров шәхсән рәхмәт белдерде.