Югары Ослан районында 2025 елда беренче тапкыр гражданнарны кабул итү булды

2025 елның 14 гыйнвары, сишәмбе

Район башлыгы Евгений Варакин һәм Татарстан Республикасы Рәисенең территорияләр белән эшләү Идарәсенең баш киңәшчесе Артем Абрамов җирле халыкның мөрәҗәгатьләрен тыңладылар. Очрашуга җиде кеше язылды. 
 
Төп сораулар юлларны ремонтлау, җир бәхәсләрен хәл итү һәм авыл мәдәният йортын торгызуга кагылды. Эшмәкәрләрнең инициативаларына аерым игътибар бирелде. Аларның берсе ат абзары төзү проектын тәкъдим итте. Икенче эшмәкәр район торак пунктларының берсендә сәүдә ноктасы ачарга ниятли. 
 
Евгений Варакин мондый очрашуларның актуаль мәсьәләләрне нәтиҗәле хәл итү һәм халык белән әңгәмәне дәвам итү өчен мөһимлеген билгеләп үтте. Барлык мөрәҗәгатьләр дә теркәлгән, һәм аларның һәрберсе буенча тиешле эш башкарылачак.