Югары Осланда район Дәүләт автоинспекциясе катнашында профилактик акция узды
Югары Осланда район дәүләт автоинспекциясе катнашында профилактик акция узды.
«Каенкай» балалар бакчасының әзерлек төркемендә тәрбияләнүчеләр кәгазь куллар һәм плакатлар әзерләделәр, аларда юл хәрәкәте кагыйдәләрен үтәүнең мөһимлеген тагын бер кат искәрттеләр. Балалар һәр «кул» На төсле карандашлар белән машина йөртүчеләргә куркынычсызлык каешын эләктерергә, тизлек режимын сакларга, балаларны кәнәфиләргә утыртып йөртергә һәм юлда игътибарлы булырга үтенеп мөрәҗәгатьләр яздылар.
Мәктәпкәчә яшьтәге балаларга «куллар» тапшырырга автоинспекторлар булышты – алар балаларны әтиләрчә кайгыртып йөртүчеләр янына алып килделәр һәм юлларда куркынычсыз хәрәкәт итүнең төп кагыйдәләрен бергәләп әйттеләр. Машина йөртүчеләр, үз чиратында, балаларга шундый файдалы искәртүләр өчен рәхмәт әйттеләр һәм аларны шатланып кабул иттеләр.
Акция азагында барлык мәктәпкәчә яшьтәге балалар «юл хәрәкәте иминлеге» ДБУнең Югары Ослан районы территориаль идарәсенең профилактика бүлегенең әйдәп баручы белгече Зилия Шәйдуллинадан файдалы бүләкләр – фликерлар(яктылыкны кайтара торган элементлар) алдылар.