#ДорогамиВеликойПобеды
Ватанны саклаучылар көне алдыннан туган якны өйрәнү музее #ДорогамиВеликойПобеды рубрикасында Романов Иван Павлович турында сөйли, аңа 23 февральдә 110 яшь тулган булыр иде.
Белоруссиядә 1915 елда туган. 1941 елның июненнән сугышта, Строй корпусы штабының элемтә офицеры вазифасында. «I дәрәҗә Ватан сугышы», «II дәрәҗә Ватан сугышы» орденнары, «Батырлык өчен», «Германияне җиңгән өчен», «Японияне җиңгән өчен»медальләре белән бүләкләнгән.
1944 елның җәендә бер төркем автоматчылар белән беренче булып Днепр елгасын кичте һәм дошман турында кыйммәтле мәгълүмат бирде, камалган группировканы юк иткәндә яралана. Командование боерыкларын төгәл үтәгәне өчен офицер Романов «Кызыл Йолдыз»ордены белән бүләкләнде. Батальон белән яхшы җитәкчелек итү нәтиҗәсендә Волосово авылы азат ителә, шуның өчен т.Романов хөкүмәт бүләге- «Сугышчан казанышлары өчен»медале белән бүләкләнә.
Сугыштан соң подполковник Романов Түбән Ослан консерв заводына җибәрелә, ул анда озак еллар уңышлы җитәкчелек итә. Цехларны реконструкцияләү һәм яңа биналар төзү нәтиҗәсендә энергияле директор продукция ассортиментын киңәйтә һәм 1972 елдан дөнья базарына чыга, Румыния, Чехословакия, ФРГ, Япониягә консервлар җибәрә. Ә җирле халык әлегә кадәр яшелчә һәм яшелчә-гөмбә тозларының кабатланмас тәмен хәтерли һәм кибетләрдә һәрвакыт компотлар, соклар, лимонадлар, маринадлар һәм җирле җитештерелгән шәрабларны сайлап алырга мөмкин иде.