Югары Ослан районында социаль контрактларның үтәлешен тикшерделәр

2025 елның 30 апреле, чәршәмбе

Социаль контрактлар-авыр тормыш шартларында гаиләләргә һәм гражданнарга матди хәлен яхшыртырга ярдәм итә торган мөһим ярдәм чарасы. Аларның үтәлешен контрольдә тоту ярдәмнең тиешле урында кулланылуына инанырга мөмкинлек бирә.

Рус Макылы һәм Мәмәтхуҗа авылларында социаль ярдәм алучылар белән очраштылар. Тикшерү нәтиҗәләре буенча хокук бозулар ачыкланмаган. Контрактлар алучылар үз өстенә алган йөкләмәләрне үтиләр, ә бирелгән акчалар шәхси ярдәмче хуҗалыкны үстерүгә, укытуга яисә эшкуарлык эшчәнлегенә юнәлтелә.

Социаль хезмәтләр һәм Югары Ослан районының башка вәкаләтле субъектлары киләчәктә дә социаль контрактларның үтәлешен күзәтеп торачак.