"Казан-Ульяновск" - Ключищи автомобиль юлында капиталь ремонт башланды

2025 елның 29 мае, пәнҗешәмбе

Югары Ослан районында «яшәү өчен Инфраструктура» милли проекты кысаларында «Казан – Ульяновск» – Ключищи автомобиль юлында капиталь ремонт башланды. Эшләр 1,9 км озынлыкта булачак һәм 140 метрга ясалма яктырту җайланмасын үз эченә алачак. Проектны гамәлгә ашыруга 55,7 миллион сум акча бүлеп бирелгән.  

"Татавтодор" АҖ нең Апас филиалы "Югары Ослан" ДРСУ яңа юл өслеген салу буенча әзерлек эшләренә кереште инде. Әлеге проект юл инфраструктурасын яхшыртуга һәм юлларда куркынычсызлыкны арттыруга юнәлдерелгән.