«Сенаж көне»
«Сенаж көне» Татарстан Республикасы Арча муниципаль районының» Северный" АХП ҖЧҖендә узды.
Терлекчелек һәм азык җитештерү буенча киңәшмәдә авыл хуҗалыгы формированиеләре һәм крестьян (фермер) хуҗалыклары җитәкчеләре һәм баш белгечләре, «Россельхозцентр» ФДБУнең Татарстан Республикасы филиалының Авыл хуҗалыгы һәм азык-төлек идарәсе, районара һәм район бүлекләре белгечләре катнашты.
Монда киңәшмәдә катнашучылар люцерна чәчүлекләрен тукландыру технологияләре, күпьеллык үләннәр чәчәр алдыннан әче туфракны известьлау, күпьеллык үләннәр чәчү һәм терлек азыгы әзерләү өчен туфракны эшкәртү, Татарстан Республикасы азык лабораторияләре эшенең үзенчәлекләре белән таныштылар.
Экспертлар тәҗрибәләре, белемнәре белән уртаклаштылар һәм актуаль мәсьәләләр турында фикер алыштылар. Төп нотык белән Татарстан Республикасы Премьер-министры урынбасары –Татарстан Республикасы Авыл хуҗалыгы һәм азык-төлек министры Марат Азат улы Җәббаров чыгыш ясады.
Чара азагында бүләкләү тантанасы узды, анда Татарстан Республикасы агросәнәгать комплексы системасында намуслы һәм нәтиҗәле хезмәте өчен Югары Ослан муниципаль районының «ВостокЗернопродукт» Аҗендә терлек азыгы әзерләү буенча белгеч Савельев Михаил Олегович Татарстан Республикасы Авыл хуҗалыгы һәм азык - төлек министрлыгының Рәхмәт хаты белән бүләкләнде.
Михаил Олеговичка ирешелгәннәрдә генә тукталып калмаска, һәрвакыт алга барырга, теләсә нинди түбәләрне яуларга телибез. Уңышка ирешү юлында һәрвакыт бәхетле йолдыз балкысын!