Балалар сәнгать мәктәбе кыйммәтле бүләк алды
Югары Ослан балалар сәнгать мәктәбе Татарстан Республикасы Мәдәният министрлыгыннан кыйммәтле бүләк алды. Өстәмә белем бирү учреждениесендә яңа музыка коралы барлыкка килде.
Гармунны Татарстан Республикасы мәдәният министры урынбасары Ленар Хәкимҗанов һәм район башлыгы Евгений Варакин тапшырды.
Җәйге каникулларга карамастан, сәнгать мәктәбенең яшь укучылары кунакларны җылы каршы алдылар. Балалар тальяннарда танылган татар көйен башкарып, үзләренең сәләтләрен күрсәттеләр.
Ленар Хәкимҗанов яшь музыкантларга тырышлыклары һәм күпмилләтле Татарстанның мәдәни мирасын үстерүгә керткән өлешләре өчен рәхмәт белдерде. Ул билгеләп үткәнчә, аларның иҗаты үсеп килүче буын арасында халык уен кораллары һәм традицияләре белән кызыксынуны саклап калырга ярдәм итә. Сәнгать мәктәбенә визиты ахырында министр урынбасары сәнгать мәктәбенә уңышлар һәм яңа иҗади казанышлар теләде.