Операция кысаларында рейдлар
Югары Ослан районында <Яшүсмер-2025>операциясе кысаларында рейдлар дәвам итә. Төп максат-социаль куркыныч хәлдә булган гаиләләрдә балалар өчен имин шартлар тудыру.
Белгечләр районның 6 торак пунктында 23 балигъ булмаган бала тәрбияләүче 9 гаиләдә булдылар. Рейдлар барышында балигъ булмаганнарга җәйге эшкә урнашу өчен вакансияләр тәкъдим ителде, шулай ук торак шартларын тикшерделәр.
Янгын куркынычсызлыгы буенча инструктажлар үткәрелде һәм автоном хәбәрчеләрнең төзеклеге тикшерелде. Ата-аналар һәм балалар белән балалар травматизмын профилактикалау һәм җәйге чорда суда үз-үзеңне тоту кагыйдәләре турында әңгәмәләр үткәрелде. Балалар <имин җәй> белешмәләре һәм палаткалы лагерьга юлламалар алдылар.
<Яшүсмер> операциясе авыр тормыш ситуацияләрендә балаларга карата мәрхәмәтсез мөгамәләне кисәтүгә һәм яшүсмерләргә ярдәм итүгә юнәлдерелгән.