Эшлекле дүшәмбе
Бүген традицион «Эшлекле дүшәмбе» дә Дәүләт Думасының милләтләр эшләре комитеты рәисенең беренче урынбасары Илдар Гыйльметдинов катнашты. Киңәшмә барышында депутат район җитәкчеләренә халыкның төрле катламнарына ярдәм итүгә юнәлдерелгән федераль һәм республика программаларын гамәлгә ашыруга багышланган доклад белән чыгыш ясады.
Илдар Гыйльметдинов үз чыгышында демографияне күтәрү, һөнәри белем бирү системасын яхшырту һәм махсус хәрби операциядә катнашучыларның гаиләләренә ярдәм күрсәтү мәсьәләләренә аерым игътибар бирде.
Җитәкчеләрнең атналык киңәшмәсе тәмамланганнан соң депутат район башлыгы Евгений Варакин белән берлектә халыкны кабул итте. Очрашу барышында гражданнар социаль һәм икътисадый проблемаларга кагылышлы сораулар бирә алдылар, шулай ук үзләрен кызыксындырган темалар буенча консультацияләр алдылар.