Югары Ослан районы җәмәгатьчеләре "Бүләккә китапханә" акциясен хупладылар
Без Иҗтимагый совет әгъзаларына мөрәҗәгать итеп, Татарстан шефлык иткән Лисичанск һәм Рубежное шәһәрләрендә яшәүчеләр белән яраткан китапларыбызны уртаклашуның менә дигән мөмкинлеге турында сөйләдек. Без, өлкән буын, китапның кеше тормышында никадәр мөһим булуын аңлыйбыз, шуңа күрә акция җанлы кабул итү һәм хуплау тапты, - дип сөйли районның Иҗтимагый советы рәисе Геннадий Матросов.
Геннадий Иванович хәбәр иткәнчә, аз гына вакыт эчендә 242 китап җыелган инде. Нигездә бу классик әдәбият: Толстой, Салтыков-Щедрин, Лесков, Достоевский, Пушкин, Лермонтов һ.б. балалар әдәбияты, мәктәп укучылары өчен уку әсбаплары, шулай ук төрле жанрдагы китаплар күп. Китап җыюда районның Иҗтимагый советы әгъзалары Борис Баранов, Владимир Токарев, битараф булмаган кешеләр Валентина Салина һәм Валентина Сидорова, шулай ук газета редакциясе һәм район китапханәсе коллективлары катнашты. Барыгызга да акциядә катнашулары өчен генә түгел, шул рәвешле ЛНР халкы белән теләктәшлек күрсәтүләре өчен дә зур рәхмәт, - дип билгеләде Геннадий Иванович.
Акция 2025 елның 10 августына кадәр дәвам итәчәк.
Яхшы акциягә кушылыгыз !