Max милли мессенджерын рәсми рәвештә көз башында эшләтеп җибәрәчәкләр
Россиядә Владимир Путин кушуы буенча яңа милли мессенджер эшлиләр. Моның өчен нигез итеп MAX платформасын алачаклар.
Кушымта рәсми сайт, шулай ук Google Play, App Store, RuStore һәм AppGallery кибетләре аша йөкләп алырга мөмкин. Ул iOS һәм Android өчен эшли, десктоп-версиясе һәм веб-интерфейсы бар.
MAX аккаунтын төзү процессы стандарт: йөкләп алганнан соң, раслау коды белән СМС килгән кәрәзле телефон номерын күрсәтергә кирәк. Аны керткәннән соң чатларда күрсәтү өчен исем бирергә һәм теләсәң профильле фото өстәргә кирәк. Бер үк вакытта язышуларны һәм алар арасындагы шалтыратуларны синхронлаштыру белән берничә җайланмада авторизацияләү мөмкинлеге бар.
Исегезгә төшерәбез, Татарстан мәгариф учреждениеләре укучылары һәм педагоглары илебезнең Max мессенджерына күчәчәк. Мах мессенджерында «Татарстан хезмәтләре»порталы функционалы барлыкка килде инде. Республика халкы монда счетчик күрсәткечләрен бирә, торак-коммуналь хуҗалыкка һәм салымнарга түли, башка мөмкинлекләрдән файдалана ала.