Югары Ослан районында күчемсез милекне теркәү проблемалары
Югары Ослан районында күчемсез милеккә хокукны дәүләт теркәвенә алу өлкәсендә барлык хокук бозулар ачыкланырга һәм бетерелергә тиеш.Муниципалитет башлыгы Евгений Варакин шундый бурычны билгеләде. Моңа районның авыл җирлекләрендә үз белдегең белән җир кишәрлекләрен басып алу һәм аларда торак йортлар төзү фактлары сәбәпче булды.
Шуны белү мөһим, мондый гамәлләр өчен 300 мең сумга кадәр штраф яки ике елга кадәр иректән мәхрүм итү каралган.
Моннан тыш, милек хокукын теркәүнең булмавы җитди кыенлыкларга китерергә мөмкин: прописка рәсмиләштерү һәм ипотека алу, күчемсез милек белән алыш-бирешләр үткәрү яки судта милек хокукына дәгъва белдерү. Ә җир кишәрлегенең төгәлләштерелгән чикләре булмаган очракта гражданнарга җирдән хокуксыз файдалануда гаепләүләр белдерелергә яисә капиталь төзелеш һәм газлаштыру объектларын төзегәндә кыенлыклар туарга мөмкин.
Проблемаларны булдырмас өчен милеккә хокукны вакытында теркәү һәм закон нормаларын үтәү мөһим. Бу милекчене юридик нәтиҗәләрдән генә яклап калмыйча, киләчәккә ышанычны да тәэмин итәчәк.