Иннополиста Югары Ослан һәм Иннополис командалары арасында мини-футбол буенча матч узды

2025 елның 9 октябре, пәнҗешәмбе

Иннополиста Югары Ослан һәм Иннополис командалары арасында мини-футбол буенча иптәшләрчә матч узды.Уен спорт мәйданчыклары һәм манежлар төзү республика программасы кысаларында төзелгән заманча яңа спорт мәйданчыгында узды.

Катнашучылар сүзләренчә, мондый очрашулар спортны популярлаштыруга, районнар арасында дуслык мөнәсәбәтләрен ныгытуга һәм яшьләрне актив тормыш рәвешенә җәлеп итүгә ярдәм итә.

Оештыручылар билгеләп үткәнчә, Иннополис шундый дәрәҗәдәге спорт чараларын кабул итүне дәвам итәчәк, ә спорт мәйданчыклары һәм манежлар төзелеше программасы буенча төзелә торган яңа объектлар районда массакүләм спортны үстерү өчен барлык шартларны да тудыра.