Иннополис мәктәбе командасы Татарстанны халыкара "Роботлар сугышында» тәкъдим итәчәк
Иннополис мәктәбенең «Foxykids» командасы 18 октябрьдә Ленинград өлкәсенең «Игорь» бөтенсезон курорты территориясендә узачак «Роботлар сугышы» Халыкара чемпионатының өченче сайлап алу этабында республика данын яклаячак.
Татарстанны ярышларда тәкъдим итәчәкләр:
· Егор Безруков - техник-электроник, электрон компонентлар һәм аларның сугышта ышанычлылыгы өчен җавап бирә,
· Солтан Бәдретдинов - грамоталы гамәлләре көндәшне нокаутка китерәчәк пилот,
* Камил Зәкиев - техник-аналитик, көндәшләренең көчсез якларын бәяли,
· Максим Баяндин - «Foxykids»командасы капитаны һәм җитәкчесе.
Чара бөтен дөньядан килгән инженерлар һәм конструкторлар командаларын берләштерәчәк. Бу этапта Россия, Тунис һәм Һиндстаннан 28 команда катнашачак Аалар ике категориядә көч сынашачак:
- «Роботлар сугышы» дисциплинасында 16 команда (110 кг га кадәр авырлыктагы роботлар);
- «Мини-роботлар сугышы» дисциплинасында 12 команда (1,5 кг га кадәр авырлыктагы роботлар).
Чемпионат мавыктыргыч ярышлар гына түгел, ә алдынгы инженерлык чишелешләре белән алмашу өчен мөһим халыкара мәйданчык та булып тора.
Оештыручылар мавыктыргыч сугышлар һәм интеллект һәм технологияләрнең чын көрәшен вәгъдә итә.
Теләге булган һәркем Татарстан командасының чыгышын чемпионатның онлайн-трансляциясе аша күзәтә ала. https://vkvideo.ru/video-219465931_456240922
Әйдәгез бергәләп егетләребез өчен җан атыйк!