Югары Ослан муниципаль районы профсоюз активының хисап конференциясе
Бүген район Советының киңәшмәләр залында муниципаль учреждениеләр хезмәткәрләренең беренчел профсоюз оешмалары һәм социаль хезмәт күрсәтү өлкәсе конференциясе узды.
«Профсоюз оешмасының сайланулы органнарының Профсоюз Уставын һәм Профсоюзның 2020-2025 елларга эшләү программасын үтәү буенча башкарган эшләре турында " хисап доклады белән республика комитетының Югары Ослан муниципаль районындагы ышанычлы кешесе Лилия Хөрмәтуллина чыгыш ясады. Профсоюзның яшьләр советы рәисе Алинә Сәлахова аның эше һәм 2026 елга планнары турында мәгълүмат белән уртаклашты.
Конференция эшендә район башлыгы урынбасары Сергей Осянин, район Башкарма комитеты җитәкчесе Айрат Әхмәтшин, җирлек башлыклары катнашты.
Конференция делегатлары районның беренчел профсоюз оешмаларының сайлап куелган профсоюз органнары эшен канәгатьләнерлек дип таптылар һәм киләчәккә бурычлар билгеләделәр. Бу: профсоюзга керүне мотивацияләү эше, мәдәни һәм спорт – сәламәтләндерү чаралары, барлык дәрәҗәләрдә мәгълүмати сәясәт һәм социаль партнерлыкны үстерү.