Югары Ослан районында Урман хуҗалыгының 2025 елгы эшенә йомгаклар һәм 2026 елга бурычлар
Югары Ослан муниципаль районы хакимияте бинасында урманчылыкның һәм урман хуҗалыгының 2025 елгы эшенә йомгак ясауга һәм 2026 елга бурычлар куюга багышланган киңәшмә узды.
Орашуда район Башкарма комитеты җитәкчесе Айрат Әхмәтшин һәм Татарстан Урман хуҗалыгы министрының беренче урынбасары Илгизәр Зарипов катнашты, ул ведомствоара хезмәттәшлекнең мөһимлеген һәм урман ресурсларыннан файдалануга контрольне көчәйтү кирәклеген ассызыклады.
Докладлар белән урман хуҗалыгы җитәкчесе Илназ Абдуллин, урман хуҗалыгы директоры Азат Бикбулатов һәм профсоюз рәисе Зарема Галиуллина чыгыш ясады.
2025 елда урман мәйданнарының тотрыклы үсүе һәм идарә итүнең нәтиҗәлелеге артуы билгеләп үтелде, ә 2026 елга мониторингны модернизацияләү, законсыз кисүләрне кисәтү һәм деградацияләнгән кишәрлекләрне торгызу программаларын үстерү бурычлары куелды. Авыл хуҗалыгы, туризм һәм мәгариф белән уртак проектларга аерым игътибар бирелде.
Киңәшмә урман хуҗалыгының иң яхшы хезмәткәрләрен безнең урманнарны саклауга һәм үстерүгә керткән өлешләре өчен бүләкләү тантанасы белән тәмамланды. Җиңүчеләрне котлыйбыз һәм сәламәт табигать хакына хезмәт итүчеләргә рәхмәт белдерәбез!