Эшлекле дүшәмбе
Традицион «Эшлекле дүшәмбе» дә район башлыгы Евгений Варакин барлык идарә, оешма һәм предприятие җитәкчеләренә 1 апрельдә Татарстанда старт алачак санитария икеайлыгында актив катнашырга кушты. Төп бурыч — май бәйрәмнәренә барлык торак пунктларны һәм җәмәгать киңлекләрен тәртипкә китерү.Варакин билгеләп үткәнчә, масштаблы экологик акция кысаларында хәрби дан монументларын җыештыруга һәм шәхси сектордагы йорт яны территорияләрен кыш буена җыелган чүп-чардан чистартуга аерым игътибар бирелергә тиеш. - Бу эшләргә мөмкин кадәр күбрәк авыл кешеләрен җәлеп итәргә кирәк, - дип ышана район башлыгы. Евгений Варакин санкцияләнмәгән чүплекләрне бетерү мәсьәләсенә аерым тукталды. Аларның барысы да тиз арада ачыкланырга һәм юк ителергә тиеш. Моннан тыш, киңәшмәдә 23-29 март көннәрендә район буенча оператив сводка һәм Куралово авыл җирлеге башлыгы Роман Тарасовның отчеты каралды.