Министр яшүсмерләр (яшьләр) клубында ремонт эшләре барышы белән танышты
Татарстан Республикасы Яшьләр эшләре буенча министры Азат Кадыйров Югары Осланга эш сәфәре кылды. Сәфәрнең төп максаты район яшүсмерләр (яшьләр) клубында ремонт эшләренең барышы белән танышу булды.
Азат Кадыйров Евгений Варакин белән бергә хәзерге вакытта тулысынча реконструкцияләнә торган объектны карады. Министр билгеләп үткәнчә, ремонт эшләре заманча стандартларны исәпкә алып алып барыла, әмма проектны яхшырту буенча өстәмә киңәшләр бирде.
- Клубның заманча гына түгел, районыбыз яшүсмерләре һәм яшьләре өчен максималь уңайлы һәм куркынычсыз булуы мөһим. Министрның барлык тәкъдимнәре дә эшкә алыначак һәм якын арада гамәлгә ашырылачак, - дип ассызыклады район башлыгы.
Визит нәтиҗәләре буенча киләчәктә планлаштырганда һәм башкарганда министрның тәкъдимнәрен исәпкә алу турында Карар кабул ителде. Реконструкция тәмамланганнан соң, клуб бөтен Югары Ослан районы яшьләре өчен яңа тарту ноктасына әверелер дип көтелә.