Кичә район культура йортында Татарстанның халык артисткасы хәния Фәрхи үзенең группасы белән концерт куеп китте.
Зал туп – тулы, чебен очкан тавыш та ишетелми, халык таң калып Хәнияне тыңлый...
Аның җырлары күңелнең иң ерак почмакларына кадәр үтеп кереп, хисләрне яңарта, кайгы-хәсрәтләрне оныттыра, шатлык өсти.
Аны район кешеләренә шундый бәйрәм бүләк иткәне өчен Бөтендөнья татар конгрессы җитәкчесе Гөлгенә Дәүләтшина бөтен халык исеменнән кайнар котлады.
3 сәгатьлек программа сизелмичә дә үтеп китте. Халык бик рәхмәтле Хәниягә.