“Дуслар көне”

Кичә Макыл авылының Спорт клубында лагерьга йөрүче балалар авыл яшьләре белән очрашты. Очрашу Халыкара дуслар көненә багышланган иде.

Бу дата официаль булып саналмаса да, ул үз актуальлеген югалтмый.

Бу бәйрәм - дусларның кирәклеген һәм иң мөһим нәрсә икәнлеген искә төшерү өчен бик әһәмиятле бәйрәм.

Россиядә ул көннән-көн популярлаша бара.

Спорт клубында эстафеталар, интелектуаль конкурслар уздырылды. Җиңүчеләр дә, җиңелүчеләр дә булмады. Барысының да күңеле күтәренке иде.