Баскетбол буенча ярышлар

Узган шимбәдә “Чемпион” спорт клубында 7 нче Спартакиада кысаларында баскетбол буенча ярышлар булып узды. Ул бөек җиңүнең 72 еллыгына багышланган иде.

Ярышларның максаты бер: халыкта сәламәт тормыш рәвеше тәрбияләү һәм хезмәт коллективлары арасында бердәмлек тәрбияләү.

Оешмалардан 3 комана: больница, Совет һәм Башкарма комитет, Мәгариф бүлеге катнашты.

Авыл җирлекләреннән 4 команда: Югары Ослан, Түбән Ослан, “Штурм”  һәм Иннополис командалары ярышты.

Бик көчле көч сынашудан соң урыннар болай бүленде:

1 нче – Иннополис;

2 нче – Югары Ослан авыл җирлеге;

3 нче – район мәгариф бүлеге.

Нәтиҗәләр 7 нче Спартакиаданың гомумкоманда зачетына керәчәк.