Муниципаль районнар Югары Ослан муниципаль районы Районның оешмалары Социальная сфера МКУ "Отдел культуры" Яңалыклар лентасы Архив Яналыклар 2014 - II

Яналыклар 2014 - II

25.12.2014
ФОРПОСТның активистлары.
Югары Ослан гимназиясендә 2010нчы елдан бирле “Нон-стоп” дигән яшьләр оешмасы эшли. Әлеге оешманың әгъзалары гимназиядә һәм гимназиядән тыш тәртипне саклыйлар, олы яшьтәге кешеләргә булышалар, төрле мероприятиеләрдә катнашалар. Иң актив укучы Бурдин Илья Казан шәһәрендәге яшьләр слетында катнашты һәм кул сәгате белән бүләкләнде.
19 декабрь көнне, актив булганнары өчен,безнең оешманы Яшьләр клубына чакырдылар. Монда Бөек Ватан сугышы Геройларына багышланган “Учак янында” дип исемләнгән кичә үтте. Ветераннар үзләренең истәлекләре белән уртаклаштылар, ә укучылар патриотик җырлар җырладылар. Кичә “Смуглянка “ җыры белән тәмамланды.

24.12.2014
Вахитов балалар бакчасында балалар һәм эшчеләр коллективы яңа ел мәшәкатьләре белән мәшгүль. Яңа ел бәйрәменә әзерлек бик куңелле бара. Балалар бакчасында бәйрәм атмосферасы исә. Бүген сабыйлар тәрбияче апалары белән прогулка вакытында кардан төрле сыннар әвәләделер. Эш нәтиҗәсе – бик матур Кыш Бабай килеп чыкты. Нәниләрнең шатлыклары эчләренә сыймады, алар Кыш Бабайларына шигырләрен һәм җырларын сөйләделәр.

23.12.2014
Татарстанда президент чыршысы булды.
Яңа ел алдыннан Рустам Минниханов йола буенча балаларны киләсе бәйрәм белән котлау өчен очрашты. Президент чыршысына бөтен Татарстан буенча 7500 бала җыелган иде. Бәйрәм итү өчен “Татнефть-Арена”ны сайладылар. Бәйрәмгә яхшы укучыларны, олимпиада җиңүчеләрен, иҗат конкурсларында катнашучыларны һәм авыр гаиләдәге балаларны чакырдылар. Яшьләр өчен олы чара үткәрүче Михаил Волконадский иде. Бу чарада МББУ “Татар Борнашы урта мәктәбен” яклаучы 10 сыйныф укучысы Лавонина Мария булды.

02.12.2014
28 нче ноябрь көнне Введенка Бистәсе төп гомуми белем бирү мәктәбе укучысы Никита Сладкин “Иннополис – киләчәк шәһәре” дип аталган рәсем бәйгесендә катнашып җиңүгә иреште. Никита беренче сыйныфта укый башлаганнан бирле мәктәпнең иң актив укучыларыннан санала, ул – яхшы спортчы да. Буш вакыттында Никита рәсем ясарга бик ярата. Аның рәсемнәрен еш кына мәктәп укучылары рәсемнәре күргәзмәсендә күрергә мөмкин.Бу җиңү - аның тагын да дәрәҗәле бәйгеләрдә катнаша алуына дәлил.

02.12.2014
27нче ноябрь көнне Введенка Бистәсе авылы мәдәният йортында Әниләр көненә багышланган концерт булды. Бәйрәм концертында актив катнашучылар – мәктәп укучылары һәм яшь укытучылар. 2,3,6нчы сыйныф укучылары бәйрәмгә җырлар, шигырьләр әзерләгән. Бәйрәмдә укучылар әниләренә үзләре әзерләгән бүләк –открыткаларын тапшырдылар. Концертны бәйрәм кунагы – Федор Ибрагимович Алкин дәвам итте, ул үзенең яраткан җырларын башкарды, шигырьләрен сөйләде.

17.11.2014
Аналар бэхете нэрсэдэ?-
Табыннар муллыктамы,
Торган,яшэгэн йортынын
Нигезе ныклыктамы?
Аналар бэхете нэрсэдэ?-
Гаилэ татулыктамы,
Сандугачларга жыр биргэн
Таннар матурлыктамы?
Аналар бэхете нэрсэдэ?-
Иллэр иминлектэме,
Балалар колуендэме,
Куклэр биеклектэме?
Аналар бэхете нэрсэдэ/-
Донья ямьлелектэме,
Баладан балага кучкэн
Гомере мэнгелектэме?
Аналар бэхете нэрсэдэ?..
Бу сорауга Яна болгар авылы клубы модире Айгуль Нуриева узенчэ жавап табарга тырышты. Энилэр бэйрэме алдыннан ул куршелэрен,
авылдашларын якты телэклэр белэн котлап узды.

14.11.2014
Мәдәният дәресе
Югары Ослан гимназиясенең 1-2нче сыйныф укучылары “Беренче сыйныф укучысының мәдәни көндәлеге” дип исемләнгән проект кысаларында үткән мәдәният дәресендә булдылар. Әлеге мероприятие районның мәдәният йортында үтте. Балаларны проектның персонажлары – Булат һәм Аленка каршы алды. Алар балаларга көндәлекләр бүләк итте , уеннар оештырды. Кичә ахырында “Алладинның тылсымлы лампасы” дигән театр күрсәтелде.
Бәйрәмдә балалар белән аларның әти-әниләре дә булды. Алар Татарстан Республикасында үтәчәк мәдәни вакыйгалар белән танышып барырга тиеш булачаклар. Иң әйбәтләре “Иң яхшы беренче сыйныф укучысының мәдәни көндәлеге”, “Иң мәдәниятле ата-ана” дигән номинацияләрендә җиңү яулаячак.

14.11.2014
Технология укытучыларының район семинары
13 ноябрь көнне Матюшино урта мәктәбендә технология укытучыларының район семинары узды. Монда ”Стандарт булмаган дәресләр, азкомплектлы мәктәпләрдә технологияне төрле юллар белән укытуга якын килү “ проблемалары күтәрелде.
Матюшино мәктәбенең технология укытучылары Садеева Л.А., Шәрәфеев И.Ә. укыту тәҗрибәләре белән уртаклаштылар: 5-7 сыйныф укучылары белән “Кечкенә хуҗабикәләр” ачык дәрес-бәйге үткәрделәр,”Яшь фермерлар мәктәбе”нә әзерлек буенча презентация күрсәттеләр.
Технология укытучылары Мартышина И.А., Садеева Л.А., Боткова С.В. кызыклы мастер-класслар:” Кул астындагы әйберләрдән тупинария”, “Банкет өстәле өчен салфеткалардан роза чәчәген ясау”. Бу кызыклы шөгыль кызлар өчен генә түгел, хәтта малайлар да үз куллары белән ясап, әниләренә, апаларына һәм дус кызларына бүләк итә алалар.
Кузнецова Л.Г. технология дәресләренең” Федераль Дәүләт Стандартлары таләпләренә туры килгән иҗади-тикшеренү эшчәнлеген үстерү” проблемасы буенча чыгыш ясады. Шулай ук технология буенча муниципаль этап олимпиадасын үткәрү турында һәм башка җитди сораулар каралды.

13.10.2014
Бәйрәмнәргә әзерләнү
Көз бәйрәмнәргә бай ай: Картлар көне, укытучылар көне, Көзге уңыш .Ә бәйрәмнәр концерттан башка үтми. Бәйрәмдә җырлаган барлык җырлар да җыр дәресендә өйрәнелә. Җыр дәресен Каптюшина Е.А. 5-7 сыйныфларда алып бара. Күмәк җырларга , җырның көен, сәхнәдә үз-үзләрен матур, дөрес тотарга да өйрәтә ул. Ә эшенең нәтиҗәсен концерт вакытында барлык кунакларның кәефләреннән, кул чабулардан күрә ул.

25.08.2014
25 август-җәлилчеләрне искә алу көне. Патриот шагырь Муса җәлил һәм җәлилчеләрнең фашист палачлары тарафыннан җәзалап үтерелүенә быел 70 ел тула. Әмма аларның тиңдәшсез көрәше мәңге җуелмаслык булып халык хәтерендә яши.
“Җыр өйрәтте мине”- дигән темага китапханәдә китап күргәзмәсе ясалды. Шагыйрьнең шигырьләре   , китаплары , “Моабит дәфтәрләре”,Ш. Маннурның “Муса”-романы   китап укучыларына   тәкъдим ителде.
”Матурлыкта - батырлык” – дигән темага патриотик әңгәмә уздырылды. Герой шагырьнең тоткынлыкта язган шигырьләрендә ватандарлык һәм шуның б елән бергә фашизмга карата нәфрәт хисләре бөтен тулылыгы белән чагыла. Китап укучыларда , Муса Җәлил шигырьләренең идея - эстетик кыйммәтләренә төшендерү, балаларда патриотизм тәрбияләү, герой-шагыйрьнең    тормышы һәм иҗатына карата ихтирам хисләрен тирәнәйтү , китапка мәхәббәт уяту максатыннан уздырылды.

05.08.2014
Свияжскида бишенче ел рәттән җәядән ату буенча «Свияжск кубогы» дигән ачык бәйге узачак
10 августта 11.00дән 15.00гә кадәр Свияжскида бишенче тапкыр җәядән ату буенча ел саен уздырыла торган«Свияжск кубогы» дигән бәйге узачак.
Бәйге ике этапта узачак: беренчесе - спорт ярышларындагыча 12 метрдан мишеньга, икенчесе   – традицион тарихи мишеньнарга (алма, балдак һ.б.) ату. Шушыннан соң иң көчле өч укчы җиңүче дип билгеләнәчәк.
Татарстан Республикасы Мәдәният министрлыгының Матбугат хезмәте

Соңгы яңарту: 2021 елның 10 феврале, 11:13