Яңалыклар 2015
30.12.2015
Яңа ел белән!
Введенка Бистәсе төп гомуми белем бирү мәктәбе укучылары 28нче декабрь көнне Яңа елны каршылау бәйрәмендә булды. Бәйрәмгә укучылар матур итеп бизәнеп, төрле әкияти образлар костюмнарында күңел ачты, чөнки Кыш бабай һәм Кар кызы аларны әкият дөньясына сәяхәткә алып китте: Тычканнар,Төлке, Куян, Кар бөртекләре, Мушкетерлар, Пиратлар да, хәтта Песиләр, Әби белән Бабай, Акбай белән Шалкан да биеде бу бәйрәмдә. Әкияттәге тылсымлы Фея чыршы әйләнәсендә биеп, бәйрәмгә килгән балаларга төрле төстәге шарлар бүләк итте. Куркыныч Баба Яга үзенең ярдәмчеләре белән мәкерле планнарын кулланып бәйрәмне боза алмады, балаларның зирәклеге күңелле бәйрәм тамашасын коткарды. Бәйрәм хөрмәтенә оештырылган барлык бәйгеләргә йомгак ясалды, бәйге җиңүчеләренә грамота һәм бүләкләр тапшырылды. Шулай итеп,Введенка Бистәсе төп гомуми белем бирү мәктәбе укучылары һәм педагоглар коллективы ата-аналар белән бергә 2015нче елны күңелле итеп озатты һәм Яңа 2016нчы елны сәламләде. Хуш киләсең, Яңа ел!
25.12.2015
Һөнәр сайлау- мөһим эш.
25нче декабрь көнне Введенка Бистәсе төп гомуми белем бирү мәктәбе укучылары бик кызыклы очрашуда булды. Оештыручысы: 9нчы сыйныф җитәкчесе Фәридә Зарипова. Бу чара “Һөнәр сайлау- мөһим эш” циклыннан, максаты: укучыларны төрле һөнәр ияләре белән таныштырып һөнәр сайлауда булышу. Бүгенге көндә дөньяда 40 меңнән артык һөнәр исәпләнә. Кайсы һөнәрне сайларга? Ничек күңелеңә хуш килердәй һөнәрне табарга? Укучылар башта әлеге темага презентация карады, аннан соң хезмәт ветераны, тирә-якта танылган ветеринар Ильяс Шагиевны тыңладылар. Бу абый – балаларга бик таныш, тыйнак кеше һәм алтын куллы врач 50 ел элек институтны тәмамлап, күп еллар буе ветеринар хезмәтен яратып башкарган. Ильяс абый - ветеринарлар династиясеннән, аларның ике улы да ветеринар, үз хезмәте турында матур итеп укучыларга сөйләде, сорауларына җавап бирде.
.jpg)
22.12.2015
Яңа елга бүләккә – Яңа ел чыршысы.
22нче декабрь көнне Введенка Бистәсе балалар бакчасында тәрбияче Светлана Батманова балалар белән Яңа ел бәйрәменә бүләкләр бәйгесе оештырды. Балалар үз куллары белән Яңа елга якыннарына бүләк әзерләргә өйрәнде. Һәр бала картоннан чыршы фигурасы әзерләде, аннан соң шул чыршыларны һәркем тырышып бизәде. Бәйгедә тапшырылган һәр чыршы үзенчә матур. Балалар бу матур бүләкләрне тиздән бәйрәм белән котлап якыннарына тапшырачак.Үз кулларың белән әзерләгән бүләк – иң кадерлесе!
.jpg)
22.12.2015
Мәрхәмәтле булыйк!
22нче декабрь көнне Введенка Бистәсе төп гомуми белем бирү мәктәбе укучылары Бөтенроссия интернет-дәресендә булдылар. Инглиз теле укытучысы Әлфия Бегомутдинова оештырган бу чара миһербанлык - кешелек җәмгыятендә физик мөмкинчелекләре чикләнгән, колагы ишетми яки күзе күрми торган кешеләргә карата мәрхәмәтлелек тәрбияләү максатыннан корылган.Укучылар каралган видеоролик эчтәлеге буенча фикер алышты, бүгенге җәмгыятьтә кешеләрнең инвалидларга карата мөнәсәбәтендә килеп чыккан проблемаларны чишү юлларын эзләделәр. Бер-беребезгә игътибарлы булу, мохтаҗ кешеләргә кирәк вакытта ярдәм кулы сузу – һәркем булдыра ала торган гамәлләр. Игътибарлы булыйк!
22.12.2015
22нче декабрь көнне Введенка Бистәсе төп гомуми белем бирү мәктәбендә иң күп китап укучы балаларны тәбрикләү тантанасы булды.Узып баручы 2015нче ел – Россиядә Әдәбият елы дип игълан ителгән иде, шул уңайдан авыл китапханәсендә хезмәт итүче китапханәче Елена Суханова Әдәбият елы нәтиҗәләренә йомгак ясады. Укучылар арасында иң актив китап сөючеләр – башлангыч сыйныф укучылары. Китапларны иң күп укучылар: 1нче сыйныф укучысы Фаляхов Кәрим, 2нчеләрдән Алиева Муслима, Каршиев Исламбек, Баратов Аскар и һәи Авраменко Максим, ә 6нчы сыйныфтан Борзенко Анастасия китапханә грамоталары һәм матур китаплар белән бүләкләнде. Елена Анатольевна укучыларны кышкы каникул көннәрендә китапханәдә оештырылачак чараларда катнашырга чакырды.
.jpg)
21.12.2015
Яңа ел чыршысын бизәделәр.
21нче декабрь көнне Введенка Бистәсе балалар бакчасында нәниләр Яңа ел бәйрәменә чыршы бизәде.Оештыручы - тәрбияче Светлана Батманова бу күңелле эшне күмәк эшләгәндә матур нәтиҗәгә ирешеп булуын аңлату максатыннан барлык балаларны катнаштырды. Чыршыны да алар үз куллары белән ясалган уенчыклар элеп бизәде. Һәр бала үзе әзерләгән уенчыкны бәйрәм чыршысында күреп шатланды. Бәйрәмгә килгән әти-әниләргә дә үзләре ясаган уенчыклар белән бизәлгән чыршыны күрсәтер балалар.
.jpg)
18.12.2015
Тәҗрибә туплыйлар
Введенка Бистәсе төп гомуми белем бирү мәктәбенең 2нче сыйныфы укучылары быел беренче тапкыр инглиз теленнән контроль эш үтәде. Әлегә кадәр балалар чит тел өйрәнүгә ияләшү чорында укыды, мәгълүм булганча, бу чорда укучыларның белемнәрен тикшерү эшләре каралмаган. Инглиз теле укытучысы Әлфия Бегомутдинова укучыларга яхшы кәеф булдырырга тырышты, дәрес эшлекле атмосферада узды. Укучылар тикшерү эшенә җитди әзерләнгән, контроль эшнең уңай нәтиҗәләре укучыларның материалны яхшы үзләштерелүен күрсәтте.
.jpg)
17.12.2015
16нчы декабрь көнне Казанда беренче тапкыр Татарстанның яшь җитәкчеләре һәм яшь укытучылар форумы булды. Форумда Татарстанның фән һәм мәгариф министры Энгель Фәттахов катнашында бүгенге белем бирү өлкәсендәге мөһим проблемааларны чишү юллары каралды. Бу форумда Введенка Бистәсе төп гому ми белем бирү мәктәбе директоры Лилия Морозенкова һәм шулай ук, Югары Ослан муниципаль районының башка мәктәпләреннән яшь укытучылар катнашты. Республика форумы яшь укытучыларның педагогия өлкәсендә актив эшчәнлеге мәйданчыгына әверелде.
17.12.2015
Введенка Бистәсе төп гомуми белем бирү мәктәбе укучылары барысы өчен дә яраткан бәйрәм - Яңа елны каршылау мәшәкатьләре белән мәшгуль. Чыршы бәйрәменә һәр сыйныф берәр газета, я булмаса плакат әзерләп бәйгедә катнашырга тиеш. Яңа ел бәйрәме якынлашкан саен укучыларның активлыгы үсә бара, чөнки 22нче декабрьгә кадәр эшләрне жюри карамагына тапшырырга кирәк. Укучылар арасында иң активлары – башлангыч сыйныфлар, үз эшләрен инде башкарырга да өлгергән.
.jpg)
15.12.2015
Тиздән Яңа ел!
15нче декабрь көнне Введенка Бистәсе төп гомуми белем бирү мәктәбе укучылары линейкада узган атнага йомгак ясады һәм эшләнәчәк эшләр турында сөйләштеләр. Оештыручы-педагог Әлфия Бегомутдинова укучыларга иң күңелле бәйрәм - Яңа елны каршы алуга әзерлек эшләрен, һәр сыйныф укучыларына конкрет биремнәрне җиткерде. Балалар 28нче декабрь көнне авыл клубында мәктәпнең 1-9нчы сыйныф укучылары катнашында булачак чыршы бәйрәме бәйгеләренә әзерлекне башлап җибәрде: һәр сыйныф укучылары класс бүлмәсен бәйрәмчә бизәргә тиеш, иң яхшы бизәлгән сыйныф бүлмәсе өчен бүләкне аласылары килә аларның.
.jpg)
15.12.2015
Конкурс ПДД. Бәйге : юл йөрү кагыйдәләрен беләсезме?
15нче декабрь көнне Введенка Бистәсе балалар бакчасында бәйге булды. Җитәкчесе: тәрбияче Мария Титкова. Чараның максаты: юл йөрү кагыйдәләрен өйрәтү, рәсемгә төшерү күнекмәләрен камилләштерү, актив позиция тәрбияләү.Башта балалар юл йөрү кагыйдәләрен кабатлады, бәйгенең тәртибе белән таныштылар. Һәр бала үзе сайлаган сюжетны сайлап эшкә кереште. Балалар бик тырышып эшләде һәм нәтиҗәне күреп шатландылар алар.Иң яхшы рәсемнәрне район бәйгесенә җибәрәчәкләр.
14.12.2015
Яшел суган үстерәләр.
14нче декабрь көнне Введенка Бистәсе авылы балалар бакчасында нәниләр үз хезмәтләренең нәтиҗәсен күреп шатландылар: өч атна элек тәрбияче апалары Светлана Батманова белән бергәләп тәрәзә төбендә савытларга утырткан һәм көн саен балалар су сипкән суганнар, ниһаять, зур үсеп җиткән. Беренче уңышны ашка турап салгач, ризык бигрәк тә тәмле икән! Үзең эшләгән эштән алган уңыш бигрәк тә кадерле! Балалар тәрәзә төбендә тагын яшел суган үстерергә булдылар.
13.12.2015
Мәктәптә ата-аналар җыелышы
13нче декабрь көнне Введенка Бистәсе төп гомуми белем бирү мәктәбендә укучыларның ата-аналары җыелды. Җыелышның максаты: мәктәп укучыларының һәм ата-аналар коллективын көн үзәгендә торган проблемаларны чишүдә берләштерү, мәктәпнең яңа форматта эшләү режимын яхшырту, һәрьяклап балалар иминлеген булдыру. Башлангыч сыйныф укытучысы Мария Титкова ата-аналарга яңа форматта сыйныф сәгате оештыру буенча мастер-класс күрсәтте, ата-аналар һәм укытучылар белән рольле уен оештырды. Мәктәп директоры Лилия Морозенкова үз чыгышында мәктәп режимындагы үзгәрешләр белән таныштырды, мәктәптән кайтканда , көн кыска булганлыктан, караңгыда укучыларның юл йөрү иминлеге турында сөйләде. Оештыручы-педагог Әлфия Бегомутдинова ата-аналар белән фикер алышу өчен якынлашып килүче Яңа ел бәйрәмен оештыру планын тәкъдим итте. Җыелышта мәктәп администрациясе ата-аналарга каникул вакытында балалар иминлеге өчен җаваплы булулары турында искә төшерде.
.jpg)
07.12.2015
СПИДка каршы көрәш көне
Бүген, 7нче декабрь көнне Введенка Бистәсе төп гомуми белем бирү мәктәбендә 5-9нчы сыйныф укучылары берләштерелгән сыйныф сәгатендә булды. Чараның максаты: 1нче декабрь – халыкара СПИДка каршы көрәш көне уңаеннан укучыларга ВИЧ вирусы турында һәм авыруга каршы тору юллары хакында тулы мәгълүмат җиткерү, һәр кешенең үз сәламәтлеген саклау мөмкинчелегеннән файдаланырга тиешлекне аңлату. Тарих һәм җәмәгать белеме Марина Маркелова әлеге темага багышланган презентация һәм кыскаметражлы фильм күрсәтте, укучылар белән әңгәмә оештырды
.jpg)
.jpg)
05.12.2015
Мәктәпләрнең чыгарылыш сыйныф укучылары район җирлегендә кирәк.
5нче декабрь көнне Введенка Бистәсе төп гомуми белем бирү мәктәбенең 9нчы сыйныф укучысы Зарипов Искәндәр быел район мәктәпләрен тәмамлаучы 9,11нче сыйныф укучылары төркемендә Югары Ослан районы мәдәният йортында район Башлыгы Марат Зиатдинов белән очрашуда булды. Очрашуда чыгарылыш укучылары бүгенге белгечлекләр арасында хезмәт базарында иң таләп ителгән һәм район җирлегендә кирәк булган белгечлекләр турында күп мәгълүмат алдылар.Казан шәһәренең югары һәм урта махсус уку йортлары вәкилләре булачак студентларны үзләрендә әзерләнүче белгечлекләр белән кызыксындырды. Район Башлыгы Марат Зиатдинов укучыларның төпле белемле белгечләр булып үз районыбызга кайтуларын теләде, район администрациясе аларны, һичшиксез, эш урыннары белән тәэмин итәчәк.
.jpg)
05.12.2015
Чаңгыда йөрү сезоны башланды.
5нче декабрь көнне Введенка Бистәсе төп гомуми белем бирү мәктәбе укучылары беренче тапкыр чаңгыда йөрергә чыкты. Оештыручы - «Чаңгылы туризм» түгәрәге җитәкчесе Мария Титкова. Чараның максаты: укучыларның чаңгы спорты белән шөгыльләнүгә әзерлекне барлау, спортның бу төре белән кызыксындыру. Укучыларның күбесенә ата-аналары яңа пар чаңгы сатып алган, аларның чаңгы спорты белән шөгыльләнергә теләкләре зурдан, үзләре дә яхшы физик формада.Беренче очрашудан түгәрәк җитәкчесе һәм спорт сөючеләр бик канәгать!
05.12.2015
балалар бакчасында сәламәтлек саклау чарасы.
5нче декабрь – шимбә көн, бакчада балалар юклыктан файдаланып, Введенка Бистәсе балалар бакчасы мөдире Лилия Морозенкова бакчада дезинфекция оештырды. Максаты: бинада балалар сәламәтлегенә янаучы, төрле авырулар тудыручы микробларны юк итү, балалар килгәнче бинаны чистарту.Кыш көне, бигрәк тә хәзерге дымлы, салкын һавада төрле авырулар тудыручы микроблар күбәя, бик тиз үрчи башлый, бу очракта кварцлы лампа ярдәмгә килә. Балалар бакчасы хезмәткәрләре планлаштырылган эшләрне җиренә җиткереп үтәде, администрация башкарылган эшкә кәнәгать булды.Балалар сәламәтлеге – тормыштагы иң кыйммәтле һәм әһәмиятле фактор.
04.12.2015
3нче декабрь – Салих Сәйдәшев туган көн. 3 декабря – день рождения Салих Сәйдәшев.
“Нәкъ Тукайча синең, нәкъ Тукайча
Иҗаттагы нигез ташларың:
“Халык – зур ул, дәртле, моңлы, көчле...”
Дигән сүзне эштә расладың.
4нче декабрь көнне Введенка Бистәсе төп гомуми белем бирү мәктәбендә 5-9нчы сыйныф укучыларының берләштерелгән сыйныф сәгате булды. Башта укучылар 9нчы сыйныф укучысы Зарипов Искәндәрне тыңладылар, ул татарча сөйләгән мәгълүмат буенча 7нче сыйныф укучысы Фаляхов Артур викторина уздырды.Викторина сорауларына иң күп дөрес җавапны 8нче сыйныф укучысы Мишагина Регина әйтеп бирде.Татар теле һәм әдәбияты укытучысы Фәридә Зарипова укучыларга композитор турында презентация тәкъдим итте. Презентациядә үзләре сурәтен күреп, укучылар композиторның музеенда йөргән мизгелләрен искә алып шатландылар. Соңыннан бирелгән мәгълүматлар буенча укучылар рус телендә фикер алыштылар, композиторның иң танылган әсәре - “Совет Армиясе маршы”н сокланып тыңладылар, һәм күңелне рәхәтләндерүче вальсын тыңлап ял иттеләр.
03.12.2015
3нче декабрь көнне Введенка Бистәсе төп гомуми белем бирү мәктәбе укытучысы Марина Маркелова Югары Ослан урта мәктәбендә оештырылган башлангыч сыйныф укытучыларының зональ семинарында булды. Семинарның темасы: “Укытучының һөнәри үсешен һәм белем бирү сыйфатын күтәрү факторы буларак укытуда инновацион педагогик технологияләр куллану.” Район укытучылары башлангыч сыйныфларда тәҗрибәле укытучылар әзерләгән заманча технологияләр кулланган дәрес фрагментлары карады, “түгәрәк өстәл” артында фикер алыштылар.
.jpg)
01.12.2015
1нче декабрь көнне Введенка Бистәсе төп гомуми белем бирү мәктәбе укучылары линейкасында оештыручы Әлфия Бегомутдинова укучыларны бу атнада башланган “Инвалидлар декада”сында оештырылачак чаралар планы белән таныштырды. Чараларның максаты – укучыларда кешелек җәмгыяте әгъзаларына карата игътибарлы мөнәсәбәт тәрбияләү, физик мөмкинчелекләре чикләүле булган кешеләргә мәрхәмәтле булырга өйрәтү. Укучылар Введенка Бистәсе мәктәбендә укучы кыз Павлова Ангелинага бүләккә рәсемнәр әзерләде, аның белән уйнарлык уеннар сайлап куйдылар.
.jpg)
30.11.2015
Халыкара Сүзлек көне.
30нчы ноябрь көнне Введенка Бистәсе төп гомуми белем бирү мәктәбендә берләштерелгән сыйныф сәгате булды. Рус теле һәм әдәбияты укытучысы Валентина Тяганова 5-9 нчы сыйныф укучыларына Халыкара Сүзлек көне турында сөйләде. Укытучы үзенең шәхси тупланмасындагы сүзлекләр күргәзмәсе белән таныштырды. 6нчы сыйныф укучысы Анастасия Борзенко сүзлекләр тарихы турында чыгыш ясады. Укучылар Бөек рус теленең иң беренче аңлатмалы сүзлеген төзүче Владимир Даль турында презентация карадылар, сүзлекләрнең кеше тормышында әһәмияте турында фикер алыштылар.Чараның азагында Валентина Викторовна оештырган “Табу” дип аталган уенда катнаштып, үзләренең сүз байлыкларын сынап карадылар.
.jpg)
28.11.2015
Яшь дзюдочылар үсә!
28нче ноябрь көнне Введенка Бистәсе төп гомуми белем бирү укучылары Казан шәһәрендәге Гимнастика үзәгендә булды. Оештыручы - мәктәптә дзюдо түгәрәге алып баручы тренер Игорь Ащеулов. Чараның максаты: укучыларда спорт белән шөгыльләнү теләген ныгыту, яшь спортчыларны дзюдо спортына багышлау. Укучылар алдында танылган спортчылар чыгыш ясады, оештыручылар аларны дзюдо тарихы белән таныштырды. Яшь спортсменнар оста спортчылар чыгышына сокландылар, бер ел буе дзюдо түгәрәгендә шөгыльләнсәләр дә, бу өлкәдә үзләренең әле нәтиҗәлелекнең иң беренче катында булуларын күрделәр. Укучыларның теләкләре зур, дзюдо белән шөгыльләнүгә мөнәсәбәтләре уңай, остазлары Игорь Ащеулов бик тәлапчән, димәк, теләкләре дә тормышка ашыр.
.jpg)
25.11.2015
Көч сынашу.
Бүген, 25нче ноябрь көнне Введенка Бистәсе төп гомуми белем бирү мәктәбендә Иннополис шәһәре мәктәбе укучылары белән очрашу булды. Мәктәпнең физкультура укытучысы Рамис Миначев яшь спортчыларга “Күңелле стартлар” исемле спорт ярышы әзерләгән. Иннополис шәһәре мәктәбенең 2-4нче сыйныф укучылары командасы “Молния”нең капитаны Лев Иванов. Команда җитәкчесе - физкультура укытучысы Михаил Сапожников һәм башлангыч сыйныф укытучысы Ольга Мельникова укучыларына көч-куәт биреп торды.Введенка Бистәсе мәктәбе укучылары командасы “Гром”ның капитаны –Амина Титкова. Спортчылар берсеннән- берсе катлаулы һәм күңелле ун эстафетада бик җитди көч сынашты, исәп:5:5. Иң соңгы ярыш - “Паровоз” гына Введенка Бистәсе төп гомуми белем бирү мәктәбе командасына җиңү китерде. Һәр команда спортчылары бик канәгать калды, чөнки көчле команда белән ярышуы да күңелле һәм киләсе очрашуга кадәр кайсы күнекмәләрне яхшыртасы барлыгы да ачыкланды.
.jpg)
12.11.2015
Хоккей матчында булдылар
10нчы ноябрь көнне Введенка Бистәсе төп гомуми белем бирү мәктәбе укучыларын сыйныф җитәкчеләре Марат Нуруллин һәм Валентина Тяганова Казандагы "ТАТНЕФТЬ АРЕНА" исемле спорт сараена хоккей матчы карарга алып барды. Боз сараенда Татарстанның “Ак барс” хоккей командасы һәм Башкорстаннан “Салават Юлаев” исемендәге хоккей командасы очрашты. Укучылар юлда “Ак барс” командасы уенчыларының исемнәрен искә төшерделәр, яраткан спортчылары турында сөйләшеп бардылар. Менә матч башланды. Спорт сараендагы тамашачылар шау-гөр килеп уенны күзәтте.Уен кызганнан кыза барды. Матч “Ак барс” командасының җиңүе белән тәмамланды, шуңа күрә укучылар шактый арысалар да, уеннан бик канәгать булып калдылар.
.jpg)
10.11.2015
Боз өстендә сак булыгыз!
Көннәр суытты. Елга өсте боз белән капланды. Елга янында яшәүче балалар моңа бик шат, чөнки аларны тимераяклары көтә, шома боз өсте ялтырап балаларны кызыктыра. 10нчы ноябрь көнне Введенка Бистәсе төп гомуми белем бирү мәктәбендә организатор Әлфия Бегомутдинова башлангыч сыйныф укучылары белән әңгәмә оештырды. Куркынычсызлык айлыгы рамкаларында уздырылган бу чара укучыларга боз өстендә сак уйнарга кирәклекне, кагыйдәләрне үтәүнең мөһимлеген җиткерде. Укучылар "Боз өстендә сак булам" дип исемләнгән бәйгегә рәсем ясадылар.
.jpg)
04.11.2015
Халыклар бердәмлеге көне
4нче ноябрь- Халыклар бердәмлеге көне. Введенка Бистәсе төп гомуми белем бирү мәктәбе укучылары бу бәйрәм турында нәрсә белә? Мәктәп укучыларының дәресләрдән соң ялын оештыручы педагог Әлфия Бегомутдинова оештырган чара да бәйрәм турында мәгълүматлар белән таныштыру максатына юнәлтелгән иде. Үзара аралашуны сагынып өлгергән укучылар “халык”, “милләт”, “халыклар дуслыгы”, “халыклар бердәмлеге” төшенчәләре белән таныш, әлбәттә. Бүген мәктәптә генә дә татар, рус, үзбәк, таҗик милләтеннән булган укучы балалар үзара дуслашып яши һәм барысы да Туган ил тынычлыгы турында хыяллана. Укучылар ясаган рәсемнәр дә, алар яратып җырлаган җырлар да шул турыда бит!
.jpg)
03.11.2015
Республика тестларына әзерләнәбез. Подготовка к итоговому республиканскому тестированию по татарскому языку.
3нче ноябрь көнне Введенка Бистәсе төп гомуми белем бирү мәктәбенең тугызынчы сыйныфы укучыларын республика күләмендәге уздырылачак тестлар биремнәрен үтәргә әзерләү максатыннан теләкләре булган укучылар белән өстәмә дәрес оештырылды. Татар теле һәм әдәбияты укытучысы Фәридә Зарипова рус телендә сөйләшүче укучылар өчен катлаулы булган биремнәрне аерып аңлатты. Укучылар өчен иң авыры – 3нче бүлектәге биремнәр. Әлбәттә, тиешле лексиканы белү бик мөһим, ләкин грамматик категрияләрне куллана белми торып өченче бүлек биремнәрен дөрес үтәү мөмкин түгел. Шуны истә тотып, игътибарны күбрәк грамматикага юнәлтергә булдылар.
.jpg)
.jpg)
27.10.2015
Чыганакларга сәяхәт
27нче октябь көнне Введенка Бистәсе төп гомуми белем бирү мәктәбендә укучылар атналык эшләргә нәтиҗәләр ясау линейкасында булды. Мәктәп укучылары бу юлы 6нчы сыйныф укучысы Нурмухаметова Алиянең уңышлы нәтиҗәсенә шатланды: инглиз теле укытучысы Әлфия Бегомутдинова җитәкчелегендә Алия республика күләмендә оештырылган бәйгедә катнашып өченче урын яулаган. Алия туган ягы – Введенка Бистәсе турында видеоролик әзерләгән һәм туган якның истәлекле урыннары турында матур итеп сөйләп биргән.
.jpg)
23.10.2015
23нче октябрь көнне Введенка Бистәсе төп гомуми белем бирү мәктәбенең спорт сөючеләре командасы Иннополис шәһәренең спорт комплексында “Веселые старты” дип исемләнгән спорт ярышында булды.Дусларча очрашуга өч команда спортчылары җыелды: Түбән Ослан төп гомуми белем бирү мәктәбе командасы, Иннополис шәһәрчеге спортчылары командасы һәм Введенкалылар. Ике сәгатьлек бу ярышта командалар туплы эстафетада, кыршау киеп йөгерүдә, сикергечтә сикереп узышу һәм башка ярышларда көч сынашты.Җиңүне “Спортлы Бистә” командасы яулады, икенче урында -Иннополислылар, өченче урында – Түбән ослан спорт сөючеләре. Спортчылар үзләре дә, һәр команданың җанатарлары да, укытучылар да бу яңа шәһәрдә тәүге тапкыр оештырылган күңелле очрашудан бик канәгать калды.
.jpg)
23.10.2015
Мәктәптә татар теле буенча олимпиада.
Бүген, 23нче октябрь көнне Введенка Бистәсе төп гомуми белем бирү мәктәбе укучылары татар теле буенча олимпиаданың мәктәп туры биремнәрен эшләде. Укучыларга төрле авырлыктагы 10 бирем тәкъдим ителде. Биремнәр балаларның туган теле – рус телендә язылганлыктан, укучылар аларны аңлап, кызыгып һәм кызыксынып эшләде. Олимпиадада катнашкан укучыларның барысы да биремнәрне дөрес үтәргә тырышты.
.jpg)
22.10.2015
22нче октябрь көнне Введенка Бистәсе төп гомуми белем бирү мәктәбенең барлык укучылары катнашында зур ярыш булды. Физкультура укытучысы Рамис Миначев укучыларны ярышка алдан әзерләгән, өч камандага бүлеп куйган. Командалар төрле эстафеталарда көч сынашты: туп йөртү, боҗра тотып йөгерү, сикергеч аша сикерә-сикерә узышу, "бәрәңге утырту" кебек күңелле һәм җитди ярышларда катнаштылар. Иң көчле һәм җитез спортчылар командасы - Фаляхов Артурның "Громотводы" командасы булып чыкты. Катнашучылар барысы да яхшы формада һәм күтәренке күңелдә!
.jpg)
21.10.2015
21нче октябрь көнне Введенка Бистәсе төп гомуми белем бирү мәктәбенең өлкән сыйныф укучылары “Бөтенроссия 2015нче ел экология дәресе” рамкаларында оештырган дәрестә булды. Биология укытучысы Гөлнара Макарова укучыларга су темасына багышланган презентация тәкъдим итте.Бу чараның максаты – укучыларда тирә-як табигатенә, бигрәк тә суга карата сакчыл мөнәсәбәт тәрбияләү. Әлбәттә, җир йөзендәге һәр кеше су чыганакларына суга ихтирам белән карарга тиеш. Авылыбыз ике елга –Идел һәм Зөя елгалары кушылган ярда урнашкан, һәм су чисталыгын саклау проблемасы укучыларга ят түгел. “Россиядә су” дип аталган викторина да укучыларны битараф калдырмады.
.jpg)
.jpg)
09.10.2015
.jpg)
Укытучыларның һөнәри бәйрәме
5нче октябрь көнне Введенка Бистәсе төп гомуми белем бирү мәктәбе укучылары укытучыларын һөнәри бәйрәме белән котлады. Бәйрәмдә Введенка бистәсе авыл җирлеге башлыгы Дмитрий Морозов та катнашты. “Укытучы сүзе – һәр кеше өчен еллар үтү белән онытылмый торган кадерле сүзләрнең берсе. Һөнәри бәйрәмегез белән сезне, хөрмәтле укучылар”, дип башлады ул үзенең чыгышын. Укытучылар рәхәтләнеп балалар котлавын кабул итте. Укучыларның ихлас күңелдән әзерләнгән концерты – укытучылар өчен иң кыйммәтле бүләк.
.jpg)
01.10.2015
Өлкәннәрне бәйрәм белән котлау
1нче октябрь – Өлкәннәр көне. Введенка Бистәсе төп гомуми белем бирү мәктәбе укучылары авылның мәдәният йортында өлкән буын кешеләренә бәйрәм концерты, бәйрәмгә килгән әби-бабайларга котлау кәгазьләре бүләк итте. Авылның өлкән кешеләре балалар рәсемнәреннән эшләнгән күргәзмәне яратып карады, рәхәтләнеп укучылар әзерләгән бәйрәм концертын тыңладылар.Икенче сыйныф укучылары сәхнәләштергән татарча әкият тә, укучылар башкарган такмаклар да, мәктәп укытучыларының музыкаль инструментларда уйнаган көйләре дә хөрмәтле кунаклар күңеленә хуш килде. Авыл өлкәннәре рәхәтләнеп күңел ачты, үзара аралашты, авыл җирлеге башкарма комитеты аларга спонсорлар әзерләәгән бәйрәм күчтәнәчләре дә өләште.
30.09.2015
Өлкәннәр көненә әзерләнәбез
Введенка Бистәсе төп гомуми белем бирү мәктәбе укучылары бу көннәрдә Өлкәннәр бәйрәменә хәзерлек алып бара. Укучыларның күбесе әби-бабайларын котлап музыкаль номерлар, шигырьләр әзерли, бәйрәм белән котлаулар ясый. Һәр укучы әбисен яки бабасын сурәтләп рәсем ясады. Бу портретлар бәйрәм көнне күргәзмәгә куелачак, димәк, өлкәннәр аларны күреп шатланачак, шуңа күрә балалар бик тырышып эшләде.
.jpg)
26.09.2015
Россиядә йөгерүчеләр көне
26 сентября 2015 года в МБОУ «Введенско – Слободская основная общеобразовательная школа» прошел всероссийский день бега «Кросс нации – 2015». В мероприятии участвовали все учащиеся школы. Среди учащихся начальных классов лучшим в забеге стал ученик 4 класса Алиев Немат, а среди учащихся старших классов – ученица 6 класса Борзенко Анастасия, которая своими результатами превзошла всех участников забега. Ежегодно «Кросс нации» в нашей школе не просто спортивное мероприятие, но и яркое событие, которое объединяет всех учащихся и педагогов школы!
Илебездә сәламәт яшәү рәвеше көннән- көн популярлаша бара. Россиядә ел саен оештырылучы чараларның берсе - йөгерүчеләр көне дә шул максат белән үткәрелә. 26нчы сентябрь көнне Введенка Бистәсе төп гомуми белем бирү мәктәбе укучылары да үзара йөгерештә көч сынашты. Башлангыч сыйныфлар укучылары арасында иң җитезе – 4нче сыйныф укучысы Алиев Нигъмәт булса, өлкәннәр арасында 6нчы сыйныф укучысы Борзенко Настя -иң шәп йөгерүче булып чыкты.Афәрин!
.jpg)
26.09.2015
Мәктәп укучыларына – цирк артистлары чыгышы.
20нче сентябрь көнне Введенка Бистәсе төп гомуми белем бирү мәктәбе укучыларына Түбән Новгород шәһәреннән “Балалар елмаюы” исемле цирк артистлары кунакка килде. Жонглерлар, фокус күрсәтүчеләр, клоун мавыктыргыч чыгышлары белән укучыларның, аларның ата-аналары һәм укытучыларның күңелен ачты, балаларга көлкеле бәйгеләр оештырды. Тамашачылар бу очрашудан канәгать калды. Әлбәттә, мондый чараларның иң кыйммәтле файдасы шунда ки, укуда гына түгел, ял итүдә дә бергәләп уздырган бу күңелле мизгелләр балаларны үзара һәм олылар белән берләштерә, рухи якынлаштыра.
.jpg)
26.09.2015
25нче сентябрь көнне Введенка Бистәсе төп гомуми белем бирү мәктәбе янында яңа гына төзелеп сафка кертелгән спорт мәйданчыгын рәсми рәвештә ачылу тантанасы булды. Бәйрәм тантанасында Югары Ослан муниципаль районы Башкарма комитеты җитәкчесе Ленар Сәетҗан улы Хәкимҗанов, районның спорт комитеты җитәкчесе А.И. Федотов катнашты. Тантанага җыелган укучыларны, авыл халкын котлап, Ленар Хәкимҗанов болай диде: “Спорт – киләчәк буыннар сәламәтлеге өчен зур әһәмияткә ия, шуны аңлап Татарстан хөкүмәте спорт белән шөгыльләнү биналары, спорт мәйданчыклары булдыру программасы кысаларында зур төзелеш эшләре башкара. Бу мәйданчыкта спорт сөюче балалар һәм спорт белән шөгыльләнергә теләге булган яшьләр рәхәтләнеп баскетбол, волейбол уйнар, бәлки, бу мәйданчык - кайсыдыр атаклы спортчының беренчел мәйданчыгы булыр!”. Спорт мәйданчыгы ачылу тантанасыннан соң ук, өлкән сыйныф укучылары рәхәтләнеп баскетбол уйнады.
.jpg)
16.09.2015
Бергә эшлә, бергә аша!
15нче сентябрь көнне дәресләрдән соң Введенка Бистәсе төп гомуми белем бирү мәктәбе укучылары һәм укытучылар коллективы һава торышының яңгырсыз булуыннан файдаланып мәктәп яны кишәрлегендә бәрәнге казыды. Быел бәрәнге уңышлы, җирдән эре һәм шоп-шома бәрәнге казып алган саен барысының да күңеле шатлана. Үз кулларың белән утыртып, җәй буе кадерләп тәрбияләгән яшелчәләр уңышы җыю зур шатлык, шул уңыштан әзерләнгән ризык та иң файдалы һәм бик тәмле! Бергә эшлә, бергә аша!
16.09.2015
Мәктәптә флешмоб!
Яңа уку елы мәктәпләрдә “Яхшылык атнасы” белән башланды. Введенка Бистәсе төп гомуми белем бирү мәктәбе укучылары бу атнада тирәбездәге кешеләргә, аеруча ярдәмгә мохтаҗларга игътибарлы һәм мәрхәмәтле булуны тәрбияләү максатыннан оештырылган чараларда катнашты. Өлкән яшьтәге авылдашларга, күршедә яшәүче ялгызларга һәм, әлбәттә, үз әби-бабайларына игътибар яки хәлдән килгәнчә ярдәм иттеләр алар. “Яхшылык атнасы” йомгакларыннан соң, балалар мәктәп укучыларының дәресләрдән соң ялын оештыручы Әлфия Бегомутдинова тарафыннан әзерләнгән флешмобта яшьләрчә биеп күңел ачтылар.
11.09.2015
Ышаныч телефоны
Мәктәпләрдә “Ышаныч телфоны” исемле акция рамкаларында сыйныф сәгатьләре оештырылды. Мәктәп укучыларына авыр хәлләрдә калган очракта кемгә мөрәҗәгать итәргә? Тормышта кинәт кенә кирәк булган киңәшне кемнән сорарга? Укучыларның дәресләрдән соң ялын оештыручы Әлфия Бегомутдинова укучыларның яшь үзенчәлекләрен истә тотып, ике төркемгә бүлде һәм аерым чаралар үткәрде. Әлбәттә, баланың иң ышанычлы кешеләре – аның ата-анасы, сыйныф җитәкчесе, ләкин тормышта 8-800-2000-122 номерлы телефон ярдәменә мохтаҗ очраклар да була. Бу мәгълүмат һәм ситуатив уеннар аша җиткерелгән киңәшләр укучыларга файдалы булсын!
09.09.2015
Халыкара укый яза белүчеләр көне
8 нче сентябрь көнне Введенка Бистәсе төп гомуми белем бирү мәктәбендә Халыкара укый-яза белүчеләр көненә багышланган чара уздырылды. Мәктәпнең рус теле һәм әдәбияты укытучысы Валентина Тяганова мәктәп укучыларын, укытучыларны һәм мәктәптә эшләүче барлык хезмәткәрләрне җыеп диктант яздырды. Укучылар арасында грамоталы итеп уку һәм язуның дәрәҗәсен күтәрү максатыннан оештырылган бу чара балаларның игътибарын җәлеп итте: мәктәптә матур итеп һәм грамоталы язучы укытучылар эшли икән. Ә балаларны шаккатырганы шул:мәктәптә җыештыручы булып эшләүче апа - Франгиза Седова да диктантны гаҗәп матур почерк белән һәм бер хатасыз язган!
05.09.2015
Мәктәптә акча санарга өйрәтәләр!
Бүгенге көндә акчаны эшләп таба белү бер нәрсә, аны тота белергә өйрәнү дә бик мөһим. Кеше акча колы булып яшәргә тиеш түгел, әлбәттә! Тир түгеп эшләп тапкан акчаңны ничек тотарга? Введенка Бистәсе төп гомуми белем бирү мәктәбенең тарих һәм җәмгыять белеме укытучысы Марина Маркелова бүген укучылар белән шундый мөһим мәсьәлә турында фикер алышты. Өлкән сыйныф укучылары үзләренең бу сораудан хәбәрдар булуларын күрсәтте: алар җәмгыять белеме дәресләрендә алган белемнәрен куллана алды, афәрин! Булган акчаны җыяргамы яки аны туздырып барган кеше бәхетлеме тормышта? Менә шундый җитди сорауларга җавапны укучылар ата-аналары белән дә эзләр һәм эзләп табарлар да.
.jpg)
03.09.2015
Белем көне
1нче сентябрь – Белем бәйрәме. Введенка Бистәсе төп гомуми белем бирү мәктәбендә тантаналы рәвештә бәйрәм оештырылды. Бәйрәмне алып баручы укучылар барлык кунакларны, укучыларны һәм ата-аналарны бәйрәм белән котлады, иң беренче сүзне мәктәп директоры С.П.Никифоровка тапшырды. “Балаларны мәктәптә укыту – һәр ата-ана өчен иң мөһим җаваплылык”, -дип чыгышын башлады Сергей Петрович һәм ата-аналарга укучыларны матур итеп мәктәпкә әзерләгәннәре өчен рәхмәт әйтте, бәйрәм белән котлады, укучыларга уңышлы уку елы, сәламәтлек теләде. Укучыларны бәйрәм белән котлап Югары Ослан районы башкарма комитеты җитәкчесенең төзелеш-торак хуҗалыгы мәсьәләләре буенча урынбасары Р.Г. Мөнәсипов, Введенка Бистәсе авыл җирлеге башлыгы Дмитрий Морозов чыгыш ясадылар. Бәйрәмнән соң укучылар “Мин талантлы” дип исемләнгән сыйныф сәгатендә катнашты, мәктәпне уңышлы тәмамлап, тормышта уңышка ирешүчеләрдән талантлы булу серләрен өйрәнде. Бу вакытта әтиләр һәм әниләр сыйныф җитәкчеләре белән ата-аналар җыелышында булдылар, барлыкка килгән проблемаларны бергәләп хәл итү турында фикер алыштылар.
21.08.2015
Введенка Бистәсе авылда Авыл Көне бәйрәм эшләре әзерлек башланды. Бәйрәм Авыл Көне 21 август көнне 16.00 сәгатьтә Введенка Бистәсе авылы МӘДӘНИЯТ йортында узачак. Концерт программасы, балалар өчен күңел ачу, төрле конкурслар булла.
.jpg)
"Минем Татарстаным"
Введенка Бистәсе төп гомуми белем бирү мәктәбе укучылары Республика көненә багышланган "Безнең Татарстан: Без бергә! Без булдырабыз! Туган көнең белән, Татартстаным!" дип аталган бәйрәм открыткасы әзерләде. Бу чара укучыларда патриотик тәрбия һәм балаларның иҗади сәләтен үстерүгә юнәлтелгән. Төсле карандашлар,гуашь һәм фломастерлар кулланып, үзләре теләгәнчә иҗади башкарылган иң яхшы дип табылган алты открытка район этабындагы бәйгегә җибәрелде. Тырышкан табар, ташка кадак кагар!, ди халык. Һәр эштә тырышлык һәм осталык кирәк.
Универсаль спорт мәйданчыгы
Введенка Бистәсендә яшәүче балаларның шатлыгы бик зур - ниһаять, спорт белән шөгыльләнү өчен яңа мәйданчык әзер. Түземсезлек белән көтеп алынган мәйданчыкны сынап карау теләге белән алар уенга җыелды. Бу мәйданчыкта футбол, баскетбол, волейбол уйнар өчен җиһазлар куелган. Теләге булган кеше спортның башка төр уеннарын да оештыра ала. Беренче кат укучылар һәм авыл яшьләре баскетбол уйнарга булды. Команда бик тиз җыелды һәм спорт сөючеләр ике сәгать чамасы рәхәтләнеп уйнады. Универсаль спорт мәйданчыгыннан балалар бик канәгать!
07.08.2015
Введенка Бистәсе яныннан узучы федераль юлны чистартуда ишегалды җыештыручылары гына түгел, барлык организация әгъзалары катнашты. Алар озын кыш буена җылган чүп-чарны капчыкларга җыеп махсус контейнерларга ташыдылар. Әлбәттә, чистартылган җирдә түгел, чисталыкны саклаган урыннарда була ул чисталык!
08.07.2015
Җәй көне мәктәпнең җир кишәрлегендә эш күп
Введенка Бистәсе төп гомуми белем бирү мәктәбенең җир кишәрлегендә эш күп. Бу атнада график буенча укучылардан Борзенко Дима һәм Зарипов Искәндәр эшли башлады. Укытучы Фәридә Зарипова җитәкчелегендә алар кәбестә төпләрендәге туфракны йомшартып өйделәр, рәтләр арасындагы чүп үләннәрен утадылар. Алдагы көннәрдә яуган яңгырдан соң яхшы гына дымланган туфракны чәчәк клумбаларында һәм суган түтәлләрендә дә йомшарттылар, түтәлләрне чүп үләннәреннән арындырдылар. Бүген алар икенче кат бәрәңге буразналарын утарга кереште. Шулай итеп, мәктәп ашханәсендә туклануда әзерләнәсе яшелчә үстерүдәге хезмәттә катнашып, һәр укучы үзеннән тиешле өлешне кертә һәм киләчәк тормышында кирәге чыгачак кыйммәтле тәҗрибә дә җыя.
.jpg)
.jpg)
.jpg)
22.06.2015
Сабантуйда
Бүген бездә Сабантуй,
Эшләреңне барын куй,
Тизрәк йөгер мәйданга,
Бәйрәм башлана анда!
21нче июнь – Введенка Бистәсе төп гомуми белем бирү мәктәбендә зур бәйрәм – Сабантуй үткәрелде. Быелгысы - тугызынчы тапкыр оештырылучы бәйрәм аеруча күңелле булды. Оештыручылары - татар теле һәм әдәбияты укытучысы Фәридә Зарипова һәм мәктәпнең физкультура укытучысы Рамис Миначев. Бәйрәм укучылар катнашындагы концерт программасы белән башланды, математика һәи информатика укытучысы Марат Нуруллин башкаруында татарча күңелле җырлар белән үрелепбарды. Мәктәптә укыганда ук үзенең матур тавышы белән тамашачы күңелен яулаган егетебез Азат Валиуллов та катнашты, үзенең гүзәл тормыш иптәше Гөлия белән алар да бәйрәмгә матур җырлар бүләк итте. Сабантуйда һәр бала өчен кызыгып катнашырлык ярыш һәм уеннар оештырылды. Сабантуйның истәлекле бүләкләре һәм тәмле күчтәнәчләре спонсорларның матди ярдәме хисабына, Введенка Бистәсе авыл җирлеге башлыгы Дмитрий Морозов ярдәмендә булдырылды. Һәр ел Сабантуйга акчалата ярдәм итүче Әмир Валиулловка быел башка спонсорлар да кушылды. Мәктәп директоры Сергей Никифоров, авыл клубы мөдире Анастасия Сладкина,укытучылар коллективы барлык балаларның күңелен күрергә тырышып эшләде. Яңгыр башлангач, тамаша мәктәпнең спорт залында дәвам итте. Быел тренер Игорь Ащеулов тәкъдиме белән оешкан дзюдо түгәрәгендә шөгыльләнүче спортчылар сокландыргыч чыгыш ясады. Сабантуй – чыннан да, укучыларның һәм авыл халкының яраткан бәйрәменә әверелде.
.jpg)
.jpg)
.jpg)
29.05.2015
Волонтерлар
28нче май көнне Введенка Бистәсе төп гомуми белем бирү мәктәбе укучыларының волонтерлар отряды Бөек Ватан сугышында катнашкан һәм һәлак булган авылдашлар истәлегенә куелган һәйкәл янында эшләде. Укучылар һәйкәл тирәсендәге чүп-чарны җыештырды,түтәләргә утыртылган аллы-гөлле чәчәкләргә су сиптеләр. Мәктәпнең инглиз теле укытучысы Әлфия Бегомутдинова җитәкчелегендә волонтерлар авыл һәйкәле тирәсен һәрвакыт тәртиптә тотачаклар.
27.05.2015
Мәктәп янында тәртип!
27нче май көнне Введенка Бистәсе төп гомуми белем бирү мәктәбе укучылары мәктәп алдын җыештырды: укытучылар җитәкчелегендә ир балалар тирә-яктагы үләнне чапты, чәчәк түтәлләрен чүп үләннәреннән арындырды, ә кызлар берьеллык чәчәк үсентеләрен күчереп утыртты, чәчәкләргә су сиптеләр. Бергә эшләгән эш нәтиҗәле булыр!
26.05.2015
Яшелчәләр утыртабыз!
25нче май көнне Введенка Бистәсе төп гомуми белем бирү мәктәбе укучылары мәктәп яны җир кишәрлегендә яшелчәләр утырту белән шөгыльләнде. Технология укытучысы Сергей Никифоров җитәкчелегендә укучылар түтәлләргә кишер чәчтеләр, суган һәм бәрәңге утырттылар. 2-8нче сыйныф укучыларының укытучылар белән бергә җирдә эшләве күп яктан да отышлы, ашханәдә җәй көне үзләре хезмәт куеп үстергән яшелчәләр белән туклану зур әһәмияткә ия.
25.05.2015
Мәктәптә ата-аналар җыелышы
Уку елы тәмамланып бара. 22нче май көнне Введенка Бистәсе төп гомуми белем бирү мәктәбендә укучыларының ата-аналары җыелышы булды.Мәктәпнең укыту һәм тәрбия мөдире Анна Ширяева ата-аналарны уку елы нәтиҗәләре белән таныштырды. 9нчы сыйныф җитәкчесе Рамис Миначев ата-аналарны “Җәйге каникулларда укучыларның иминлеге турында” инструктаж кагыйдәләре белән таныштырды. Укучыларның дәресләрдән соң ялын оештыручы Әлфия Бегомутдинова уку елында оештырылган чаралар турында, киләсе уку елында чишеләсе мәсьәләләр турында сөйләде.” Ата-аналар белән берлектә генә укучыларны укыту һәм тәрбияләү мәсьәләләрен уңай хәл итеп һәм яхшы нәтиҗәләргә ирешеп була”, - дип чыгышын йомгаклады мәктәп директоры.
Мәктәпләрдә “Соңгы кыңгырау” бәйрәме
23нче май көнне Введенка Бистәсе төп гомуми белем бирү мәктәбендә тугызынчы сыйныф укучылары өчен “Соңгы кыңгырау” бәйрәме булды. Бәйрәмдә 9нчы сыйныф укучыларын уку елын һәм төп мәктәпне тәмамлаулары белән котлап укучыларның ата-аналары, укытучылар чыгыш ясады. Укучыларның дәресләрдән соңгы ялын оештыручы Әлфия Бегомутдинова әзерләгән бәйрәм программасы,мәктәп директоры Сергей Никифоровның, Введенка Бистәсе авыл җирлеге башлыгы Дмитрий Морозов һәм Югары Ослан районы җир-милек мөнәсәбәтләре палатасы мөдире В.Н.Макаровның ихлас котлаулары укучылар күңеленә хуш килде.
14.05.2015
Җиңү көне
9нчы май көнне Введенка Бистәсендә Бөек Җиңүнең 70еллыгына багышланган бәйрәм чарасы оештырылды. Бәйрәмгә Бөек Ватан сугышында катнашкан авылдашлар истәлегенә куелган һәйкәл янына шарлар, чәчәкләр тотып сугыш елларындагы популяр җырлар җырлый-җырлый мәктәп укучылары, авыл халкы һәм кунаклар җыелды. Быел һәйкәл янында 1941-1945нче елларда Ватаныбыз бәйсезлеге өчен көрәштә катнашкан авылдашлар исемлеге язылган истәлек тактасы ачылу тантанасы булды. Митинг азагында батыр сугышчылар истәлеге хөрмәтенә һавага 70 шар күтәрелде. Клубта авыл халкына һәм кунакларга Казанның “Балачак планетасы” коллективы бәйрәм концерты бүләк итте.
08.05.2015
Мәңге хәтердә!
6нчы май көнне Введенка Бистәсе төп гомуми белем бирү мәктәбендә Бөек Җиңүнең 70еллыгына багышланган чара уздырылды. Бөек Ватан сугышы елларында ватандашларыбыз күрсәткән батырлыклар турында укучылар әзерләгән презентацияләр бәйгесендә 8нче сыйныф укучысы Зарипов Искәндәр үзенең әбисе Зарипова Нәгыймә Габдрахмановна һәм бабасы Зиннатуллин Раип Зиннатуллович турында документаль хезмәтен, 7нче сыйныф укучылары Регина Мишагина һәм Аделина Нурмухаметова авылдаш ветеран Квашнев Борис Осипович турында әзерләгән иҗади эшләрен күрсәтеп беренче урын яуладылар. Бу чарада укучылар сугыш темасына әзерләнгән шигырьләрен дә сөйләде, ә 3нче сыйныф укучылары әсәрне җанландырып уйнап та күрсәтте.
08.05.2015
Үлемсез полк
7нче май көнне Введенка бистәсе төп гомуми белем бирү мәктәбе укучылары Рәсәй күләмендә оештырылган “Үлемсез полк” исемле акциядә катнашты. Бөек Ватан сугышында катнашучы әби-бабайлар, туганнарның яки авылдашларның портретларын тотып укучылар район администрациясе каршындагы мәйданга җыелды. Һәр укучы өчен бик дулкынландыргыч бу чара - илебез азатлыгы өчен көрәшкән каһарманнар истәлеген яңарту, алар батырлыгына хөрмәт билгесе.
.jpg)
25.04.2015
Габдулла Тукай туган көненә багышланган шигырь сөйләүчеләр бәйгесендә
Апрель - татар халкының сөекле улы, бөек шагыйрь Габдулла Тукай туган көненә багышланган чаралар ае. 25нче апрель көнне Югары Ослан районының “Туган якны өйрәнү музее” нда “Татарстанның 2015нче елгы музейлы язы” исемле акция кысаларында Габдулла Тукай әсәрләрен яттан сөйләүчеләр бәйгесе булды. Чараны оештыручы - музей директоры Анжелика Мөэминовна Решетова кунакларны ягымлы каршылады, бәйгенең жюри әгъзалары белән таныштырды. Югары Ослан районының төрле мәктәпләрендә белем алучы укучылар рус һәм татар телләрендә чыгыш ясады. Введенка Бистәсе төп гомуми белем бирү мәктәбенең 8нче сыйныфы укучысы Зарипов Искәндәр Габдулла Тукайның “Су анасы” әкиятен сөйләп, почетлы 2нче урынга лаек булды. Бәйгедә катнашкан укучыларны чараны оештыручылар тәмле өчпочмак һәм татлы ризыклар белән сыйлады. Бу истәлекле бәйрәм укучылар күңелендә матур хәтирәләр калдырды.
.jpg)
Татар шагыйре Г.Тукай туган көне
24 нче апрель көнне Введенка Бистәсе төп гомуми белем бирү мәктәбендә татар халкының бөек шагыйре Габдулла Тукайның туган көненә багышланган шигырь бәйрәме булды. Бәйрәмне татар теле һәм әдәбияты укытучысы Фәридә Зарипова башлады, ул укучылар ясаган рәсемнәр күргәзмәсе белән таныштырды, әдип турында видеофильм күрсәтте. 1-7нче сыйныф укучылары татар телендә “Иң оста шигырь сөйләүче” бәйгесендә катнашты. Рус теле, татар теле һәм инглиз теле укытучыларыннан торган жюри башлангыч мәктәп укучылары арасында җиңүче итеп Авраменко Максимны, уртанчы сыйныфлар укучылары арасында Мишагина Регинаны билгеләде.Укучылар Зарипов Искәндәр башкаруында Габдулла Тукайның “Су анасы” әкиятен тыңладылар, шул әсәргә нигезләнеп эшләнгән мультфильм карадылар.Укучылар укытучының “Габдулла Тукай язган әкиятләр безне нәрсәгә өйрәтә?” дигән соравына фикер алышты. Бөек әдип әсәрләрендә каралган мәсьәләләр бүген дә урынлы икән!
.jpg)
22.04.2015
Үзебез пешергән кыстыбый
4нче апрель көнне “Мин татарча сөйләшәм” акциясе кысаларында Введенка Бистәсе төп гомуми белем бирү мәктәбендә укучылар кыстыбый пешерерде. Чараны оештыручы татар теле укытучысы Фәридә Зарипова укучылар белән максат куйды: алъяпкыч ябып, башларга косынка киеп эшләргә һәм гел татар телендә генә сөйләшә-сөйләшә татар халкының милли ризыгы - кыстыбый пешерергә өйрәнергә, тәмле кыстыбый пешереп мәктәп укучыларын, укытучыларны сыйларга. Укучылар башта яхшылап кулларын юды, укытучы аларга кыстыбый камырын басу серләрен өйрәтте, аннары кайберләре камырдан шарчыклар тәгәрәтеп торды, кайсылары уклау белән камыр җәйде, Дима, Никита, Данил һәм Искәндәр җәелгән камырларны табада пешереп торды. Камырдан шарчыкларны бик оста ясаучы – Равзат булса, шарчыкларны түп-түгәрәк итеп җәюче –Аделина, ә камырны иң оста кыздырып торучы - Искәндәр һәм Никита икән. Менә кыстыбый әзер! Кыстыбый белән чәй эчәргә укучылар мәктәп директорын, укытучыларны һәм барлык укучыларны чакырдылар. Ничек тәмле бергәләп үзебез пешергән кыстыбый!
.jpg)
.jpg)
22.04.2015
Бөек Җиңүнең 70 еллыгына багышлап!
17 нче апрель көнне Введенка Бистәсе төп гомуми белем бирү мәктәбе укучылары Югары Ослан районының Яшьләр клубында оештырылган, Бөек Җиңүнең 70еллыгына багышланган хәрби-патриотик чарада катнашты.Мәктәпнең 5-8нче сыйныф укучыларыннан торган укучылар командасы музыка укытучысы Мария Титкова җитәкчелегендә патриотик җыр башкарды, эмблема, девиз әзерләде. 5нче сыйныф укучысы Алия Нурмухаметова Бөек Ватан сугышы елларында тылда хезмәт күрсәткән авылдаш Ольга Васильевна Галягина турында доклад укыды, соңыннан аның турында тарих укытучысы Марина Маркелова төшергән видеофильм күрсәтелде. Укучылар күңелендә бу чара бик көчле тәэсир калдырды.
Беренчеләр әлифба белән хушлаштылар
21 нче апрель көнне Введенка Бистәсе төп гомуми белем бирү мәктәбендә күңелле дәрес – беренчеләрнең “Әлифба белән хушлашу” бәйрәме булды. Беренче сыйныф укытучысы Анна Ширяева оештырган бу бәйрәмдә укучыларның ата-аналары,мәктәп укытучылары катнашты. Төрле “тукталыш”ларда балаларның уку елы барышында туплаган белемнәрен күрсәтә-күрсәтә, укытучы апалары укучыларны “сәяхәт”кә алып чыкты. Мәктәп директоры Сергей Никифоров беренче сыйныф укучыларына беренче зур җиңүләре белән котлап истәлекле дипломнар тапшырды. Һәр баланың күңелендә якты истәлек булып саклана торган бу бәйрәм ата-аналар һәм балаларның тәмле торт ашап чәй эчүе белән тәмамланды.
22.04.2015
Инглиз телендә фестиваль
14нче апрель көнне Введенка Бистәсе төп гомуми белем бирү мәктәбе укучылары Куралово урта мәктәбендә “Инглизчә иҗат итәбез” исемле район фестивалендә катнашты. Инглиз теле укытучысы Әлфия Бегомутдинова җитәкчелегендә укучы кызлар Арина Зарубина, Алмира Авхадиева һәм Амина Титкова инглиз телендә “Be my guests” -“Безнең кунакларыбыз булыгыз!” исемле җырны башкарды һәм “Инглиз телендә иң яхшы җыр башкаручылар” номинациясендә икенче урын яулады. Кечкенә укучы кызларыбызның зур уңышына без бик шат, булдыргансыз!
15.04.2015
Тешләрегезне дөрес чистарта беләсезме?
15нче апрель көнне Введенка Бистәсе төп гомуми белем бирү мәктәбендә балалар бакчасы һәм беренче сыйныф укучылары өчен берләштерелгән сыйныф сәгате булды. Сыйныф җитәкчесе Анна Ширяева һәм тәрбияче Назирә Клычева оештырган бу чарада балалар яңа сүзләр- терминнар да өйрәнделәр: кариес, стоматолог, фторид, тешләр лентасы, авыз чайкау чаралары. Балалар башта тешләр шәһәре турында мультфильм карады, аннан соң макет ярдәмендә теш чистарту серләренә төшенделәр.Табиб Куян әзерләгән бүләк балалар өчен көтелмәгән зур шатлык булды. “Күз явын алырлык елмаю хуҗасы” дипломын алу өчен балалар көн саен тешләрен чистартырга вәгъдә бирде.
.jpg)
.jpg)
14.04.2015
Бүлмә гөлләре игътибар ярата
Бүген Введенка Бистәсе балалар бакчасында балалар бүлмә гөлләрен карау серләренә өйрәнде. Тәрбияче апалары Нәзирә Клычева аларны башта кагыйдәләр белән таныштырды, аннан соң балалар гөлләргә су атте, гөл яфракларын тузаннан чистартты. Матур гөлләр булмәне дә бизи, кешеләрнең кәефен күтәрә, без сулыйсы һаваны да чистарта. Кечкенәдән өйрәнгән шөгыль гомерлек була.
.jpeg)
13.04.2015
Бүген бездә кунакта китапханәче апа
Бүген, 13нче апрель көнне Введенка Бистәсе балалар бакчасында авыл китапханәсендә эшләүче Елена Суханова кунакка килде. Ул нәниләргә бик күп матур күчтәнәч алып килде – балалар өчен язылган бик матур китаплар күргәзмәсе. Очрашу башында кунак апа балалар белән әкиятләр турында әңгәмә оештырды, аннан соң үзе оештырган күргәзмәдәге китаплар белән таныштырды, “Бүре һәм җиде кәҗә бәтие” исемле рус халык әкиятен укыды.Балалар кунак апа алып килгән китапларны кызыксынып карады, рәхәтләнеп әкият тыңладылар, табышмаклар чиштеләр, Елена Анатольевна биргән сорауларга җавап бирделәр. Китапханәче апа балаларны әти-әниләре белән авыл китапханәсенә кунакка чакырды.
.jpg)
09.04.2015
Бүгенге заман шартларында ГТО пропагандалау
6нчы апрель көнне Введенка Бистәсе төп гомуми белем бирү мәктәбендә “Замана шартларында ГТО пропагандалау” исемле темага дәресләрдән тыш чара оештырылды. Мәктәпнең физкультура укытучысы Рамис Миначев укучыларны бүгенге заман шартларында ГТО нормаларын үтәү турында мәгълүматлар белән таныштырды. Советлар Союзында тапшырылган ГТО нормаларына “экскурсия” оештырылды, укучылар әби-бабалары үтәгән элеккеге нормаларның җитдилегенә шаккатты. Бүген мәктәпләрдә һәр укучы ГТО нормаларын тапшыруга әзерлек алып бара.
09.04.2015
Бөтендөнья сәламәтлек көне
7нче апрель – Бөтендөнья сәламәтлек көне. Введенка Бистәсе төп гомуми белем бирү мәктәбендә авылның фельдшер-акушерлык пункты хезмәткәре Савия Игнатьева укучылар белән очрашуда булды. 1948нче елдан бирле һәр елны оештырылучы бу көн сәламәтлекнең кешеләр тормышы өчен әһәмиятен аңлату, сәламәтлекне саклау чараларына өйрәтү максатыннан үткәрелә. Мәктәпнең физкультура укытучысы Рамис Миначев башлап җибәргән әңгәмәне укучылар һәм укытучылар коллективы иртәнге физик күнегүләр белән тәмамлады. Укучылар сәламәтлек темасына әзерләнгән викторина сорауларына җавап бирде. Сәвия Вәгыйзовна профилактик максаттан укучыларны карап алды, укытучылар белән дә махсус әңгәмә оештырды.
06.04.2015
Үзебез пешергән кыстыбый
4нче апрель көнне “Мин татарча сөйләшәм” акциясе кысаларында Введенка Бистәсе төп гомуми белем бирү мәктәбендә укучылар кыстыбый пешерерде. Чараны оештыручы татар теле укытучысы Фәридә Зарипова укучылар белән максат куйды: алъяпкыч ябып, башларга косынка киеп эшләргә һәм гел татар телендә генә сөйләшә-сөйләшә татар халкының милли ризыгы - кыстыбый пешерергә өйрәнергә, тәмле кыстыбый пешереп мәктәп укучыларын, укытучыларны сыйларга. Укучылар башта яхшылап кулларын юды,укытучы аларга кыстыбый камырын басу серләрен өйрәтте, аннары кайберләре камырдан шарчыклар тәгәрәтеп торды, кайсылары уклау белән камыр җәйде, Дима, Никита, Данил һәм Искәндәр җәелгән камырларны табада пешереп торды. Камырдан шарчыкларны бик оста ясаучы – Равзат булса, шарчыкларны түп-түгәрәк итеп җәюче – Аделина, ә камырны иң оста кыздырып торучы - Искәндәр һәм Никита икән. Менә кыстыбый әзер! Кыстыбый белән чәй эчәргә укучылар мәктәп директорын, укытучыларны һәм барлык укучыларны чакырдылар. Ничек тәмле бергәләп үзебез пешергән кыстыбый!
.jpg)
.jpg)
Янгын куркынычы янаганда нишләргә?
31нче мартта Введенка Бистәсе төп гомуми белем бирү мәктәбе директоры Сергей Никифоров укытучыларны һәм мәктәптә эшләүче хезмәткәрләрне киңәшмәгә чакырды һәм коллектив белән иминлекне саклау буенча уку оештырды. Мәктәптә янгын куркынычы янаган очракта, яки гадәттән тыш хәлләр була калса, кем кайсы вазыйфаны башкарырга, ничек итеп тиз арада балаларны бинадан куркыныч янамаган урынга чыгарырга, эвакуация планын барысы да дөрес аңлыймы, тревога сигналын барысы да беләме? Укытучылар һәм барлык хезмәткәрләр мондый очракларда югалып калмыйча, укучылар иминлеген оештыру чараларын адымлап өйрәнде. Апрель аенда укучылар коллективы белән дә, янгын яки гадәттән тыш хәлләр булганда иминлекне саклау максатыннан тренировкалар үткәрергә карар кылынды.
Мәктәпләрдә уку елының соңгы чиреге башланды
1нче апрельдә уку елының соңгы чиреген – дүртенче чирекне башлап җибәрдек. Введенка Бистәсе төп гомуми белем бирү мәктәбе укучылары, гадәттәгечә, линейкага җыелып, узган чиреккә йомгаклар ясады, якынлашып килүче зур бәйрәмгә әзерлек уңаеннан үткәреләсе чаралар турында сөйләштеләр. Татар теле укытучысы Фәридә Зарипова апрельдә булачак “Мин татарча сөйләшәм” акциясе кысаларында оештырылачак чараларны тәкъдим итте. Тарих укытучысы Марина Маркелова укучыларга Бөек Җиңүнең 70еллыгына багышланган презентацияләрен тәмамлап тапшырырга кирәклеген искәртте. Инглиз теле укытучысы Әлфия Бегомутдинова кызлар белән инглиз телендә җыр фестиваленә әзерләнәчәкләр.Апрельдә янгын куркынычы янаганда башкарылырга тиешле чараларга өйрәтү дә оештырылачак.
30.03.2015
Бәйге җиңүчеләре
20нче март көнне Введенка Бистәсе укучыларының гомумимәктәп линейкасында рус телен сөючеләр арасында үткәрелүче “Русский медвеңонок” дип аталган халыкара бәйге җиңүчеләре игълан ителде. Мәктәпнең рус теле һәм әдәбияты укытучысы Анна Ширяева ел саен укучыларны кызыксындырып бу бәйгедә катнашу оештыра. Быел мәктәпнең 7нче сыйныфы укучылары Мишагина Регина һәм Сладкин Никата, төрле илләрдән катнашучы күп укучылар кебек, бәйгенең кызыклы биремнәрен яхшы үтәп, җиңү яулады. Җиңүчеләргә тантаналы рәвештә катнашучы сертификатлары, истәлекле бүләкләр тапшырылды.
30.03.2015
Бөек Җиңүнең 70еллыгына
Введенка Бистәсе төп гомуми белем бирү мәктәбендә Бөек Җиңүнең 70еллыгына багышланган Россиякүләм плакатлар бәйгесенең мәктәп туры тәмамланды. Яшьләргә Ватаныбызга карата патриотик тәрбия бирү, халкыбызның үткәненә, Бөек Ватан сугышы елларында батырлык һәм фидакарь хезмәт күрсәткән ватандашларыбызга хөрмәтле караш тәрбияләү максатыннан оештырылган бу чарада укучылар бик теләп катнашты. Билгеләнгән көнгә һәр сыйныф башкарылган эшен бәйгене оештыручылар карамагына тапшырды һәм 2,3,6,7, 8нче сыйныф укучылары әзерләгән плакатларны Россиякүләм плакатлар бәйгесенә җибәрергә карар кылынды.
30.03.2015
Тыл хезмәткәрләре янында
24нче март көнне Введенка Бистәсе төп гомуми белем бирү мәктәбе укучылары Бөек Ватан сугышы елларында тыла хезмәт күрсәткән, бүгенге көндә Медведково авылында яшәүче Фәүзия апа Шакирова янында булды. Фәүзия апа килгән кунакларга авыр сугыш елларында авыл халкының тормышы, үзенең балачагы турында сөйләде. Бүгенге көннәрдә укучылар тарих укытучысы Марина Маркелова җитәкчелегендә авылның хөрмәтле кешеләре белән очрашулар оештыралар, сугыш турында, авыл кешеләренең шул еллардагы тормышы һәм фидакарь хезмәтләре турында мәгълүматлар туплыйлар. Бу чараларның максаты - укучыларга патриотик тәрбия күрсәтү исәбеннән, Бөек Җиңүнең 70еллыгына “Авылыбызның мактаулы кешеләре. Бөек Ватан сугышы тылында хезмәт күрсәтүчеләр” исемле истәлек - видеофильм төшерү.
19.03.2015
Мәктәптә «Бөек Җиңүнең 70еллыгына” багышланган плакатлар бәйгесе
Введенка Бистәсе төп гомуми белем бирү мәктәбендә “Бөек Җиңүнең 70еллыгына” багышланган плакатлар бәйгесе оештырылды. Бу чарада һәр сыйныфтан берәр плакат таләп ителә, плакатны укучылар бергәләп әзерлиләр. Мәктәпнең икенче, өченче сыйныф укучылары инде плакатларын ясап бетерде һәм жюри карамагына тапшырды, укучыларның сыйныф җитәкчесе Мария Титкова фикеренчә, мондый чаралар укучыларда Ватаныбыз үткәненә, халыкның батырлыгына ихтирамлы мөнәсәбәт тәрбияли, коллективта бергәләп иҗат итү тәҗрибәсе тупларга ярдәм итә.
.jpg)
19.03.2015
“Бөек Җиңү”нең 70еллыгына
“Бөек Җиңүнең 70еллыгын” каршылауга әзерлек кысаларында, Введенка Бистәсе төп гомуми белем бирү мәктәбендә тарих кабинетында музей почмагы һәм бик зур эчтәлекле стендлар әзерләнде. Тарих укытучысы Марина Маркелова җитәкчелегендә 5-9нчы сыйныф укучылары туплаган материалларда Бөек Ватан сугышы турында, Советлар Союзы геройлары һәм сугыш елларында тылда фидакарь хезмәт күрсәтүчеләр турында, Югары Ослан районында яшәүче кешеләр батырлыгы турында мәгълүматлар җыелган һәм матур итеп эшләнгән. Мәктәпнең яшь экскурсоводы Регина Мишагина, иң беренче булып, бу стендлардагы мәгълүматлар белән укучыларны һәм мәктәп укытучыларын таныштырды.
фоторепортаж
19.03.2015
Татарстан – изгелек территориясе
19нчы март көнне Введенка Бистәсе төп гомуми белем бирү мәктәбендә республика күләмендә оештырылган “Татарстан – изгелек территориясе” дип аталган рәсемнәр бәйгесенең мәктәп этабы тәмамланды. Чараның максаты – балаларда яхшылык һәм изгелек эшләргә теләк тәрбияләү, мохтаҗ кешеләргә яки сыйныфташыңа, дусларыңа һәм якыннарыңа яхшылык эшләргә өйрәтү. Укучылар рәсемнәрендә әлеге темага карата үз фикерләрен сурәтләде, һәм 3нче сыйныф укучысы Титкова Әминә һәм 2нче сыйныф укучысы Морозов Денисның эшләре иң яхшы башкарылган эшләр дип игълан ителде.
14.03.2015
8нче март - Халыкара хатын-кызлар көне
7нче март көнне Введенка Бистәсе төп гомуми белем бирү мәктәбендә 8нче март - Халыкара хатын-кызлар көненә багышланган бәйрәм оештырылды. Бәйрәм хөрмәтенә кунакларга дәресләрдән соң укучылар ялын оештыручы Әлфия Бегомутдинова җитәкчелегендә әзерләнгән бәйрәм программасы тәкъдим ителде. Бәйрәм программасын алып баручылар Регина Мишагина һәм Артур Фаляхов укучы кызларны, укытучы апаларны, әниләр һәм әбиләрне Халыкара хатын-кызлар белән котлады, матур теләкләр ен җиткерделәр. Тамашачыларга күңелле бәйрәм концерты бик ошады, аеруча Алия Нурмухаметова әзерләгән “Әни турында” исемле чыгыш, 6нчы сыйныф маалайларының рэп сителендә башкарылган җырлары кунаклар күңеленә хуш килде.
Сәламәт яшәү рәвеше көне
Введенка Бистәсе төп гомуми белем бирү мәктәбендә “Мәрхәмәтлелекнең язгы атнасы” кысаларында 12нче март - Сәламәт яшәү рәвеше көне итеп билгеләнде. Сәламәтлек көненең девизын укучылар уйлап тапты:”Саклагыз сәламәтлекне, сәламәтлек тормышта бик кирәк!”. Дәресләрдән соң укучылар линейкага җыелды. Мәктәпнең физкультура укытучысы Миначев Рамис укучыларга сәламәтлек көненең максаты, сәламәт яшәү рәвешенең кеше тормышындагы әһәмияте турында сөйләде, мәктәп укучылары белән бергәләп чабыш оештырды. Сәламәтлек көнен балаларның “Күңелле старты” белән тәмамладылар.
Яхшылыкның чиге юк!
10нчы март көнне Введенка Бистәсе төп гомуми белем бирү мәктәбендә “Мәрхәмәтлелекнең язгы атнасы” башланды. Мәктәп укучылары өчен берләштерелгән сыйныф сәгате дә “Яхшылыкның чиге юк!» дип аталды. Сыйныф сәгатен оештыручы Әлфия Бегомутдинова укучылар белән “яхшылык”, “мәрхәмәтле йөрәк”. “мәрхәмәтлелек” кебек төшенчәләр турында әңгәмә оештырды,укучыларга мәкаль һәм әйтемнәрне кабатлады. Укучылар мәрхәмәтле булу өчен нинди гамәлләр эшләргә кирәклеге турында фикер алыштылар, шәхси тормыш тәҗрибәләреннән, әдәби әсәрләрдән мисаллар китерделәр, “Ярдәмчел бул!” исемле викторинада катнаштылар.
05.03.2015
Безнең гаилә - спорт яратучы гаилә!
4нче март көнне Введенка Бистәсе төп гомуми белем бирү мәктәбендә күңелле ярыш - “Безнең гаилә - спорт яратучы гаилә!” исемле спорт ярышы булды. Спортзалда көчле алкышлар белән куәтләп, спорт яратучы дүрт гаиләнең төрле ярышларда көч сынашуын карарга мәктәп укучылары һәм укучыларның ата-аналары җыелды. Беренче сыйныф укучылары Баратов Аскар һәм Авхадиева Альмира командалары беренче урынны алды, Зарубина Арина командасы 2нче урынга, Григорьев Артем командасы 3нче урынга лаек булды. Ярышта катнашкан һәр гаилә үзенең көчле, өлгер һәм җитез булуын, спорт белән дус булуын күрсәтте. Җиңүчеләргә Введенка Бистәсе авыл җирлеге башкарма комитеты тарафыннан әзерләнгән бүләкләр тапшырылды. Чарада катнашучылар зур канәгатьлек белдерде һәм киләчәктә дә мондый ярышларның оештырылуына теләктә күтәренке күңел белән өйләренә таралды.
04.03.2015
Бәйрәмгә әзерләнәбез
Язның беренче бәйрәме 8нче март-Халыкара хатын-кызлар көне якынлаша. Введенка Бистәсе төп гомуми белем бирү мәктәбе укучылары иң беренче эш итеп, бергәләп мәктәпне җыештырды: ишекләрне, өстәл-урындыкларны юдылар, коридорда стеналарны сөрттеләр. Һәр сыйныф үзләренә беркетелгән уку бүлмәләрен тәртипкә китерде. Укучыларның дәресләрдән соң ялын оештыручы Әлфия Бегомутдинова җитәкчелегендә бәйрәм концерты программасын төзеделәр алар. Дәресләрдән соң укучылар концерт номерларын һәм әниләр, әбиләргә тапшырыр өчен үз куллары белән бүләкләр һәм әзерлиләр.
.jpg)
Бөек Ватан сугышы турында сыйныф сәгате
Бөек Җиңүнең 70еллгын каршылауга әзерлек рамкаларында Введенка Бистәсе төп гомуми белем бирү мәктәбендә 26нчы февраль көнне укучылар сыйныф сәгатендә булдылыр. Укучыларның дәресләрдән соң ялын оештыручы Әлфия Бегомутдинова укучыларга Бөек Ватан сугышының иң дәшһәтле көрәш барган дүрт яу кыры турында сөйләде. Укучылар Мәскәү,Сталинград, Курск һәм Белоруссия өчен барган сугышлар турында күп мәгълүмат белделәр. Сталинград шәһәре өчен барган сугыш турында кыска метражлы фильм карадылар.
28.02.2015
«Ел укытучысы» бәйгесендә
27нче февраль көнне Югары Ослан гимназиясендә республика күләмендә оештырылган “Ел укытучысы -2015” бәйгесенең муниципаль этабы булды. Бәйгедә район мәктәпләрендә эшләүче иң яхшы укытучылары белән беррәттән Введенка Бистәсе төп гомуми белем бирү мәктәбенең инглиз теле укытучысы Әлфия Бегомутдинова катнашты, ул икенче сыйныф укучылары белән “Исемнең күплек саны” темасына өйрәнелгән материалны ныгыту дәресе күрсәтте. “Осталык-классы”нда Әлфия Рөстәмбековна Live. исемле яңа педагогик технология куллануы белән уртаклашты.
Никто не забыт и ничто не забыто
25 февраля после уроков ребята отряда волонтеров МБОУ «Введенско-Слободская ООШ» посетили памятник воинам, павших в Великой Отечественной войне за освобождение Родины в 1941-1945 годах Введенско-Слободского сельского поселения. Ребята освободили от толстого слоя снега тропинку, ведущую к памятнику и очистили площадь вокруг памятника внутри ограды, поправили венки. Ребята шли домой усталые, но довольные результатом своего небольшого, но очень важного для всех дела. Время неумолимо, и сегодня живых ветеранов Великой Отечественной войны в селе не осталось. А вот этот самый памятник напоминает всем о тех, кто сражался и погиб в годы войны за Родину.
.jpg)
Инглиз теле олимпиадасы җиңүчеләре
25нче февраль көнне Введенка Бистәсе төп гомуми белем бирү мәктәбе укучылары Зарипов Искәндәр, Мишагина Регина, Сладкина Анна “Сәләтлеләр иле” исемле Россия күләмендәге социаль проектның инглиз теле буенча олимпиадасында катнашып, исемле дипломнар белән бүләкләнде, ә инглиз теле укытучысы Әлфия Бегомутдинова укучыларда тел өйрәнүгә кызыксыну тәрбияләгәне һәм балаларның яхшы нәтиҗәләргә ирешкәне өчен оештыручылардан рәхмәт хаты алды.
.jpg)
21.02.2015
Инглиз теле укытучылары киңәшә
18нче февраль көнне Югары Ослан урта мәктәбендә инглиз теле укытучылары семинары булды. Семинарда Введенка Бистәсе төп гомуми белем бирү мәктәбенең инглиз теле укытучысы Әлфия Бегомутдинова катнашты. Әлеге семинарда укытучылар чыгарылыш сыйныф укучылары тапшырачак имтиханның телдән һәм язма сынауларына әзерлек методикасы турында фикер алышты.
.jpg)
Халыкара яхшылык көне
17нче февраль көнне Введенка Бистәсе төп гомуми белем бирү мәктәбе укучылары Халыкара яхшылык көненә багышланган сыйныф сәгатендә катнаштылар. Татар теле һәм әдәбияты укытучысы Фәридә Зарипова укучыларга Халыкара яхшылык көне тарихы белән таныштырды, мәктәпнең волонтерлар отряды эшчәнлеге турында сөйләде. Укучылар үзләре дә якыннарына¸дусларына, күршеләренә, кошларга яки дүрт аяклы дусларга эшли алган яхшылык турында сөйләште. Теләге булган һәр кеше көн саен кемгә дә булса яхшылык эшли ала!
Халыкара туган телләр көнендә
Бүген, 21нче февраль, Введенка Бистәсе төп гомуми белем бирү мәктәбендә Халыкара туган телләр көненә багышланган класстан тыш чара оештырылды. Кеше үзенең туган теле дип кайсы телне саный? Безнең мәктәп укучылары өчен кайсы телләр туган тел? Татар теле һәм әдәбияты укытучысы Фәридә Зарипова мультимедия чарасы кулланып, укучыларга телләр барлыкка килү турында риваять сөйләде. Укучылар төрле бәйгеләрдә катнашты, уеннар уйнадылар. “Туган илнең чын, лаеклы гражданы булган һәр кеше Туган телен камил белергә, халкының мәдәниятын һәм гореф-гадәтен сакларга тиеш.”,- дигән нәтиҗәгә килделәр, башланачак атна да туган телләргә багышланачак.
.jpg)
21.02.2015
20нче февраль көнне Введенка Бистәсе төп гомуми белем бирү мәктәбе укучылары Масленица бәйрәмендә булдылар. Һәр ел оештырылучы бу бәйрәмгә укучылар алдын әзерләнде: җырлар, уеннар өйрәнделәр, саламнан, иске кәгазьләрдән бәйрәмнең төп герое – Масленица ясадылар. Бәйрәмдә укучыларның дәрестән соң ялын оештыручы Әлфия Бегомутдинова төрле бәйгеләр, уеннар оештырды. Укучылар түгәрәккә басып халык җырларын җырлады, такмаклар әйттеләр, бәйрәмнән соң бергәләп ашханәдә кайнар коймак белән чәй эчтеләр.
.jpg)
16.02.2015
Тугызынчы сыйныф укучыларының ата-аналары җыелышы
12нче февраль көнне Введенка Бистәсе төп гомуми белем бирү мәктәбендә 9нчы сыйныф укучыларының ата-аналары җыелышы булды. Җыелышта математика, рус теле һәм татар теле укытучылары да катнашты. Мәктәпнең укытуһәм тәрбия эшләре мөдире Анна Ширяева ата-аналарны быелгы имтиханнарны тапшыру тәртибе белән таныштырды: рус теле һәм математикадан имтиханнар тапшыру мәҗбүри, укучыларның теләге булса, аларның башка предметлардан да имтихан тапшыру хокукы бар. Имтиханга килүчеләр бары тик паспорт, гель белән яза торган ручканы гына алырга тиеш. Тугызынчы сыйныф укучыларына математика, татар теле һәм рус теле предметларын бирүче укытучылар ата-аналар белән балаларның укуы һәм имтиханнарга әзерлек турында сөйләштеләр.
.jpg)
“Ватаныма хезмәт итәм” темасына плакатлар бәйгесе
Мәктәпләрдә Бөек Җиңүнең 70еллыгына багышланган чаралар оештырыла. Ввееденка Бистәсе төп гомуми белем бирү мәктәбе укучылары өчен “Ватаныма хезмәт итәм” дип исемләнгән плакатлар бәйгесе игълан ителде. Һәр сыйныф бу бәйгегә бер плакат әзерләргә булды, бәйгедә җиңүче иң яхшы плакат Россия Федерациясенең мәдәният министрлыгы оештырган бәйгегә җибәреләчәк. Уңышлар сезгә, яшь рәссамнар!
Истәлекле очрашу
13нче февраль көнне Введенка Бистәсе төп гомуми белем бирү мәктәбендә “Барысы да мәхәббәттән башлана...” дип исемләнгән очрашу уздырылды. Чараны оештыручы - мәктәпнең рус теле һәм әдәбияты укытучысы Валентина Тяганова очрашуга ветеран укытучы, күпъяктан талантлы якташ - Фердинант Алкинны чакырды. Укучылар якташның чыгышын кызыксынып тыңлады, ветеран укытучының һәр яктан осталыгына сокланды: Фердинант Ибраһимович оста сөйләүче дә, ингиз телен дә шәп белә, спорт белән дә дус, баянда да матур итеп уйный белә, үзе язган шигырьләрне яттан сөйли! Менә ичмасам,укучылар өчен үрнәк шәхес!
.jpg)
16.02.2015
Изге Валентин көнендә.
14нче февраль – Изге Валентин көне. Бу бәйрәм ир балалар һәм кызлар арасында үзара игътибарлы булырга һәм бер-береңне ихтирам итәргә чакыра. Введенка Бистәсе төп гомуми белем бирү мәктәбе укучылары мәдәният йортында үткәрелгән бу бәйрәмдә катнашып, бер-берсенә матур комплементлар әйтергә өйрәнделәр, шигырьләр сөйләделәр һәм бәйрәм турында кызыклы мәгълүматлар белән таныштылар. Алар бу көнне иң матур “валентинка”лар ясау остасы белән дә, иң күп “валентинка”ларга ия булучы белән дә танышты.
.jpg)
13нче февраль көнне Введенка Бистәсе төп гомуми белем бирү мәктәбендә “Барысы да мәхәббәттән башлана...” дип исемләнгән чара уздырылды. Чараны оештыручы - мәктәпнең рус теле һәм әдәбияты укытучысы Валентина Тяганова очрашуга ветеран укытучы, күпъяктан талантлы якташ - Фердинант Алкинны чакырды. Укучылар якташның чыгышын кызыксынып тыңлады, ветеран укытучының һәр яктан осталыгына сокланды: Фердинант Ибраһимович оста сөйләүче дә, ингиз телен дә шәп белә, спорт белән дә дус, баянда да матур итеп уйный белә, үзе язган шигырьләрне яттан сөйли! Менә ичмасам,укучылар өчен үрнәк шәхес!
12.02.2015
Инглиз теле дәресендә
9нчы февраль көнне Введенка Бистәсе төп гомуми белем бирү мәктәбенең 6нчы сыйныф укучылары инглиз теле дәресендә “Бутербродлар әзерләү” исемле темага сөйләште. Алар рецептларны һәм кирәкле ашамлыкларны үзләре әзерләп килде. Тәмле бутерброд әзерләүне ингиз телендә аңлатырга, матур итеп әзерләргә кирәк иде. Иң матур һәм иң тәмле бутербродны Фаляхов Артур әзерләде, оста итеп рецептын да инглизчә сөйләп бирде. Үзең әзерләгән ризык аеруча тәмле була һәм инглиз телендә сөйләм дә истә кала!
Батырлык дәресе
12нче февраль көнне Введенка Бистәсе төп гомуми белем бирү мәктәбе укучылары Бөек Җиңүнең 70 еллыгына әзерлек максатыннан оештырылган “Батырлык дәресе”ндә булдылар. Укучыларның дәресләрдән соң ялын оештыручы Әлфия Бегомутдинова укучыларны Бөек Ватан сугышы турында мәгълүматлар белән таныштырды, аларга дәһшәтле сугыш елларында халкыбыз кичергән газаплар турында кыска метражлы фильм күрсәтте. Совет сугышчыларының каһарманлыгы илебез азатлыгын саклап калуда иң зур әһәмияткә ия, шуңа күрә батырларның исемнәрен онытырга ярамый!
.jpg)
11нче февраль көнне Введенка Бистәсе авыл җирлеге башлыгы Дмитрий Морозов Бөек Җиңүнең 70 еллыгына әзерлек чараларын планлаштыру максатыннан Казан шәһәренең порох җитештерүче заводында булды.
10.02.2015
10нчы февраль көнне Введенка Бистәсе авыл җирлеге башлыгы Дмитрий Морозов, Югары Ослан районының балигъ булмаган балалар белән эшләүче комиссия инспекторы Аида Колезнева, Введенка Бистәсе төп гомуми белем бирү мәктәбе укучыларының ата-аналары комитеты рәисе Анастасия Сладкина катнашында мәктәпнең 2нче сыйныфы укучысы Нурмухаметов Нияз гаиләсендә булды. Бу укучысы уку көннәрендә бик күп дәрес калдыра, баланың әнисе телефонга җавап бирми, баланың кайда булганын аңлатмый. Әлеге комиссия баланың яшәү шартлары белән танышты, баланың әнисенә белән проблеманы чишү юлларын тәкъдим итте.
09.02.2015
Введенка Бистәсе авыл җирлегендә яшәүче халыкның күпсанлы соравы буенча 9нчы февраль көнне тирә-яктагы хуҗасыз этләрне тоту оештырылды. Хуҗасыз калган ач этләр юлда йөрүче кешеләрне куркыта башлаганлыктан, мондый чараны кулланмый мөмкин түгел.
07.02.2015
Кыш үзенең планын үти, күрәсең. Бу көннәрдә карның аеруча күп яуганлыгы сәбәпле, юлларны чистартуда эш бик күп. Введенка Бистәсе авыл җирлеге башлыгы Дмитрий Морозов юлларны чистартуга эре оешмалардагы махсус техниканы файдалану максатыннан, 7нче февраль көнне бу оешмалар җитәкчеләрен киңәшмәгә җыйды: авыл җирлегенә караган барлык торак пунктларга илтүче юлларны тәртиптә тотарга кирәк.
6нчы февраль көнне Югары Ослан муниципаль районы хәкимият башлыгының узган елда башкарылган эшләр буенча хисабы сессиясендә президент аппаратыннан Р.А.Шәйхетдинов катнашты. Шул сессиядә Р.А.Шәйхетдинов Введенка Бистәсе авылының сәламәтлек саклау хезмәткәре – фельдшер Сәвия Игатьевага президент исеменнән Рәхмәт хаты тапшырды.
04.02.2015
Сыйныф җитәкчеләре бәйгесе
3нче февраль көнне Введенка Бистәсе төп гомуми белем бирү мәктәбе укытучысы Фәридә Зарипова Югары Ослан гимназиясендә уздырылган район бәйгесендә катнашты. Сыйныф җитәкчеләре осталыгын күрсәтү максатыннан оештырылган бу чарада район мәктәпләрендә эшләүче сыйныф җитәкчеләре хезмәттәшләре күрсәткән сыйныф сәгатьләрен карады, түгәрәк өстәл артында тәҗрибә уртаклашты.
.jpg)
04.02.2015
«Беркем дә, бернәрсә дә онытылмый”
28нче гыйнвар көнне Введенка Бистәсе төп гомуми белем бирү мәктәбе укучысы Мишагина Регина “Беркем дә, бернәрсә дә онытылмый” исемле конференциядә катнашты. Татар Борнашы урта мәктәбендә үткәрелнән бу конференция Бөек Җиңүнең 70еллгына багышланган. Регина “Авылдашларыбызның фронтта һәм сугыш тылындагы батырлыклары” дип исемләнгән хезмәте белән катнашучылар арасында лаеклы икенче урынны яулады. Эшнең җитәкчесе мәктәпнең тарих һәм җәмгыять белеме укытучысы Марина Маркелова да, регина үзе дә бу җиңүгә бик шат.
04.02.2015
Сыйныф җитәкчеләре семинарда
30нчы февраль көнне Введенка Бистәсе төп гомуми белем бирү мәктәбе укытучылары Ширяева А.М. һәм Бегомутдинова А.Р. Югары Ослан урта мәктәбендә республика күләмендә уздырылучы семинарда катнашты. “Психология законнары призмасы аша яшүсмерләрнең яшь үзенчәлекләре” дип аталган сыйныф җитәкчеләре һәм мәктәп директорларының тәрбия эшләре буенча урынбасарлары өчен оешырылган семинарны республиканың әйдәп баручы психолог-педагогыТатьяна Баширова алып барды.Семинарда катнашучылар яшүсмерләрне стресслар тәэсиренә каршы торуга әзерлек йөзеннән: “педагог – ата-ана - укучы” өчлегендә конструктив диалоглар методлары белән танышты, психологик тренинг биремнәрен үтәде.
30.01.2015
Беренче тапкыр!
27нче гыйнвар көнне Введенка Бистәсе төп гомуми белем бирү мәктәбе укучылары беренче тапкыр дзюдо түгәрәгенә җыелды. Спортның бу төре 1-9нчы сыйныфларда укучы барлык балаларны да кызыктырды. Менә ниһаять, бүген мәктәпнең унҗиде укучысы тренерны дулкынланып көтеп алды: аларның да мастер-класс күрсәткән спортчылар кебек көчле һәм җитез буласылары килә! Хәерле сәгатьтә!
.jpg)
Бәйге җиңүчеләре
27нче гыйнвар көнне Введенка Бистәсе төп гомуми белем бирү мәктәбе укучылары линейкага җыелды. Мәктәпнең инглиз теле укытучысы Әлфия Бегомутдинова хәбәр итүенчә,“Мин-лингвист” дип аталган Россия күләмендәге олимпиадада читтән торып катнашучы укучылар арасыннан бәйге җиңүчеләре билгеле булды: 7нче сыйныф укучысы Мишагина Регина икенче дәрәҗәдәге диплом белән бүләкләнде. Бәйгедә катнашучы башка укучылар сертификатка ия булды. Булдыргансыз, укучылар!
.jpg)
27нче гыйнвар көнне Введенка Бистәсе төп гомуми белем бирү мәктәбенең спорт залында спортның дзюдо дип аталган төре буенча мастер-класс күрсәтелде. Шактый ярышларда җиңүче булган яшь спортчыларның тренеры Игорь Ашегулов атнага ике тапкыр дзюдо түгәрәге эшен оештырачак. Мәктәп укучылары гына түгел, авыл яшьләре дә дзюдо түгәрәгенә йөрергә теләк белдерде.
26.01.2015
23нче гыйнвар көнне Введенка Бистәсе авыл мәдәният йортында җәмәгать җыены булды.Авыл халкы каршында авыл җирлеге башлыгы Дмитрий Морозов, мәктәп директоры Сергей Никифоров һәм депутатлар узган елда башкарылган эшләргә нәтиҗә ясап чыгыш ясады. Бүгенге көндә мәктәптә 8 класс-комплектта 30 укучы укый, уку сыйфаты 57%, узган елга караганда 5 процентка үскән. Укучылар күп булмаса да, алар район һәм республика масштабындагы чараларга актив катнашып баралар.Мәктәптә укытучылар коллективы да актив: һөнәри бәйгеләрдә дә, спорт чараларында да алдынгы урыннарга лаек. Авыл мәктәбе эшли, димәк, авыл үзе дә яши!
.jpg)
26.01.2015
Яңа спорт секциясенә рәхим итегез!
22нче гыйнвар көне Введенка Бистәсе төп гомуми белем бирү мәктәбе укучылары өчен шатлыклы вакыйга бүләк итте: мәктәптә атнага ике көн дзюдо секциясе эшләячәк! Спорт мастеры Игорь Ашегулов бу көнне үзенең иң яхшы шәкертләрен мастер-класс күрсәтергә алып килде һәм аларның чыгышы Введенка мәктәбе укучылары, аларның ата-аналары, укытучылар күңеленә хуш килде. Спортчылар күрсәткән осталык, әлбәттә, остазның һәм шәкертләрнең күп еллар буе зур тырышлык китергән хезмәт җимеше.Зур тырышлык, ихтияр көче генә кешене мондый җиңүләргә китерә һәм, иң мөһиме организмга нык сәламәтлек өсти.
Спорт секциясенә дзюдо белән шөгыльләнергә теләге булган һәр укучы кабул ителә.
25нче гыйнвар көнне Петропавловка Бистәсенә илтүче юлның катлаулы урынында баганалардагы иске лампалар яңаларына алыштырылды.Авыл халкы Введенка Бистәсе авыл җирлеге Башкарма комитетына рәхмәтле: барлык үзгәрешләрдән һәм һәр яңалыктан хәбәрдар җитәкче тиз арада тиешле эшне башкарырга кирәкле чараны оештырган.
Савинода яшәүче авыл кешесенең мөрәҗәгете буенча Введенка Бистәсе авыл җирлеге Башкарма комитеты башлыгы Дмитрий Морозов кишәрлек чикләрен билгеләүче белгечләрне чакырды. Районның кишәрлек чикләрен билгеләүче оешма хезмәткәрләре тиз арада кирәкле үлчәү һәм хисап эшләрен төгәл башкарып, авыл җирлегенә мөрәҗәгать итүче кишәрлек хуҗасын канәгатьләндерде.
23.01.2015
23нче гыйнвар көнне Введенка Бистәсе авыл мәдәнияты йортында җәмәгать җыены булды. Введенка Бистәсе авыл җирлеге Башкарма комитеты 2014нче елда эшләгән эшләре буенча хисап тотты. Авыл җирлеге башлыгы Дмитрий Морозов чыгышыннан билгеле булганча, Башкарма комитет еллык планны үтәгән. Җыенда катнашучылар үзләрен борчыган бик күп сорауларга җаваплы ишетте, 2015нче елда башкарыласы эшләр белән танышты.
20нче гыйнвар көнне Введенка Бистәсенең “Восточная звезда” дип аталган җирлеге халкы Иннополис шәһәрчеге мэры Егор Иванов белән танышты. Бу очрашуда авыл халкы яңа шәһәрнең һәм Көньяк Йолдыз авылының киләчәге турында тыңлады. Яңа гына үсеп килүче фән шәһәрчегенең үсеше якындагы авыллар үсешенә тизләнеш бирәчәк: шәһәр төзелеше җитәкчеләре һәм авыл җирлеге Башкарма комитеты үзара хезмәттәшлек итә.
20.01.2015
«Кыш, кышкай!» исемле бәйге
16нчы гыйнвар көнне Введенка Бистәсе төп гомуми белем бирү мәктәбенең башлангыч сыйныф укучылары өчен рәсем бәйгесе оештырылды. Елның һәр фасылы үзенчә матур. Ә кыш – җирне ял иттерүче, кешеләр күңеленә яктылык һәм сафлык, сәламәтлек китерүче фасыл. Кыш балалар өчен аеруча тансык: таудан чана шуасыңмы, чаңгыда йөрисеңме, матурлыкка сокланып ял итеп йөрисеңме – барысы да якында гына һәм рәхәт! Шул матурлыкны рәсемгә төшерүчеләр арасында Морозов Денис – иң остасы булып чыкты, ул – бәйгенең җиңүчесе!
Яңа елда яңа уңышлар!
14нче гыйнвар көнне Введенка Бистәсе төп гомуми белем бирү мәктәбе укучылары Мишагина Регина һәм Зарипов Искәндәр яңа елдагы беренче котлауларга лаек булды. Укытучы Марина Маркелова җитәкчелегендә алар Бөек Җиңүнең 70 еллыгына багышланган “Җәмгыять белеме. Көз” исемле Икенче халыкара викторинада катнашып яхшы белемнәрен күрсәтә алды. Укучылар линейкасында Мишагина Регинага икенче дәрәҗәле Диплом, Зарипов Искәндәргә катнашучы сертификаты һәм Бөек Җиңүнең юбилей значогы, укучыларны викторинага әзерләүче укытучы Маркелова Марина Михайловнага Мактау хаты тапшырылды. Яңа елда яңа уңышларыгыз зур булсын!
Уку елының өченче чиреге башланды
13нче ыйнвар көнне Введенка Бистәсе төп гомуми белем бирү мәктәбе укучылары кышкы каникулдан соң беренче тапкыр гомумимәктәп линейкасына җыелды.Укучыларның дәресләрдән соң ялын оештыручы педагог Әлфия Бегомутдинова укучыларны уку елының өченче чиреге башлануы белән котлады, балаларга сәламәтлек һәм укуда уңышлар теләде. Уку елының иң озыны булган бу чиректә мәктәп чараларында актив катнашырга һәм тырышып укырга өндәде. Хәерле сәгатьтә, укучылар!
07.01.2015
Яңа елны бергә каршылауга без бик шат!
Введенка Бистәсе авылы мәдәният йортында мәктәпнең 7-9нчы сыйныфлары укучылары һәм авыл яшьләре бергәләп Яңа ел бәйрәмендә катнашты. Бу чараны оештыручы һәм алып баручылар – башлангыч сыйныфлар укытучысы Мария Титкова белән инглиз теле укытучысы Әлфия Бегомутдинова төрле бәйгеләр, уеннар әзерләгән. Залдагы тамашачылар бик тиз актив катнашучыларга әверелеп Санта Клаус һәм Кыш бабай командаларында төрле бәйгеләрдә ярышты, күңелле уеннар уйнады. Яңа ел бәйрәменең традцион чарасы – лоторей уйнату тамашачылар өчен тагын бер күңелле могҗиза. Иң затлы бүләк – Яңа ел чыршысын мәктәп укучысы Титкова Әминә отты. Яшьләр өчен оештырылган бу чарада барысы да бәйрәм дискотекасында рәхәтләнеп биеп күңел ачтылар.
Источник: МБОУ "Введенско-Слободская ООШ"
.jpg)
Яңа ел белән, хөрмәтле хезмәттәшләр!
Введенка Бистәсе төп гомуми белем бирү мәктәбе укытучылары коллективы, укучылар һәм аларның ата-аналары барыгызга да Яңа ел котлауларын юллый. Яңа 2015нче ел илебезгә тынычлык, хезмәтебездә яңа үрләр яуларга көч-куәт, гаилә бәхете, нык сәламәтлек китерсен! Укучыларыбызга файдалы белем алырга насыйп булсын, ата-аналарның күңеленә балалар өчен шатлык һәм куаныч өстәлсен. Хезмәттә башлаган һәр яхшы гамәлне уңышлы төгәлләргә һәм яңа уңышларга ирешергә насыйп булсын!
Мәктәптә “Яңа елны каршылау” бәйрәме
27нче декабрь көнне Введенка Бистәсе төп гомуми белем бирү мәктәбе укучылары Яңа елны каршылау бәйрәменә җыелды.Укытучылар, ата-аналар катнашында алар яңа ел әкиятен күрсәтте, төп рольләрне 5нче һәм 7нче сыйныф укучылары бик оста башкарды.Бәйрәмгә һәр сыйныф үзе әзерләгән чыгышны бүләк итте, шигырьләр һәм җырлар башкарды. Яңа елны каршыларга ата-аналар белән берлектә матур костюмнар киеп килгән балалар рәхәтләнеп күңел ачты, Кыш бабай һәм Кар кызы бүләкләренә лаек булды. Балаларны быел да спонсорларыбыз Иннополис оешмасы бүләге бик шатландырды.
Соңгы яңарту: 2021 елның 10 феврале, 11:42