Яналыклар 2015
31.12.2015
Бәхет кошы
Печищи Мәдәният йортының сәхнәсендә 5-9 нчы сыйныф укучылары һәм әти- әниләре өчен “Бәхет кошы” дигән тамаша булды: патша кушуы буенча ,Иванга- патша улына тиз генә өйләнергә кирәк.Әтисе тәкъдим иткән кызлар аңа ошамаган, хатынны үзе эзләргә керешә.Ул “Бәхет кошы”- Василиса була, ләкин аны сихердән коткарырга кирәк, әкиятнең уңай геройлары аңа ярдәм итәләр.Ул әтисе кушканн ы үти, һәм Кыш бабай белән Кар кызына кунакка киләләр.Бергә чыршы тирәли әйләнеп җырлар җырлыйлар, шигырьләр сөйлиләр.Бәйрәмдә костюмнар конкурсында –Борисов Денис белән Гиниатулова Гүзәл җиңеп чыкты.Лотореяда төп бүләк- балалар шампан шәрабы иде. Аны 8 нче сыйныф укучысы- Мысик Виктория отты.Бәйрәмдә мәктәбебезнең кунагы- Панферов Владик та әнисе белән килгән иде. Бәйрәм кәефе 2016 нчы елда ла сакланып калыр дип ышанабыз.
.jpg)
25.12.2015
25 нче декабрьдә Печищи мәктәбендә 6 нчы сыйныфта инглиз теленнән ачык дәрес булды, аны Ситникова Анна Ивановна үткәрде. Дәреснең темасы :”Хайваннар” темасы иде, укытучы Сингапур методикасын кулланып дәресне уздырды.Укучылар үзләренең белемнәрен телдән дә күрсәтттеләр, үзләренең фикерләре белән дә уртаклаштылар. Дәрес бик тиз узып китте.Дәрестә катнашкан укытучылар дәрескә югары бәя бирделәр.
.jpg)
23.12.2015
Бәйрәм якынлашу уңаеннан Печищи мәктәбендә “Рәсәй халкының милли мәдәнияты нигезләре” фәне буенча “Раштуаны каршылау” дигән темага 5 нче сыйныф укучылары башлангычларга дәрес үткәрделәр.Бу ФГОСТ кысаларында ачык проект дәрес итеп үткәрелде. Укучылар Раштуа бәйрәменең тарихы турында сөйләделәр, элек аны ничек бәйрәм итүләре турында да кызыксынып тыңладылар.Аларның сөйләмнәре презентация белән бәйләнеп барылды. Дәрестә шигырьләр, табышмаклар кулланылды.Дәрес ахырында 5 нче сыйныф укучылары мастер- класс үткәрделәр, бу мастер-класстан соң башлангыч сыйныф укучылары үз куллары белән Раштуа бәйрәмендә катнашучыларның фигураларын ясадылар. Барлык укучылар да дәрестән канәгать калдылар.5 нче сыйныф укучылары үзләре дә бик күп яңалыклар белделәр, чөнки дәрескә әзерләнеп , үзләренең кечкенә иптәшләренә сөйләү, алар өчен дә бик кызыклы иде, һәм бу аларга ошады да. Шуңа күрә дәрес-бәйрәм бик шәп килеп чыкты.
15.12.2015
Үткән шимбәдә яшьләр һәм яшьүсмерләр клубында Югары Осланда шахмат турниры булды.Бу турнир Ватанның геройлар көне һәм Татарстан Республикасының Конституция көненә багышланган иде.Өлкәннәр белән беррәттән укучылар да катнашкан иде. Печищи мәктәбеннән 8 нче сыйныф укучысы Борисова Зарина үзенең остазы Куприянова А.Н. белән бик уңышлы чыгыш ясады.Зарина кызлар арасында 3 нче урын алды, ә Анастасия Николаевна 2 нче урынны. Алар икесе дә грамоталар һәм кыйммәтле бүләкләр белән бүләкләнделәр. Җиңүчеләрне-котлыйбыз.
.jpg)
12.12.2015
Авыл хуҗалыгы ярминкәсендә катнашу
12 декабрьдә Казан шәһәрендә чираттагы авыл хуҗалыгы ярминкәсе узды. Сәүдә
Ямашев урамындагы "Бәхетле" гипермаркеты янындагы мәйданчыкта узды . Печищи авыл җирлеге башлыгы Шәмсетдинов Александр Сергеевич , районның башка авыл җирлеге башлыклары белән беррәттән, ярминкәдә актив катнашты.
11.12.2015
Печище авыл җирлеге башлыгы хезмәтне саклау мәсьәләләре программасы буенча ике көнлек курсларда укыды. Әлеге курслар Югары Ослан авылы ПМК базасында үтте.
10.12.2015
Пәнҗешәмбе көнне Печище авыл җирлеге башлыгы Югары Осланда Яшүсмерләр-яшьләр клубы бинасында узган "Бизнес –десант" семинарында катнашты. Семинарда шәхси эшмәкәрләр, кече һәм урта бизнес җитәкчеләре дәүләт программалары белән таныша алдылар, шулай ук икътисад министрлыгы вәкилләренә үзләрен кызыксындырган сораулар бирделәр, тәҗрибәле бизнес-тренерларны тынладылар.
10.12.2015
Печище авыл җирлеге Башкарма комитеты көче белән Киров урамы буенча үзәк юллар җыештырылды.
09.12.2015
Печищи мәктәбенең 8 нче сыйныф укучылары Тюленев Юра һәм Гена инвалидлар декадасы кысаларында 3 нче группа инвалиды Ситдикова Нина Николаевнага ярдәм күрсәттеләр. Хәзерге вакытта ул берүзе генә яши һәм ярдәмгә мохтаҗ. Малайлар су ташыдылар, утын алып керделәр һәм кар да чистарттылар.Бу эшләрне инде хәзер Нина Николаевна башкара алмый. Шуңа күрә ул балаларга бик рәхмәтле булды.Мондый акцияләр безнең мәктәптә еш кабатланып тора,бер ялгызы яшәгән өлкәннәргә һәрвакыт ярдәм итәргә тырышабыз.
.jpg)
09.12.2015
Инвалидлар декадасы кысаларында Печищи мәктәбе укучылары Панфёров Владик белән очрашуга әзерләнә .6 нчы сыйныф укучысы Васильева Вероника аңа алдан ук хат язып куйды, үзенең хатында ул үзе турында, нәрсәләр белән шөгыльләнүе , үзен кызынсындырган сорауларын бирде.Әлбәттә, ул Владикны киләчәк Яңа еллар белән котлады. Вероника аның өчен үз куллары белән ясалган открытка һәм тәбрикләвен җиткерде. Бу тәбрикләү хатын алганнан соң, Влад Вероникага җавап бирер дип ышанып калабыз.
09.12.2015
Бүген Югары Ослан муниципаль районы Башкарма комитеты җитәкчесе Хәкимҗанов Ленар Саетзянович рәислегендә чираттагы административ комиссия утырышы булып узлы. Утырышта административ хокук бозулар турындагы. 1 ө. ТР КоАП 3.6. статҗясы буенча хокук бозулар, шулай ук йорт хайваннарын, аерым алганда, этләрне , тоту мәсьәләсе каралды. Утырыш нәтиҗәләре буенча Печище авылының бер кешесе участогы янындагы территориядә зур габаритлы чүп-чарны урнаштырганы өчен административ җаваплылыкка тарттырылды.
09.12.2015
9 нчы декабрьдә Рәсәйдә Ватанның Геройлары көне үткәрелә.Шуңа күрә бүген Печищи укучылары Бөек Ватан сугышында үлгән геройларыбызның һәйкәле янына митингка җыелдылар. Мәктәпнең укыту эшләре буенча урынбасары Куприянова А.Н. бу бәйрәмнең тарихы турында сөйләде, һәм мәдәният мөдире Полякова Г.В. да чыгыш ясады.Митингта элек һәм хәзерге вакытта яшәгән геройлар турында да искә төшерделәр.Бу Әфганистанда үлгән Валерий Токанин да иде.Кызлар геройлар турында шигырьләр дә әзерләделәр. Чара ахырында геройларны бер минутлык тынлык белән искә алдык, һәм һәйкәлгә чәчәкләр куйдык.
.jpg)
.jpg)
08.12.2015
8 нче декабрьдә Казан шәһәрендә “Башлангыч чорга сәяхәт” республика конкурсының нәтиҗәләре булып узды, анда Печищи мәктәбе укучысы Борисова Зарина үзенең җитәкчесе Корнева Н.Г. чакырылган иде .Аның эше район җирлегендәүткәрелгән конкурста дипломант булган иде, ә хәзер Татарстан Республикасында туризм буенча бәяләнде.”Гранд-отельдә” бүләкләү оештырылган иде, Зарина диплом алды һәм кыйммәтле бүләк белән бүләкләнде. Аннан соң Казан-Аренага экскурсия оештырылган иде. Зарина бу сәяхәттән бик канәгать калды.
.jpg)
.jpg)
08.12.2015
8 нче декабрьдә Печищи мәктәбе укучылары Панфёров Владик янына бардылар.Аны “мөмкинлекләре чикләнгән” бала дип әйтеп тә булмый, чөнки ул мәктәптә яхшы укый, кечкенәдән шахмат уйный, оста итеп рәсемнәр ясый.Очрашу җылы атмосферада узды.Кайбер кызлар белән Владик инде күптән таныш, чөнки Мысик Вика белән алар шахмат уйнадылар. Алар бүген дә бергәләп шахмат һәм шашка уйнадылар.Владик үзенең ясаган рәсемнәрен күрсәтте, алар арасында хәтта күмер белән ясалган рәсемнәр дә бар иде. Очрашу ахырында Вероника үзе ясаган открытканы һәм хатны тапшырды.Очрашу түгәрәк өстәл артында тәмамланды.
07.12.2015
" Чиста су" республика программасы кысаларында подрядчы оешма тарафыннан яңа скважина территориясендә җир асты насос станциясе урнаштыру тәмамланды.
.jpg)
03.12.2015
Бүген, 3 нче декабрьдә, Печищи мәктәбендә Салих Сәйдәшевнең тууына 115 еллыгын билгеләп үттеләр. Мондый чаралар безнең мәктәптә ел саен уздырыла. Балалар бу чараларда бик актив катнашалар.Татар әдәбияты дәресләрендә укучылар бөек татар композиторы Салих Сәйдәшевнең тормыш юлы һәм иҗаты белән таныштылар. Укытучы Зиннәтуллина Г.Г. композиторның тормыш юлы һәм иҗаты турында презентация әзерләде,һәм аның тормышының һәр этабы буенча фотографияләрдән стенд та ясалган иде.Укучылар үзләре дә С.Сәйдәшев турында рефератлар да яздылар,һәм сыйныфташларын да таныштырдылар.Сәйдәшевнең тормышы турында фикер алышканда,аның язмышының Г.Тукай язмышы белән охшаш яклары барлыгы турында нәтиҗә ясадылар: икесе дә кабул ителгән гаиләләрдә тәрбияләнүләре, авырулары, бөек талант. Ә бит алар таныш булганнар, хәтта дуслар ук. Дәрестә аның җырлары да искә төшерелде, чөнки безнең мәктәбебезнең кызлары Кызыл Байракта узган Сәйдәш фестивалендә дә үзләренең җырлары белән катнаштылар. Тәнәфес вакытларында Салих Сәйдәшевнең музыкасы яңгырады.Композиторның иҗаты белән танышу, кызыксыну әле тәмамланмас, чөнки аның җырлары һәркайда, һәр җирдә яңгырап тора.
.jpg)
03.12.2015.
Бүген "Гремячка" территориясендә Печище авыл җирлеге башлыгы чишмәне төзекләндерергә теләүче спонсорлар белән очрашты. Бу очрашуда алда торган эшләр проекты тикшерелде һәм күләмнәре билгеләнде.Киләчәктә агач йорт урнаштыру, колоданы яңартырга, мәйданчыкны төзекләндерү ,баскыч ясау планлаштырыла
Печище авыл җирлеге Башкарма комитеты көче белән егылган койманы торгызу буенча эшләр башкарылды/
03.12.2015
Киров урамы буенча үткәрелә торган җир эшләре нәтиҗәсендә су торбасы тишелде. Әмма җитешсезлекләр кыска кирәк вакыт эчендә төзекләндерелде., үзәк су белән тәэмин итү сүндерелмәде!
02.12.2015.
Мөмкинлекләр бар!
Билгеле булганча, Киров урамындагы күп фатирлы йортларда яшәүчеләр өчен , мусор җыючы техника килгәнче чыгарылган көнкүреш калдыклары белән тутырылган капчыкларны этләр ертып, чүп-чар урам буйлап таралу бик мөһим проблема булып кала.
Печище авыл җирлеге Башкарма комитеты хезмәткәр ләре инициативасы буенча авыл актив халкы белән берлектә чүп-чар өчен әзерләнгән мәйданчыкта импровизированный бокс кую турында карар кабул ителде. Бүгенге көндә мәйданчыкта вак таш җәелгән һәм бокс каркасы сетка белән уратылган инде.
Хөрмәтле авылдашлар, авыл тормышындагы актив катнашыгыз, һәм теләсә нинди проблема безгә җиңел булачак!
02.12.2015
Кышның беренче үк көнендә Югары Ослан гимназиясендә спартакиада кысаларында белем бирү хезмәткәрләре арасында волейбол буенча ярышлар булып узды.Үзенең командасын Печищи мәктәбе дә турнирга тәкъдим итте. Команда составына җиде укытучыкерде. Кайберләренә Куприянова А.Н.,Мансуров Р.М.,Баймяшкин Н.С. ка мәйданнан чыкмыйча да уйнарга туры килде. Безнең команда 3 уен уйнады,шуның икесендә җиңү яулады, югары Ослан мәктәбен дә, Югары Ослан гимназиясен дә җиңеп чыкты.Барлык уен нәтиҗәләре буенча Печищи мәктәбе икенче урынга чыкты, һәм грамота белән бүләкләнде.
01.12.2015
1 декабрь - " "Бердәм Россия" партиясе туган көне! Бу көнне безнең районда гражданнарны бердәм кабул итү үткәрелде. Иҗтимагый кабул итү бүлмәсендә, Югары Ослан авылында һәм 19 өстәмә мәйданчыкта, барлык авыл җирлекләрендә дә, гражданнар "Бердәм Россия" партиясе депутатларына үз проблемалары турында сөйли алдылар. Печище авылында, шулай ук, кабул итү көне узды. Печище авылы җирлеге башлыгы, Шәмсетдинов А. С. килгән 5 гражданны кабул итте , аларның сорауларына җавап бирде: 3 мөрәҗәгать җирне рәсмиләштерү тәртибен аңлатуны сорап , 1 мөрәҗәгать торак шартларын яхшыртуга кагылышлы һәм 1 мөрәҗәгать хуҗасыз этләр мәсьәләсен хәл итүне сорап килгәннәр иде . Барлык сораулар каралды һәм игътибарга алынды.
01.12.2015
Печище авыл җирлеге башлыгы Шәмсетдинов А. С "Печище" МУП директоры Калякановой Е. Г. һәм кадастр инженеры белән берлектә Печище авылындагы Грузин урамындагы җир участогы чикләрен килештерү максатыннан тикшерү үткәрделәр.
30.11.2015
Печище авыл җирлеге башлыгы Шәмсетдинов Александр Сергеевич депутат Караев Виктор Павлович белән берлектә, электр челтәрләренә реконструкция эшләре алып барыла торган урамнар буйлап, ә нәкъ менә Грузинская, Киров, Яңа Урамнары буйлап обход ясадылар. Безнең авылда КТП 35/0,4 куйдылар, аның ярдәмендә без ут булмауның нәрсә икәнен онытырбыз.
30.11.2015
Коррупциягә каршы айлыгы кысаларында Печищи мәктәбендә китапханәче Корнева Н.Г. тарафыннан күргәзмә оештырылды. Бу китаплардан тыш күргәзмәдә терроризмга каршы да, Татарстанда яшәүче халыкларның бер-берсенә карата түзем, игътибарлылыгы турында да китаплар бар иде. Бу күргәзмә укучыларны бик кызыксындырды. Тәнәфес вакытында алар китапларны карыйлар, кайберәүләре өйләренә дә алып китәләр.
.jpg)
29.11.2015
Якшәмбе көнне, 29 ноябрьдә Печище МӘДӘНИЯТ йортында Әниләр Көненә багышланган концерт узды!
Безнең балалар бакчасы һәм мәктәп балалары әниләргә багышланган шигырьләр сөйләделәр, танылган "Калинушка" ансамбле чыгыш ясады, шулай ук Печище авыл җирлеге башлыгы Шәмсетдинов А. С. әниләрне котлады һәм сәламәтлек теләде.
28.11.205
2015 елның 27-28 ноябрендә Биектау районында Татарстан Республикасы муниципаль хезмәткәрләре Спартакиадасы кысаларында мини-футбол буенча ярышлар узды.Чарада барысы өченче группа авыл жирлегенә кергән 11 район катнашты. Бу ярышларда, команда составында Югары Ослан районы Печище авылы җирлеге башлыгы Шәмсетдинов Александр катнашты
Безнең команда көчле көндәш булып чыкты, безнең егетләр соңгы секундка кадәр көч сынашты . Нәтиҗә - үз төркеменнән икенче урынга чыгу. Тик, кызганычка каршы ,ярымфинал матчларында команда сигезенче урынны алды.
27.11.2015
27 нче ноябрьдә Печищи мәктәбендә мәктәп күләмендә ата-аналар җыелышы булып узды.Беренче чирекнең уку нәтиҗәләре белән мәктәпнең уку-укыту эшләре буенча урынбасары Куприянова А.Н. чыгыш ясады.Ул укучыларның уку нәтиҗәләренең түбән булуын искәртеп китте. Әлбәттә, яхшы укучыларның әти-әнисенә дә рәхмәт хатларын тапшырды. Икенче мөһим сорау булып, суицид темасы кузгатылды.Ул әти- әниләргә аның сәбәпләрен аңлатып китте, үзенең киңәшләрен , ышаныч телефонының номерларын бирде.
Соңыннан мәктәп директоры Хафизов А.Ф. балаларның куркынычсызлыгы турында мәгъләмат бирде, караңгы вакытта балаларның киемнәрендә ерактан күренеп тора торган әйберләрнең булуы шарт икәнен аңлатты.Илдә барган вакыйгалардан чыгып, терракт турында да сүз кузгатты, һәм әти-әниләрнең игътибарлы булуы соралды.Чыгышлардан соң,бәйрәм концерты башланып китте.
.jpg)
.jpg)
.jpg)
27.11.2015
Һәм янә пьедесталда-почет
Екатеринбург шәһәрендә авыр атлетика буенча Рәсәй беренчелеге дәвам итә, анда 19 яшькә кадәр булган кызлар һәм яшьүсмерләр җыелган, монда Рәсәйнең төрле почмакларыннан килгән спортсменнар чыгыш ясый.
Алар арасында безнең Печище мәктәбендә укучы Голубина Алеся да бар, ул үзенең районын гына түгел, хәтта Татарстан Республикасын да яклый.
53 кг га кадәр авырлыкта ул иң яхшы нәтиҗәләргә иреште, 2 нче урын алды. Ике көрәштә ул барлыгы 146 кг җыйды. Алеся спорт мастеры дигән дәрәҗәгә ия булды. Без үзебезнең укучыбызның уңышларына бик тә шат һәм аның белән горурланабыз.
Шулай ук без Алесяның тренеры Ришат Мансуровичны да Рәсәй чемпионатында көмеш медаль алулары белән тәбриклибез.
15.11.2015
Якшәмбе көнне, 15 ноябрьдә, Югары Ослан районы хәрби комиссариаты хезмәткәрләре Печище авыл җирлеге башлыгы А.С. Шәмсетдинов белән берлектә, хәрби хезмәткә барудан баш тартучыларны ачыклау буенча рейд ясадылар. Рейд барышында призыв яшендәге егетләрнең ата-аналары белән әңгәмәләр үткәрелде һәм повесткалар таратылды.
14.11.2015
Шимбә көнне, 14.ноябрьдә, Печище авылы җирлеге командасы V район Спартакиадасы кысаларында уздырылган мини футбол буенча ярышларда 3 нче урынны яулады. Уеннар Югары Ослан авылы "Чемпион" спорт комплексында үтте.
.jpg)
14.11. 2015.
Узган шимбәдә Казан шәһәренең Ямашев урамында чираттагы традицион авыл хуҗалыгы ярминкәсе булып узды. Бу юлы Печище авылы халкы казанлыларны үзләренең бакчаларында үстергән чөгендер һәм кәбестә белән сөендерделәр. Шулай ук ярминкәдә Печище авыл җирлеге башлыгы Шәмсетдинов А. С. актив катнашты.
11.11.2015
Референдум нигезендә үзара салым акчалары җыю түбән булу сәбәпле,Башкарма комитет хезмәткәрләре Печище авыл халкы йортлары буенча обход ясадылар. Печище авылы җирлеге башлыгы Шәмсетдинов А. С. авыл халкы белән аңлату әңгәмәләре уздырды. Эш дәвам итә.
12.11.2015
"Печище" МУП директоры Калякановой Е. Г., белән берлектә, Печище авыл җирлеге Башкарма комитеты хезмәткәрләре Киров урамы халкы белән җыелыш үткәрделәр.Көн тәртибенә Референдум нигезендә үзара салым акчалары җыю түбән булу ситуациясе куелган иде, Самообложение акчалары түләмәгән кешеләргә штраф рәвешендә. административ җәза каралган.
10.11.2015
"Чиста су" программасы. Буенча яңа скважина кую эшләре дәвам итә. Бүгенге көндә подрядчы оешма скважинасы тирәли койма куюга кереште.
10.11.2015Бүген Югары Ослан районы хакимияте бинасында, район Башкарма комитеты җитәкчесе Ленар Хәкимҗанов җитәкчелегендә агымдагы хәрби хезмәткә чакыру мәсьәләсе буенча комиссиясе утырышы булып узды. Бу утырышта Печище авыл җирлеге Башлыгы, А.С.Шәмсетдинов катнашты. Киңәшмә барышында оештыру мәсьәләләре каралды. Аерым алганда, хәрби хезмәткә чакырылучыларны әзерлек пунктына озату, хәрби хезмәткә барудан баш тартучыларны табу мәсьәләләре каралды.
31.10.2015
31 октябрьдә Казан шәһәрдәге Ямашев урамындагы"Бәхетле"кибете янындагы мәйданчыкта чираттагы авыл хуҗалыгы ярминкәсе булып узды. Бу юлы Печище авыл халкы казанлыларны үзләре үстергән бәрәңге һәм суган белән сөендерделәр.
30.10.2015
30 октябрьдә Печище мәдәният йортында Печище Башлангыч ветераннар оешмасының отчет-сайлау җыелышы узды. Көн тәртибендә түбәндәге сораулар иде,:
1. Ветераннар оешмасының отчеты.
2. Ветераннар Советы рәисен сайлау.
3. Ветераннар Советының яңа составын сайлау.
Җыелышта Югары Ослан районы Ветераннар Советы рәисе Римма Сергеевна Троицкая, Печище авылы башлангыч ветераннар Советы рәисе Шахова Валентина Петровна, авыл җирлеге Башлыгы Александр Сергеевич Шәмсетдинов һәм ветераннар оешмасы әгъзалары катнашты.
Римма Сергеевна, күп еллар дәвамында үз эшчәнлеген сугыш, хезмәт ветераннарының социаль проблемаларын хәл итүгә юнәлдергән Печище ветераннар Советының бөтен коллективына рәхмәтен белдерде,. Совет ветераннарны авылның иҗтимагый һәм мәдәни тормышында актив катнашырга, авыл яшьләренә патриотик тәрбия бирүдә актив катнашырга җәлеп итә. Аннары Совет рәисе Шахова Валентина Петровнага Югары Ослан муниципаль районы Башлыгы Марат Галимзянович Зыятдинов исеменнән рәхмәт хаты һәм истәлекле бүләкләр тапшырды. Отчет белән. Печище Ветераннар Советы рәисе Шахова Валентина Петровна,, авыл җирлеге Башлыгы Александр Сергеевич Шәмсетдинов, шулай ук фельдшер Нина Дмитриевна Галимҗанова чыгыш ясадылар. Гомуми карар буенча Ветераннар советы рәисе булып Валентина Петровна калды.. Отчет җыелышы китапханә мөдире Юлия Нургалиева әзерләнгән фото презентация белән бәйләп алып барылды. Шулай ук залда оешма әгъзалары әзерләгән халык һөнәрләре күргәзмәсе оештырылган иде. Очрашу ахырында җыелышта катнашучылар Римма Сергеевнаны үзенең шигырьләрен укуын сорадылар , ул бик теләп риза булды. Җыелыш зур булмаган концерт белән тәмамланды. Үзенең чыгышы белән Игорь Локтев та сөендерде.
29.10.2015
Пәнҗешәмбе иртәcе "Гремячка» насос станциясе торбасы тишелеп су агу барлыкка килү белән башланып китте , әмма Печище авыл җирлеге Башкарма комитеты һәм "Печище" МУПының бердәм эше ярдәмендә җитешсезлекләр кыска вакыт эчендә төзәтелде..
29 октябрьдә Печище ХППсындагы ООО " Татарстан бөртеклеләр технологияләре" территориясендә янгын туды. Янгын урынына килгән янгын сүндерүчеләр командасы һәм ирекле дружина утка таралырга һәм күрше төзелмәләргә күчәргә ирек бирмәделәр. Шулай ук янгынны сүндерүдә Печище авылының "Тегермән” ирекле дружинасы катнашты.
26.10.2015
Печище мәктәбе укучылары үзләренең мөмкинчелекләреннән чыгып, бик күп конкурсларда да катнашырга тырышалар, һәм бу бик яхшы нәтиҗәләргә ирешәләр:4 нче республика конкурсында “Минем яраткан укытучым” беренче урынны “Рәсем” номинациясендә Лемехов Давид алды.Алексеева Алена һәм Гимадиева Алия бу конкурста актив катнашканнары өчен грамоталар белән бүләкләнделәр. “Шигырь»номинациясендә 8 нче сыйныф укучысы Борисова Зарина икенче урынны алды.
Муниципаль этапта мәктәп баскетбол-лигасы “КЭС-БАСКЕТ” чемпионатында кызлар командасы кызлар арасында баскетбол буенча икенче урынны алдылар.
4 нче республика конкурсында “Чыганакларга сәяхәт” муниципаль этабында «Җәяүлеләр экскурсиясе” номинациясендә үзенең “Печище тарихына сәяхәт”проект эше белән Борисова Зарина 3 урынны алды.
19- 23.10.2015 кадәр Казан (Идел буе) федераль университетында " Татарстан Республикасы җирлекләрен үстерү: иң яхшы практиклар". программасы буенча квалификация күтәрү курслары узды. Анда Печищи авыл җирлеге Башлыгы Шәмсетдинов А. С. катнашты һәм узган җомгада, курсларны узып, квалификация күтәрү турында таныклык алды.
Башкарма комитет һәм Киров урамында яшәүче җирле халык көче белән юл буендагы чүпләрне җыю уздырылды. Әйдәгез, безнең матур авылның чисталыгын саклыйбыз , автомобиль чүп-чарны якшәмбе көнне 12.00 сәгатьтә чыгара. Сезнең тәртипле булуыгызга бик өметләнәбез.
24.10.2015
Печище мәктәбе укучылары “Дөньдагы Иң Зур Дәрестә” катнаштылар.Бу дәрес кысаларында укучылар Вениамина Каганова белән Натальяның видео- мөрәҗәгатен карадылар.Шуннан укучылар Кен Робинсонның “Дөньядагы Иң Зур Дәрестә” мультфильмын караганнан соң, анда күтәрелгән проблемалар турында әңгәмә оештырдылар. Шулай ук укучылар мөмкинлекләре чикләнгән танылган кешеләр белән дә танышып киттеләр.Дәрес ахырында Наталья Водянованың :” Һәрбер балага да мәктәп ишекләре ачык”- дигән сүзләрен хупладылар.
.jpg)
Билгеле булганча, 1 октябрь, 2014 ел Татарстанда проекты старт алган "беренче сыйныф укучысының Мәдәни көндәлеге" оештырылган һәм мәдәният Елы кысаларында Татарстан Республикасында. 21 октябреннән 2015 елның проекты кысаларында, Печищинская китапханәсе үзенең ишекләрен ачты кече класс укучылары өчен Печищинской төп гомуми белем бирү МӘКТӘБЕ, аларның ата-аналары һәм сыйныф җитәкчеләре өчен тантаналы тапшыру "Мәдәни дневника" беренче сыйныф укучысы. Мәдәни көндәлек – бу брошюрасы үз эченә алган базовую турында мәгълүмат өлкәсендә Татарстан Республикасы мәдәният уңайлы мохит өчен дә, балалар кабул итү форма һәм биремнәр өчен мөстәкыйль үтәү, аларны бала, осмысления күргәннәрдән, услышанного, прочитанного. Анда фиксируются булганнан катнашучылар мәдәният учреждениеләре. Чара башланды белән танышу китапханә белән. Китапханә мөдире сөйләде килеп чыгу тарихы турында китаплар, сопровождая хикәя показом фото - слайдлар. Балалар зур кызыксыну белән тыңладылар, күп сораулар биргәннәр. Балалар да әзерләнгән бу чарага, алар иде рассказаны турында шигырьләр китапларда һәм китапханәдә. Тәмамлаганнан соң, әңгәмәләр һәр ученику тантаналы рәвештә тапшырылды, "Мәдәни көндәлеге", шулай мөдире Мәдәният Йорты довела кадәр мәгълүматлар ата-аналар һәм сыйныф җитәкчеләренең кирәклеге турында рәсмиләштерү ноктага дневниках турында булучылар мәдәният учреждениеләре (музейлар, китапханәләр, мәдәният йортлары) өчен баруны к мәдәни мирасына төбәк. Тантаналы өлештән соң балаларны һәм ата-аналар белән сыйладылар чәй белән сладостями.
.jpg)
.jpg)
.jpg)
.jpg)
.jpg)
"МУП директоры Печище" Каляканова Е. Г. дәвам белән эшләргә бурычлылар өчен су белән тәэмин итү. Йөри буенча домохозяйствам һәм раздает белдерү, кайбер бурычлылар каршы ала урамда һәм вручает аларга хәбәр итү.
17.10.2015
16.10.2015
Бүген Печище мәктәбендә 1 нче сыйныф укучыларының халыкара iPIPS күзәтүе үткәрелде. Ул Анохина А.А. җитәкчелегендә уздырылды.
.jpg)
15.10.2015
Бүген 15 нче октябрьдә 2 нче сыйныф укучылары Печище мәдәният йортына һәм китапханәгә бардылар.Полякова Г.В. һәм Нургалиева Ю.Ю. укучыларга “Сәламәтлек һәм мин- иң яхшы дуслар” дигән уен программасын тәкъдим иттеләр. Китапханә мөдире укучыларга сәламәт тормыш алып бару турында презентация күрсәтте, һәм дөрес туклану турында сөйләде. Әңгәмәдән соң укучылар залга күчтеләр һәм төрле хәрәкәтле уеннар уйнадылар. Бу чарадан балалар бик канәгать калдылар.
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
1 нче октябрьдә Печище Мәдәният йортында Өлкәннәр көненә багышланган концерт булып узды. Концертта Печище укучылары һәм укытучылары актив катнашты. Укытучыларның чыгышларын авыл халкы бик яратып карады. Укучылар да кырыйда калмады. 6 нчы сыйныф укучылары татар телендә җырлар башкардылар,аларның җырларын алкышлар күмде. Бер бәйрәм дә Гиниятулова Гүзәл, Алексеева Алёна, Прохорова Дарья. Борисова Зарина, Симачһва Юлиядән башка узмый. Кызлар бу юлы да үзләрен чын артистлар кебек тоттылар. Кызлар биеделәр, җырладылар, шигырьләр сөйләделәр.Үзләренең чыгышлары белән укучылар да, укытучылар да бәйрәмне бизәделәр. Без шундый талантлы укучыларыбыз һәм укытучыларыбыз белән горурланабыз!
.jpg)
.jpg)
02.10.2015
Бүген 1 нче октябрь көнне 6 нчы сыйныф укучылары үзләренең сыйныф җитәкчесе Зиннатуллина Г.Г. белән Демьяненко Илсия Фасаховнаны Өлкәннәр көне һәм булачак бәйрәм – Укытучылар көне белән дә котларга бардылар. Укыткан укытучыларына чәчәк бәйләме һәм кечкенә генә бүләк тә тапшырдылар. Илсия Фасаховна бу мәктәптә 10 елдан артык татар теле һәм әдәбиятын укытты, Уку чылар аның өчен татарча “Эх, тала, тала” җырын башкардылар. Бу укуытучы өчен көтелмәгән шатлык булды. Очрашу түгәрәк өстәл артында дәвам ителде.
Мәктәп укучылары бер Илсия Фасаховнаны гына түгел, башка ветераннарны да тәбрикләделәр,кечкенә генә бүләкләрне Корнева Галина Ивановна һәм Ведякина Татьяна Александровна тапшырдылар. Без аларны истә тотабыз,аларга исәнлек телибез.
.jpg)
29.09.2015
Дүшәмбе көнне Печище мәктәбендә кунакта Югары Осла н районының Пенсия фондының башлыгы Линар Яруллин булды. Очрашуда укытучылар һәм 5-9 нчы сыйныф укучылары катнаштылар. Линар Яруллин СНИЛСның әһәмияте турында сөйләде, һәм укучыларга үзләренең булачак пенсияләре турында да кайгырта башларга кирәклеге турында әйтте, чөнки кайберләре инде җәй айларында эшләп, үзләренең пенсия фондына күчерә алачаклары турында сөйләде. Укучылар пенсиягә кайчан чыгу,пенсияне яңача санау, нәрсә ул “ ак эш хакы” турында бик кызыксынып тыңладылар . Барлык мәгълүматны слайдларда презентация ярдәмендә күрсәтелде. Укучылар килгән кунакка үзләрен кызыксындыручы сорауларны бирделәр, һәм Линар Яруллин аларның сорауларына бик теләп җавап кайтарды. Бу очрашудан балалар бик канәгать калдылар.
.jpg)
28.09.2015
«Яшел Рәсәй -2015” акциясе кысаларында , экология айлыгы һәм парклар, скверлар елы булу сәбәпле, Печище мәктәбе янында укучылар кулы белән эшләнгән аллея барлыкка килде.Көз көне агачларны утырту үсентеләр өчен дә бик уңайлы. Җылы , кояшлы көндә балалар рәхәтләнеп эшләделәр.
Үзебезнең олы рәхмәтебезне “Идел буе урманчылыгының” төбәк урманчысы Фокеев Павел Викторовичка әйтәсебез килә . Администрация һәм укучылар үтенече буенча ул миләш, каштан, спирея үсентеләрен алып килде. Ул үзе дә балаларның дәртләнеп эшләүләренә кызыгып , агачлар утыртырга булышты.
.jpg)
.jpg)
.jpg)
.jpg)
.jpg)
.jpg)
.jpg)
.jpg)
19.09.2015
Шимбә көнне, 19 нчы сентябрьдә, Печищи авылы җирлеге Казан шәһәренең Яңа Савин районында ел саен уздырыла торган авыл хуҗалыгы ярминкәсендә катнашты.
19.09.2015
Печищи авылы җирлеге башлыгы Шамсутдинов А.С. Декабристлар һәм Искра урамнарына обход ясады Обход нәткҗәләре буенча Искра урамында чокыр барлыкка килү ачыкланды.
21.09.2015
Башкарма комитет һәм МУП коче белән, Искра урамында җир эшләре башкару сәбәпле барлыкка килгән чокыр өстәнә грунт белән капланды.
17.09.2015
11 нче сентябрьдә вак таш китерү тәмамланды. Вак ташның бер өлеше урамнар буйлап ташлыды, калчан өлеше алдан әзерләнгән мәйданчыкка өелде.
.jpg)
.jpg)
16.09.2015
Грант акчаларына алынган вак таш белән Печище авылына керә торган юлдагы чакырларны ямау, ә нәкъ менә «Гремячка» күперен һәм Киров урамындагы ХПП га баручы юлны төзекләндерү планлаштырыла (планга кертелде)
15.09.2015
Федераль Дәүләт Стандартлары мәктәп укучыларына бик күп яңалыклар алып килә, укучыларның үзләренә нәтиҗә чыгаруын таләп итә.Проект эшчәнлеге буенча 5 нче сыйныфта тарих дәресе үткәрелде.Балалар кыр шартларында үзләренә азык та таптылар. Дәрестән балалар һәм аларның укытучылары Корнева Н.Г. да бик канәгать калдылар.
.jpg)
Алдан тигезләнгән урамнарга грейдер ярдәмендә вак таш ташу һәм җәю эшләре башланды.
Частично был отсыпан щебень для водозабора «Гремячка», необходимый для покрытия дорожек к накопительным емкостям ( каптаж).
«Гремячка» юлларын каплау өчен кирәкле вак таш инде өлешчә китертелде.
14.09.2015
Вак таш җәю планлаштырылган Кызыл яр, 1 май, Грузинская, Декабристлар урамнарын тигезләү (грейдерлау) тәмамланды.
14.09.2015
Яшьләр - яшьүсмерләр клубы “Көзге игелеклелек атналыгы”нда Печище мәктәбе укучыларын кунакка чакырды. Иң яхшы укчыларыбыз бассейнга бару бәхетенә ирештеләр.Борисова Зарина и Мысик Виктория – алар яхшы укыйлар , шахмат белән шөгыльләнәләр.Облизин Родион һәм Борисов Денис – яңа уку елына әзерләнгәндә булыштылар. Эшчән һәм уңышлы укучыларыбыз мәктәп администрация тарафыннан билгеләп үтелде.
.jpg)
14.09.2015
Балалар куркынычсызлыгы айлыгы рамкаларында уздырыла торган чараларда Печище мәктәбенә дә кунаклар килде. Юл йөрү кагыйдәләре, транспортта үз-үзеңне тоту кагыйдәләре турында балигъ булмаган балалар эшләре буенча инспектор Аида Колезнева сөйләде.Ул шулай ук 71 нче закон турында да искә төшереп үтте. Үзенең чыгышы ахырында “Юл йөрү кагыйдәләре”буенча викторина үткәрде.
Пожар вакытында куркынычсызлык кагыйдәләре һәм теракт акциясе , беренче ярдәм күрсәтү буенча үзләренең күрсәткеч шөгыльләрен МЧС тан килгән Мөхәммәтҗанов Айрат белән Алексеев Евгений күрсәтте. Коткаручылар ролендә мәктәп укучылары да булып карады, аларга саклау костюмнарын да киеп карарга рөхсәт ителде. Балалар бу мәсьәләне җиңел хәл иттеләр, кунаклардан югары бәя алдылар. Чара ахырында балаларга “Куркыныч ситуацияләрдә үз-үзеңне тоту”дигән буклетлар да таратылды.
09.09.2015
Югары Ослан районы Башлыгы Зиатдинов М.Г. Печищи комбинатына эшлекле визит ясында. Комбинат эшчеләре Марат Галимзяновичка үзләренең сорауларын бирү мөмкинлеген кулдан ычкындырмадылар. Аңа урамнарны яктырту, юлларга вак таш җәю турында һәм шәхси сфауларын бирделәр.
Грант акчаларына алынган вак ташны кертү һәм юлларга җәю эше дәвам итә. Красная поляна урамында яшәүчеләр күптән инде урамның машина йөри торган өлешен тәртипкә китерергә хыялланар иде. Аларның хыялы тормышка ашты! Авыл җирлеге Башкарма комитеты контроль астында вак таш, урам халкының үз көче белән җәйгән, ком җәелгән юлга инде вак тыш ңәелде.
07.09.2015
Печищи авыл җирлеге Башлыгы вазифаларын башкаручы Лукоянов А.А. чираттагы ”Эшлекле дүшәмбе” киңәшмәсендә чыгыш ясады. Докладның темасы "Печищи авылын төзекләндерү һәм суүткәргечләрне ремонтлау эшләренең барышы". Докладта түбәндәге сораулар яктыртылды:
1 Авыл халкының самообложение буенча акча җыю мәсьәләсенә мөнәсәбәте.
2 Каты көнкүреш калдыкларын түгү өчен килешүләр төзү эшенең барышы.
3 Грант акчасына авыл эчендәге юлларга вак таш җәю эшләренең үтәлеше.
.jpg)
Шимбә көнне, 5 сентябрьдә Печище авыл җирлеге командасы баскетбол буенча V район Спартакиадасы кысаларында уздырылган ярышларда катнашты. Ярыш Югары Ослан авылында “Чемпион” спорт комплексында узды.
.jpg)
.jpg)
.jpg)
04.09.2015
Мәктәпнең уку-укыту буенча урынбасары Куприянова Анастасия Николаевна сөйләве буенча “бу вәхшилек әле дә булса безнең йөрәкләребезнең яраларын яңарта. Мондый вәхшилекнең беркайчан да кабатлануын теләмибез, без вафат булган балаларның якты истәлекләренә шундый чаралар үткәреп торырбыз ...”- диде.
.jpg)
Грант акчаларына авыл урамнарына вак таш кертү башланды. Бүгенге көндә беренче йөк машиналары китергән вак таш белән Киров урамы өлешчә түшәлде.
.jpg)
.jpg)
Печищи авыл җирлеге Башлыгы вазифаларын башкаручы Лукоянов Андрей Александр Улы Казан кунакларын каршы алды. Безгә килгән кунаклар Илшат Әминов һәм ТНВ телеканалы төшерү төркеме Югары Ослан турында фильм төшерү өчен килгәннәр, анда Печищинский геологик разрез турында да сюжет булачак. Бу очрашуда киләчәктә туристлар маршруты булдыру һәм яр буен төзекләндерү мәсьәләләре дә каралды.
Беренче сентябрьдә, Белем бәйрәме көнне Печищи мәктәбе дә мәктәп укучылары өчен ишекләрен ачты. Бу тантаналы вакыйгада Печищи авыл җирлеге Башкарма комитеты вәкиле Шәмсетдинов А. С. катнашты, ул барлык катнашучыларны уку елы башлану белән котлады.
.jpg)
Белем көне берьюлы берничә күңелсезлек белән башланды. Киров һәм Красная Поляна урамнарында суүткәргеч торбалар тишелгән. МУП хезмәткәрләре ремонт эшләрен гамәлгә ашыру өчен, авылны су белән тәэмин итүне өзәргә мәҗбүр булдылар. Бүгенге көндә өч авариянең икесе ясалды. Хөрмәтле Печищи авылы халкы, хәзерге вакытта ремонтлау буенча эшләр самообложение буенча акча җыю җитәрлек булмау сәбәпле, кыенлаша. Үтенечебез бар, кем әле тапшырмаган, референдумда билгеләнгән сумманы мөмкин кадәр тизрәк тапшырсагыз иде!
.jpg)
30.07.2015
Кадерле театр сөюче дусларыбыз!!!
Август аенда,су спорт төрләре буенча ФИНА дөнья чемпионаты һәм Шәһәребез көне уңаеннан куелачак спектакльләребезгә рәхим итегез!!!
Билетларны броньга кую һәм заказ бирү өчен телефон: 8(917)939 81 15.
Хөрмәт белән, Алсу Фазылҗанова Г. Камал исемендәге Татар дәүләт академия театрының Корпоратив клиентлар буенча менеджеры.
9 июльдә 2015 елның Башкарма комитеты секретаре Печищинского авыл җирлеге катнашты эш киңәшмәсендә видеоконференция режимында эшчәнлеге мәсьәләләре буенча вәкаләтле органнарның граждан хәле актларын дәүләт теркәвенә оештырган Республикасы Министрлар кабинеты ГХАТ Идарәсе Татарстан.
.jpg)
09.07.2015
Хөрмәтле Любовь әфәнде! …ханым! Сезне бүгенге матур бәйрәм – туган көнегез белән чын күңелдән тәбрикләргә рөхсәт итегез! Киләчәк тормышыгызда меңнәрчә бәхет-шатлыклар, корычтай саләматлек, эшегездә күптән-күп уңышлар телим (телибез). Бүгенгедәй сау, яшь, матур булып яшәгез! Сезне җәваплы эшегездә зур уңышлар көтсен, сез – зур хөрмәткә лаеклы.
27.04.2015
Бүген, 27 нче апрельдә Габдулла Тукайның 129 еллык туган көненә багышланган атналык ябылды. Печище мәктәбенең укучылары балалар бакчасына кунакка бардылар.. Укучылар шагыйрьнең тормыш юлы һәм иҗаты турында сөйләделәр. Балалар Тукай әсәрләренең геройлары булып киенеп, төрле сәхнә әсәрләрен күрсәттеләр, кечкенә балалар белән кызыклы уеннар уйнатылды.Шулай ук укучылар татарча, русча җырлар җырладылар, биеделәр. Чараның ахырында бакча балаларына-баллы күчтәнәчләр, ә укучыларга-ручкалар һәм карандашлар бүләк ителде. Бик зур рәхмәт әйтәсе килә бәйрәмне оештыручы-Зиннатуллина Гүзәлгә, костюмнар тәкьдим итүче-клуб мөдире Галина Поляковага, укучыларга шигырь табарга булышканы өчен китапханәче Юлия Нургалиевага.
.jpg)
.jpg)
23.04.2015
.jpg)
.jpg)
18.04.2015
18 нче апрельдә Печище китапханәсендә Халыкара һәйкәлләр көненә багышланган “Тарих ташта һәм гранитта” дигән темага виртуаль экскурсия булды. Очрашуның кунаклары булып Печище мәктәбенең укучылары килде.. Чараның оештыручылары Галина Полякова һәм Юлия Нургалиева укучыларга һәйкәлләрнең - скульптура һәм архитектура төзелешләре икәнлеген, аларны танылган шәхесләр, вакыйгаларны мәңгеләштерү өчен куелганнарын аңлатты.
Укучылар виртуль рәвештә Татарстанның тарихи урыннары белән таныштылар, чөнки Татарстан экономик яктан да, промышленность яктан да үскән,меңьеллык тарихы булган республика.
Безнең республика үзенең тарихи мирасын күтәрүдә актив катнаша.Казанның тарихи һәйкәлләрен һәм мәдәниятын үстерү эше дәвам ителә. Шулай ук Свияжск утравы белән борыгны Болгарның тарихы яңартыла. Әңгәмәдән соң укучыларга Печище авылының тарихи һәйкәлләрен барып карарга тәкъдим ителде.
Һәйкәлләрне мәңгелек дип без генә уйлыйбыз. Әйе, гранит, таш һәм корыч озакка җитә торган материаллар, ләкин һәйкәлләр дә искерәләр икән. Аларны вакыт кына түгел, ә кешеләр дә җимерәләр. Һәйкәлләрнең гомере бездән дә тора. Безнең хәтеребездә әти - бабаларыбызның батырлыгы күпме саклана алса, шул кадәрлегә һәйкәлләрнең дә гомере озынаячак.
.jpg)
.jpg)
07.04.2015
Бөтендөнья сәламәтлек көне рамкасында 7 нче апрельдә Печище китапханәсендә “Үз сәламәтлегеңне үзең кайгырт!” темасына тематик сәгать уздырылды. Чараның девизы булып, түбәндәге сүзләр булды:” Сәламәтлек болай гына бирелми, аның өчен көрәшергә кирәк”. Өлкәннәр дә аңларга тиешләр, сәламәтлекне кечкенәдән сакларга кирәк. Аның өчен сәламәт яшәү рәвеше алып барырга кирәк. Әңгәмәдә зарарлы гадәтләр турында да сүз алып барылды, язучыларыбызның әсәрләреннән өзекләр укылды. Балалар бик теләп викторинада һәм спорт эстафетасында катнаштылар. Шулай ук бик кызыклы “Витаминлы” дип аталган уенда яшелчә - җимешләрнең файдасы турында да белделәр.Менә шундый кызыклы формада, сәламәт яшәү рәвешенә ирешү юлларын таптылар.
.jpg)
Соңгы яңарту: 2021 елның 10 феврале, 11:45