Яналыклар 2015

19.12.2015
“Яңа ел алдыннан”
Мәйдан мәдәният йортында Яңа елга әзерлек эшләре бара. Яңа бина ишегалдын бәйрәмгә бизәү эшләре алып барыла. Ишегалдын кардан ясалган Кыш бабай һәм Кар кызы бизи, ә бина тәрәзәләрен кар бөртекләре матурлый.Өйне генә бәйрәмчә киендерү түгел, эш урынын да бизәргә кирәк, чөнки без күп вакытыбызны эштә үткәрәбез.
 

19.12.2015
Татар халкының танылган артисты, шагыйрәсе Роза Кожевниковага 19 нчы декабрь көнне 65 яшь тула. Аның зурлар һәм балалар өчен берничә шигырь җыентыклары бар. Балалар өчен язылган китабы улы Дениска багышланган.
Шушы уңайдан, Мәйдан авылы китапханәсендә,башлангыч сыйныф укучылары белән,  “Миләш тәлгәше” дип аталган әдәби кичә булып узды. Бу кичәдә балалар шагыйрәнең туган як турындагы шигырьләрен тыңладылар.
Роза Кожевникова тәрҗемә эше белән күбрәк шөгыльләнә. Ул күп шагыйрьләрнең әсәрләрен рус теленә тәрҗемә иткән. Кичә ахырында укучылар “Гөлчәчәк” әкиятен карап үттеләр.

09.12.2015
9 нчы декабрь- Ватаныбыз Геройлары көне. Безнең илебездә бу көн ел саен билгеләп үтелә.
Мәйдан мәдәният йорты быел да ,укучылар белән ,геройларыбызны искә алдылар, Россиянең югары бүләгенә ия булучылар белән таныштырдылар, һәм Әфган җирендә хәрби хезмәтен үтәгәндә һәлак булган якташыбыз Анатолий Владимировны бер минутлык тынлык белән искә алдылар. Ул күрсәткән батырлыклары өчен, үлгәннән соң, Кызыл Байрак ордены  белән бүләкләнде. Без үзебезнең геройларыбызны белергә тиеш!

08.12.2015
«Россия почтасы” хезмәткәрләре белән киңәшмә үткәрелде.Киңәшмәдә вакытлы матбугатка язылу мәсьәләсе каралды.Планны ничек үтәү юллары каралды.

08.12.2015
Сигнализация  закон нормаларын исәпкә алып урнаштырыла. Башта проекты төзелә, аннары җайланма сайланыла. Шуңа күрә, офиска сигнализация куяр өчен, без ООО “ЧОО “Оружейный дом +» компаниясенә мөрәҗәгать иттек.

08.12.2015
Мәйдан авыл җирлеге администрациясе башлыгы Виктор Михеев террорга каршы тору буенча киңәшмә үткәрде. Анда барлык оешмалар да катнашты.

06.12.2015
Шашка – халык уены.
6 нчы декабрь көнне Мәйдан мәдәният йортында шашка буенча тур үткәрелде. Турнирда авыл яшьләре һәм мәктәп укучылары катнашты. Барысы 7 тур үткәрелде, икенче турдан алар бер-берсе белән ярыштылар.  Җанатарлар уенны игътибар белән күзәттеләр.

03.12.2015
ДЕНЬ САЙДАШЕВА
Бүген, 3 нче декабрь көнне, Мәйдан авылы балалар бакчасында, татар теле укытучысы Лилия Низамиева һәм тәрбияче Светлана Ширяева балалар белән татар халкының бөек  композиторы Сәлих Сәйдәшевның туган көненә багышланганган дәрес үткәрделәр. Балалар зур кызыксыну белән аның балачагы турындагы истәлекләрне , аның музыкасын тыңладылар.

01.12.2015
“Иртәгә соң булмасын өчен, бүгеннән уйларга кирәк!”
Беренче декабрь көнне Мәйдан мәдәният йортында “Бөтендөнья СПИДка каршы көрәш көне”нә багышланган тематик кичә булып узды. Кичәгә мәгълүмати- тематик күргәзмә оештырылды, шулай ук, презентаия күрсәтелде. Укучылар бик актив катнаштылар, анкета сорауларына җавап бирделәр. Соңыннан күңелле ял иттеләр.

29.11.2015
29 нчы ноябрь көнне Мәйдан мәдәният йортында Әниләр көненә багышланган бәйрәм тантанасы булып узды. Концерт программасын Вера Анохина һәм Наталья Яманова алып бардылар. Мәйдан авыл җирлеге башлыгы Виктор Михеев әниләрне чын күңелдән олуг бәйрәмнәре белән котлады. Сәхнәдә кечкенәләр дә, олылар да чыгыш ясады. Концерттан соң әниләрне тәмле ризыклар белән чәй эчерделәр.

28.11.2015
Мәйдан төп гомуми белем бирү мәктәбе ашханәсенә ата-аналар комитеты еш килеп тора.Алар әзерләнгән ашларның сыйфатын тикшерәләр. Чөнки ата-аналар җыелышында бу эш планга кертелде.Ашханә пешекчесе Карлова Татьяна комитет рәисе Никитина Галинадан гел мактау сүзләре генә ишетә.Балалар өчен әзерләнгән ашлар барлык нормаларга туры килә. Пешекчеләр өчен иң зур мактау сүзе – балалардан җылы сүз, рәхмәт ишетү.

28.11.2015
28 нче ноябрь көнне ,Мәйдан мәдәният йортында ,Әниләр көненә куелачак концертның генераль  репетициясе булды.

28.11.2015
Налог җыю буенча эш алып барыла. Вакытында түләмәүчеләргә телдән һәм язма формада  шелтә җиткерелде.

28.11.2015
Кар күп булу сәбәпле, Мәйдан авыл җирлегендә урамнарны кардан чистарту эшләре алып барылды.

28.11.2015
Мәйдан авыл җирлеге башлыгы Михеев В.В. авыл халкын хәзер яңа бинада кабул итә.

25.11.2015
16 нчы ноябрь көнне, Мәйдан балалар бакчасында, тәрбяче С.Ширяева толерантлык атналыгы уңаеннан, балалар белән төрле дәрес-уеннар үткәрде. Тәрбияче балаларны “толерантлык” сүзе белән таныштырды. Кечкенә төркем балалары белән мультфильм карадылар, ә зурлар төркеме белән “Кечкенәләргә булышыйк!” акциясе үткәрелде. Акциянең максаты- балаларда бер-берсенә хөрмәт тәрбияләү. Атналык “Бер-беребезне хөрмәт итеп яшик! девизы белән тәмамланды.

20.11.2015
Мәйдан авыл җирлегендә,федераль юлдан Мәйдан авылына кадәр, асфальт юллар чистартылды.

20.11.2015
Мәйдан авыл җирлегенең Мәйдан авылында җәмәгать урыннарында тикшерү үткәрелде. Тикшерү вакытында бернинди тәртип бозулар да табылмады.

20.11.2015
Мәйдан авылыннан Теньки Урманчылыгына кадәр кышка юлларны әзерләү эшләре үткәрелде.

   

 

16.11.2015
16 нчы ноябрь көнне Мәйдан мәдәният йортында “Толерантлылык нәрсә ул? дигән темага чара уздырылды. Башта шушы сүзгә билгеләмә бирелде, аннары  һәр кеше үзе аңлаганча  нәтиҗә чыгарды. Толерантлылык – иң беренче чиратта, хөрмәт. Төрле халыкларның мәдәниятына , гореф-гадәтләренә, диненә хөрмәт белән карау.

14.11.2015
Һава шартлары үзгәрү сәбәпле, зират ягына алып баручы юлда юл эшләре туктатылды. Авыл җирлеге җитәкчесе бу эшне язгы чорга күчерергә карар итте.

14.11.2015
Мәйданда яңа авыл җирлеге идарәсенә өлешчә җиһаз алынды.

14.11.2015
Мәйдан авыл җирлеге идарәсе хезмәткәрләре, социаль хезмәткәр белән берлектә, 2 нче группа инвалид, пенсионер Г.С.Захарованың хәлен белергә бардылар.

14.11.2015
Мәйдан  авыл  җирлегендә  өченче  элемтә  челтәре  урнаштырылды.

14.11.2015
Югары Ослан муниципаль районы  хезмәткәрләре, Мәйдан авыл җирлеге идарәсе хезмәткәрләре өчен , “Документлар белән дөрес эшләү” темасына өйрәтү лекциясе үткәрделәр.

04.11.2015
4 нче ноябрь  көнне Мәйдан мәдәният йорты яшьләр өчен мәг ълүмат сәгате үткәрде. 2005 нче елда  В.В.Путин ,4 нче ноябрь көнен, Халыклар бердәмлеге көне итеп игълан итте.   Бу көн ,шулай ук,Россиядә  дини бәйрәм көне дип йөртелә, чөнки бу көнне барлык чиркәүләрдә аллахны зурлап укулар уза. Мәдәният йорты мөдире Вера Анохина, яшләр белән, Мәйдан чиркәвенә экскурсия оештырды. 

30.10.2015
30 нчы октябрь көнне Мәйдан Мәдәният йортында Кама Тамагы районы Осенник авылыннан  килгән“Сударушка” ансамбле концерты булып узды. Концерт өч өлештән торды. Өченче өлеш Җиңүнең 70-еллыгына багышланган иде. Программада чыгышлар бик күп булды, тамашачыларга бик ошады. Бу концерт Мәйдан авылы халкы өчен бер бәйрәм булды. Соңыннан мәдәният йорты мөдире В.Анохина,авыл халкы исеменнән, артистларга зур рәхмәтен белдерде.
 
29.10.2015
Яхшы кәеф белән...
29 нчы октябрь көнне ,Мәйдан мәдәният йортында мәктәп укучылары өчен, шул исемдә күңел ачу программасы булды. Программа барышында укучылар ,алып баручылар белән берлектә,яхшы кәеф барлыгын, юклыгын ачыкладылар.  Алып баручылар моның өчен төрле конкурслар үткәрделәр, табышмаклар әйттеләр. Укучылар караокега кушылып җырладылар, мультфильм карадылар. Соңыннан укучыларга яхшы кәеф теләп озатып калдылар.
 
30.07.2015
Мәйдан авылында клуб төзелеп бетте
Мәйдан авылында республика программасы кысаларында төзелә торган авыл клубы инде ахырына якынлаша. Андагы эчке эшләр инде тәмамланган: стеналар буялган, кафель белән тышланган, идәннәргә плиткалар җәелгән... Хәтта тәрәзәләргә челтәрләр дә эленгән.    
Хәзерге вакытта клуб яны территориясен матурлату, тигезләү эшләре бара.
Сәхнәдә урындыклар һәм  эленгән ширма да тамашачыларны һәм үзешчән сәнгать осталарын көтә. Уйлыйсы килә: тиздән бу бина чын тормыш белән яши башлар.