Яналыклар 2015

26.12.2015
Яңа ел маскарады.
26 нчы декабрь көнне Олы Мәми урта мәктәбендә 7-11 нче сыйныф укучылары өчен “Маймыллар планетасы” исемле Яңа ел тамашасы узды. Әлеге тамашада укучылар үзләре катнаштылар. Кунаклар алдында Додон патшаның уллары турында тамаша булды. Эпизодлар арасында кунаклар белән конкурслар уздырылды, яҗа ел җырлары башкарылды. Якынлашып килүче бәйрәм белән барысын да Кыш бабай белән Кар кызы котлады.  Соңыннан мәктәп лотереясе уздырылды.

26.12.2015
Яңа ел чыршысы.
26 нчы декабрь көнне Олы Мәми урта мәктәбендә 1-6 нчы сйныф укучылары һәм мәктәпалды төркеме укучылары өчен “Яңа ел әкияте” дигән бәйрәм узды. Балалар янына кунакка төрле әкият персонажлары килде. Рольләрне ата-аналар башкарды. Кыш бабай белән Кар кызы төрле уеннар уздырдлар, бүләкләр тараттылар. Әкият геройлары белән балалар Яңа ел җырлары җырладылар, күңелле биюләр биеделәр. Кыш бабай белән Кар кызы балаларга нык сәламәтлек, укуда зур уңышлар теләделәр.

23.12.2015
Яхшылык дәресе.
Олы Мәми урта мәктәбендә 5-7 нче сыйныф укучылары арасында “Яхшылык дәресе” узды. Дәреснең төп максаты: гарип кешеләргә карата балаларның карашларын яхшырту, аларның башка кешеләр кебек үк булуларын күрсәтү. “Яхшылык дәресе” мәктәптә тәрбия эшенең бер өлешен тәшкил итә. Әлеге дәресләр мәктәптә ел саен уздырыла. Балалар мәгълүматны уңай кабул итәләр, әңгәмәләрдә актив катнашалар.

22.12.2015
Кар патшалыгы.
16 нчы декабрьдан 21 нче декбрьга кадәр Олы Мәми урта мәктәбендә “Кар скульптурасы - 2015” мәктәп конкурсы узды. Ярыш шарты буенча, фигуралар буялмаган кардан гына ясалырга тиеш иде. Мәктәп ишегалдында кардан ясалган төрле фигуралар барлыкка килде: чыршы, Кар бабайлар, бүләкләр белән капчыгын күтәргән Кыш бабай. Ярышның нәтиҗәсе Яңа ел бәйрәмендә ясалачак. Җиңүчеләр Яңа ел символлы сувенерлар белән бүләкләнәчәк.

17.12.2015
Вакансияләр ярминкәсе.
17 нче декабрь көнне Олы Мәми урта мәктәбенең 9 һәм 11 нче сыйныф укучылары район Мәдәният йортында Югары һәм урта уку йортлары белән очрашуда катнаштылар.
Очрашу барышында төрле консультацияләр үткәрелде, уку йортлары вәкилләре белән ата-аналарның, чыгарылыш сыйныф укучыларының  шәхси әңгәмәләре булды. Һөнәр сайлау буенча, “Эффектон”  комлекслы программасында тестлар, анкеталаштыру  уздырылды.
Очрашу программасы ата-аналар, укучылар өчен бай эчтәлекле һәм файдалы булды.

16.12.2015
Яңа ел бәйрәменә әзерләнү.
Олы Мәми урта мәктәбендә  Яңа ел бәйрәменеә әзерлек эшләре актив рәвештә алып барыла. Укучылар мәктәп коридорын һәм сыйныф бүлмәләрен бизәделәр, әдәби номерларын өйрәнәләр. Яңа ел чыршычын түземсезлек белән мәктәпалды төркеме балалары да көтәләр. Узләренең дәресләрендә алар Яңа ел җырлары һәм шигырьләре өйрәнәләр, бүлмәләрен бик теләп бизиләр, төрле уенчыклар ясыйлар. Бүген укыучылары Марина Егорова “Кыш бабайга открытка” дигән темага дәрес үткәрде. Соңыннан открыткалар күргәзмәсе оештырылды. Балалар, шатланышып, эшләрен  әти-әниләренә күрсәттеләр. Алар, түземсезлек белән,  Яңа ел бәйрәмнәрен көтәләр.

16.12.2015
Сыйныф сәгате “Ирексезләүсез дөнья”.
15нче декабрь көнне Олы Мәми урта мәктәбендә 5-11нче сыйныф укучылары өчен “Ирексезләүсез дөнья” темасына сыйныф сәгате узды. Укучылар “Ирексезләү һәм рәхимсез мөгамәлә турында нәрсә белергә кирәк?” дигән темага презентация карадылар.  Аннан соң балалар беркемнең дә сине җәберләргә, кимсетергә, куркытырга хакы юк, шул ук вакытта үзеңнең дә беркемне   җәберләргә, кимсетергә, куркытырга хакың  юк дигән нәтиҗәгә килделәр. соңыннан укучылар өч төркемгә бүленделәр һәм аларга  “Мәктәбебездә бәрелешләр, бәхәсләр азрак, ә дуслык һәм хөрмәтлелек күбрәк булсын өчен нәрсәләр эшли алабыз?” дигән темага рәсем ясарга киңәш ителде. Һәр бала да рәсем ясауда актив катнашты. Дәрес ахарында һәр төркем үзенең эшен яклап чыкты.

 10.12.2015
СПИДка каршы көрәшү көне.
Олы Мәми урта мәктәбендә 7-11нче сыйныф укучылары өчен  СПИДка каршы көрәшү көненә багышланган чара узды. Катнашучылар әлеге авыруның  таралу ысуллары турында, әлеге авырудан үлгән бөек шәхесләр исемлеге белән таныштылар.  Соңыннан балалар “Кызыл тасма” акциясендә катнаштылар.

09.12.2015
Коррупциягә – юк!
9 нчы декабрь көнне Олы Мәми урта мәктәбендә коррупциягә каршы көрәшкә багышланган чара узды. Коррупция күренешләре белән танышу, аның килеп чыгу очраклары белән танышу, актив тормыш позициясен формалаштыру әлеге чараның максаты иде. Укучылар Россиядә кррупциягә каршы көрәшүнең  тарихы белән таныштылар, аның килеп чыгу төрләрен һәм формаларын карадылар. Укучылар өчен төрле биремнәр дә әзерләнгән иде. Һәр укучы коррупциянең тискәре якларын карады, үзләре көрәш юлларын тәкъдим иттеләр.
Чараның нәтиҗәсе булып “Үзеңнән башла!” дигән  лозунг булды.

09.12.2015
Ватанның Батырлары көне.
Ел саен 9нчы декабрь көнне Рәссәйдә Ватан Батырлары көне билгеләп үтелә.  Бу көнне Олы Мәми  урта мәктәбенең укучылары өчен  Ватан  Батырлары көненә багышланган сыйныф сәгатьләре узды.  Батырлар, батырлык  турында сөйләштеләр. Укучыларга безнең көннәрдә батырлык күрсәткән Юрий Малышев турында чыгыш ошады.

03.12.2015
Шат йөрәкләр уты.
Ел саен 3 нче декабрь көнне бөтен илдә Инвалидлар көне уздырыла. Бу көнне инвалидларга багышланган төрле чаралар уздырыла. Олы Ммәми урта мәктәбенең мәктәпалды төркеме балалары белән “Шат йөрәкләр уты” дигән темага уен уздырылды. Уен барышында балалар “Игелек йөрәге” иленә сәяхәткә бардылар. Анда алар “игелек” сүзенең мәгънәсе белән таныштылар. Чара ахырында “игелек йөрәкчекләре”н  буяулар белән буядылар һәм бер-берсенә бүләк иттеләр.

03.12.2015
Сәйдәш көне.
3нче декабрь көнне Олы Мәми урта мәктәбендә бөек татар композиторы Салих Сәйдәшевның 115-еллыгына багышланган чаралар узды. Гомуммәктәп линейкасында музыка укытучысы Татьяна Недоваркова әдипнең иҗаты белән таныштырды. Татар теле һәм әдәбияты укытучысы Гөлшат Васильева Сәйдәшнең тормаша белән таныштырып , презентация күрсәтте, аның Казанданы музеенда виртуаль сәяхәттә булдылар. Укучылар Салих Сәйдәшев көләренә язылгн җырлар тыңладылар, ә 6 нчы сыйныф укучылары өстәмә белем бирү буенча укытучы Галина Федорова җитәкчелегендә «Яшь туристлар җыры»н башкардылар. Көн ахырында  «Сәйдәш безнең күңелләрдә» дигән әдәби-музыкалҗ кичә узды. анда төрле спектальләрдән увертюралар, композиторга багышлап язылган шигырьләр яңгырады, татар халык биюләре башкарылды.

30.11.2015
Балалар куркынычсызлыгы.
30 нчы ноябрь көнне Олы Мәми урта мәктәбендә “Балалар куркынычсызлыгы” дигән темага гомуммәктәп ата-аналар җыелышы узды. Җыелышка Югары Ослан районының балигъ булмаган балалар эше теркеменең  өлкән инспекторы Колезнёва А.Р. һәм  полиөиянең участок вәкиле Габдурахманов Л.В.  чакырылган иде. Алар бик мөһим мәгълүматлар белән таныштырдылар. Соңыннан  тәрбия эше буенча мәктәп директорының урынбасары Фёдорова Т.А. презентация белән чыгыш ясады. Ул балаларның юлда йөрү куркынычсызлыгы турында сөйләде.

30.11.2015
Әниләр көненә багышланган концерт.
30 нчы ноябрь көнне Олы Мәми урта мәктәбендә Әниләр көненә багышланган бәйрәм концерты булды. Уен-ярыш программасында әниләр дә катнашты. Алып баручылар төрле сораулар бирделәр, ә әниләр бик теләп җавап кайтардылар. Конкурслар арасында шигырьләр, җырлар яңгырады. Әлеге чара бик күңелле узды. Балалар бик бәхетле иде, чөнки аларның әниләре тапкыр һәм көр күңеллеләр.
  

30.11.2015
Сүзлек атналагы
23 нче ноябрьдән 27 нче ноябрьга кадәр Олы Мәми урта мәктәбендә Сүзлек атналыгы узды. 1-11нче сыйныф укучылары өчен сыйныф җитәкчеләре “Сүзлек көне” дигән темага сыйныф сәгатьләре уздырдылар. Мәктәп китапханәчесе Татьяна Федорова “Сүзлекләр дөньясында” дигән темага күргәзмә оештырды.
Рус теле һәм әдәбияты укытучылары “Бөтенрәсәй сүзлек дәресе”  уздырдылар. Укучылар Владимир Дальның тормышы һәм иҗаты белән таныштылар.  Укучылар өчен кызыклы конкурслар һәм лингвистик уеннар әзерләнгән иде.
Мондый чаралар балаларның сүзлек байлыгын үстерәләр, сүзлекләр һәм китаплар белән эшләргә өйрәтәләр, туган телгә мәхәббәт тәрбияли, бөек рус теле өчен горурлык хисе тәрбияли.

25.11.2015
Татарстан Республикасы Югары Ослан муниципаль районы муниципаль бюджет гомуми белем бирү учреждениесе “Олы Мәми урта гомуми белем  бирү мәктәбе”ендә 25нче ноябрьдә 9нчы сыйныф укучылары рус теленнән имтихан бирделәр,ә 11нче сыйныф укучылары  инша язды.Бу сынаулар имтиханга әзерлек буларак кына үтсә дә,укучылар нык дулкынланып,алда торган имтиханнарга җитди карашта булуларын исбатладылар.Киләчәктә мәктәбебез укучыларына уңышлар телибез!

14.11.2015
БДИ һәм ТДИнарына әзерләнү.
Олы Мәми урта гомуми белем бирү мәктәбендә БДИ һәм ТДИнарын тапшыру буенча әзерлек эшләре алып барыла. Укытучылар әзерлек эшләре буенча план төзеделәр һәм шул планга нигезләнеп эш алып баралар. Әзерлек эшләре дәресләрдән соң һәм өстәмә индивидуаль дәресләрдә уздырыла. Атна саен пәнҗешәмбе көнне 17 сәгатьтән 19 сәгатькә кадәр рус теле – математика, биология – физика,  җәмгыять белеме – география фәннәреннән консультация  була.  Укучыларга urokidoma.org сайтында өстәмә биремнәр карарга тәкъдим ителде.

05.11.2015
ТРның Милли музеена экскурсия.
5 нче ноябрь көнне Олы Мәми урта гомуми белем бирү мәктәбенең
5-11нче сыйныф укучылары ТРның Милли музеена экскурсиягә бардылар. Экскурсия бер сәгать егерме минут дәвамында булды. Музейда тупланган экспонатлар һәм аларның тарихы, музейның төп бүлекләре, XVIII гасырга кадәр булган аерым экспонатлар белән таныштылар.
Музейда булган вакыт эчендә балалар Туган илнең тарихына “чумдылар”. Моңа тәҗрибәле экскурсияче ярдәм итте. Малайларны рыцарьларның хәрби киемнәр аеруча кызыксындырды, ә кызларның  игътибарын татар халкының гүзәл кызлары бизәкләре җәлеп итте. Экскурсия  бик кызыклы һәм әһәмиятле булды. Музей хезмәткәрләренә бик зур рәхмәт!
 

29.10.2015
Олы Мәми урта гомуми белем бирү мәктәбендә су объектларында куркынычсызлык ае кысаларында “Бозлык чоры”,”Кышын су өстендә куркынычсызлык”, “Сулыклар өстендә куркынычсызлык” дигән темаларга сыйныф сәгатьләре уздырылды.
Әлеге дәреснең максаты - сулыклар өстендә куркыныч булуын формалаштыру. Куркыныч ситуацияләрдә хәрәкәтләрне планлаштыру һәм куркынычлыкның дәрәҗәсен билгели алу күнекмләрен формалаштыру әлеге дәреснең нәтиҗәсе иде.
 
29.10.2015
Интернет челтәрендә бердәм иминлек дәресе.
29нчы октябрь көнне Олы Мәми урта гомуми белем бирү мәктәбендә 6-11нче сыйныфлар өчен Интернет челтәрендә бердәм иминлек дәресе узды.
Дәрес барышында һәр укучы кагыйдәләр белән листовкалар тутырдылар. Алар аны мөһим һәм зарур дип санадылар. Тикшергәннән соң, укучылар үзләренең листовкаларын укыдылар, калганнары кагыйдәләр өстәделәр.
Дәрес ахырында төркемнәрдә “Нигерий хатлары” дигән эш уздырылды.
Һәр төркемнән эш нәтиҗәсен бер укучы укыды, калганнары сораулар бирә һәм үз фикерләрен әйтә алдылар.
 

21.10.2015
Бердәм мәдәният дәресе.
21нче октябрь көнне Олы Мәми урта гомуми белем бирү мәктәбенең 1-4нче сыйныф укучылары Олы Мәми авылы китапханәсендә булдылар. Китапханәдә Бердәм мәдәният дәресе узды. Әлеге чара кысаларында Скарлухина Г.Я. укучыларга укучының Мәдәният көндәлеген тапшырды һәм Татарстан Республикасының, Казан шәһәренең тарихи урыннары турында сөйләде. Мәдәният көндәлеге китапчык формасында, үз эченә татарстан Республикасы мәдәниятының төп мәгълүматы кергән. Ул балалар өчен бик җиңел кабул ителә. Андагы бирмнәрне бала өйдә үзлектән генә үтәргә тиеш. Көндәлектә республиканың мәдәни урыннарында булуларын теркәргә тиешләр.  Шулай ук проект кысаларында башлангыч сыйныф укучылары һәм аларның әти-әниләре арасында да ике атау буенча бәйге узачак: “Иң яхшы мәдәниятлы көндәлек”, “Иң мәдәни әти-әни”.
 
19.10.2015
Көзге бал.
19нчы октябрь көнне Олы Мәми урта гомуми белем бирү мәктәбендә традицион “Көзге бал” узды. Анда 7-11нче сыйныф укучылары катнашты. Һәр сыйныф ике номер әзерләргә тиеш иде: көзге бәйләм һәм бер ашамлык. Һәр сыйныф та әлеге биремнәрне яхшы әзерләгәннәр иде. Көзге балны 9нчы сыйныф укучылары Ирина Романихина һәм Сергей Вальков алып барды. Катнашучыларга төрле ярышларда катнашырга кирәк иде. Нәтиҗәне жюри ясады. Барлык ярышларда соң I урынга 10-11нче сыйныф укучылары, II урынга – 7-8нче сыйныф укучылары,  IIIнче урынга – 9нчы сыйныф укучылары чыкты.Конкурслардан соң дикотека булды.
 
17.10.2015

Республика ярминкәсе “Көз – 2015”.

Узган шимбә көнне “Көз – 2015” Республика ярминкәсе узды. Олы Мәми урта гомуми белем бирү мәктәбе коллективы әлеге чарада актив катнашты. Мәктәп бакчасыннан төрле яшелчәләр сауга куелды. Шулай ук сөт ризыклары, дару үләннәре: бөтнек, мәтрүшкә, юкә чәчәге, сары мәтрүшә. Бигрәк тә мәктәп янында усә торган сырганакнв бик теләп алдылар.

 

 

15.10.2015

15нче октябрь көнне Олы Мәми урта мәктәбендә Балалар бакчасы нәниләре һзм 1-6нчы сыныф укучылары белән берлектә "Алты“ көз” дип исемләнгән бәйрәм булып узды. Кичәдә укучылар Көзсылуны каршы алдылар, ул ештырган төрле бәйгеләрдә  актив катнаштылар, сорауларга, табышмакларга җавап эзләделәр. Көзсылунын ярдәмчесе шаян җилкәй көзге бию оештырып күңелләрне күтәрде. Аңа рәхмәт йөзеннән балалар үзләре белгән шигырьләрне сөйләделәр, җырладылар. Куян белән аю да чакырылган иде көз бәйрәменә,алар үзләре белән кызыклы уеннар алып килгәннәр. Кичә бик җанлы һәм күңелле үтте, барлык катнашучыларга,җиңүчеләргә истәлекле бүләкләр тапшырылды. Соңыннан исә чәй өстәле артында бәйрәмнең йомгаклау өлеше узды.  

 

 

14.10.2015

“Дөньяда Иң Зур Дәрес”.

14нче октябрь көнне Олы Мәми урта гомуми белем бирү мәктәбендә “Дөньяда Иң Зур Дәрес” дип аталган бердәм сыйныф сәгате узды. 

Әлеге чараны Недоваркова Т.С. үткәрде. Ул дәрестә төрле чаралардан кулланды. Укучылар Даун синдромлы, аутизм, ДЦП  авырулары булган балаларның тарихы белән таныштылар, аларны шулай итеп кабул итүнең мөһимлеге турында сөйләштеләр.мондый дәресләр төрле яшьтәге төркемнәрдә ихтирам тәрбияләүдә ярдәм итә.