Касса чегы югалган очракта товарны ничек кире кайтарырга?

Чегы булмаган товарны алыштыру яки кире кайтару мөмкинме? ТР Дәүләт алкоголь инспекциясенең Зеленодол территориаль органы белгече " кулланучылар хокукларын яклау» Законын аңлата.

Кибеттә әйберләр сатып алганда, без аларны кире кайтарырга туры киләчәк дип сирәк уйланабыз. Өйдә үк сатып алучы яки аның гаилә әгъзаларының күңеленә хуш килмәгән товарның булуы ачыклана. Әгәр дә ул куелган таләпләргә туры килми икән, тагын да начаррак.  Чегы булмаган товарны ничек кире кайтарырга дигән сорау килеп баса. РФ законнары нигезендә «Кулланучылар хокукларын яклау турында» Законның 25 статьясы нигезендә сатып алынган товарны ике атна эчендә алыштыру яки кире кайтару рөхсәт ителә. Әмма монда товар төренең сакланышы, этикеткалар, квитанцияләр яки касса чегы булу төп һәм аерылгысыз шарт булып тора.

Сатучы адресына претензияне 2 нөсхәдә язарга кирәк.

- Сез сатып алган әйберне кире кайтарырга карар иткән сәбәпне күрсәтеп хәлне бәян итәргә. Исегездә тотыгыз, тиешле күләм, фасон, габариты, төс һәм фактура баш тартуга нигез була ала.

Кибет администрациясе мөрәҗәгать кабул итүдән баш тартса, аны почта аша җибәрергә киңәш итәбез.