Безнең ишегалларны төзекләндерәчәкбез
Югары Осланлылар үз ишегалларын төзекләндерү мәсьәләсенә кушылды. Исегезгә төшерәбез, 2020 елдан башлап Татарстанда «Безнең ишегалды» масштаблы программасы гамәлгә ашырылачак, аның барышында 9 меңнән артык күпфатирлы йортларның ишегалдын тәртипкә китерү планлаштырыла.
Шул исәптән Югары Ослан районында алты ишегалдын төзекләндерү планлаштырыла. Шуларның бишесе-район үзәгендә, бер ишегалды – Шеланга авылында. Узган җомгада район Башкарма комитетының актлар залында йорт яны территорияләрендә яшәүчеләрнең нинди карарга теләвен билгеләү өчен күп фатирлы йортларның өлкәннәре җыелды. Башта район Башкарма комитеты җитәкчесенең төзелеш, торак-коммуналь хуҗалык, элемтә һәм энергетика буенча урынбасары Рәшит Монасыйпов аңлатмалар белән чыгыш ясады.
Аннары ул халыкка кирәкле җиһазларны урнаштыру урыннарын: яктырткычлар, эскәмияләр, балалар аттракционнары, чүп савытлары һәм контейнерлар, чүп-чар өчен чүп савытлары урнаштыру өчен йорт эскизларын таратты.