Татарстанның аграр тармагының 100 иң яхшы хезмәткәре игълан ителде
25 декабрьдә Татарстан Республикасы Авыл хуҗалыгы һәм азык - төлек министрлыгында «Татарстан Республикасы агросәнәгать комплексының иң яхшы хезмәткәре-2019»республика конкурсында җиңүчеләрне бүләкләү тантанасы булды.
Үз эшчәнлекләрендә югары нәтиҗәләргә ирешкән 100 иң яхшы вәкил 100 мең сум күләмендә премия алды. Конкурста җиңүчеләрне актлар залында ТР авыл хуҗалыгы һәм азык-төлек министрының беренче урынбасары Наил Залаков җылы сәламләде.
«Авыл хуҗалыгы иң кирәкле тармак, аның ярдәмендә һәркайсыбызның өстәлендә икмәк һәм тормыш өчен әһәмиятле барлык продуктлар бар. Биредә төп капитал-кешеләр. Күп нәрсә кеше факторына, авыл хуҗалыгында эшләүче кешеләрнең әзерлегенә бәйле бит.
Югары Ослан районында Татарстан Республикасы Авыл хуҗалыгы һәм азык-төлек министрлыгының Югары Ослан районы авыл хуҗалыгы һәм азык-төлек идарәсе консультанты Сөнгатова Наилә Галимҗан кызы конкурсның җиңүчесе булды. Аның һөнәри осталыгы һәм хезмәт эшчәнлегендәге уңышлары республика дәрәҗәсендә югары бәяләнде.