2020 елда тагын ниләр төзеләчәк?
Киләсе 2020 елда районның социаль-икътисади үсеше нинди булачак, бу хакта без район Башкарма комитеты җитәкчесе Виктор Тимиряев белән сөйләшәбез.
- Виктор Сергеевич, Татарстанда күп төрле программалар тормышка ашырыла, шулай ук федераль программалар да бар, һәм район соңгы елларда аларның күбесендә актив катнаша. Нинди планнар?
- Кайбер программаларда ихтыяҗ булмау сәбәпле катнашу мөмкин түгел. Мәсәлән, яшьләр үзәкләрен, ветеринария берләшмәләре биналарын капиталь ремонтлау, ике контурлы казаннарга күчерү. Кайбер объектлар буенча алдагы елда ремонтланып, төзелгән, әлегә аларда кабат катнашып булмый. Спорт корылмалары төзү, авыл клублары төзү кебек программаларда.
- Нинди программаларга керә алдык, нәрсә һәм кайда модернизацияләнәчәк яки ремонтланачак?
- Без традицион рәвештә социаль өлкәгә зур игътибар бирәбез, аерым алганда - балаларыбызны тәрбияләү һәм укыту өчен уңайлы шартлар булдыруга, аларның мәдәни һәм физик үсешенә зур игътибар бирәбез.
Киләсе елда 12,5 млн. сумга Печище авылында клубны капиталь ремонтлау планлаштырыла. Хәзерге вакытта бина канәгатьләнерлек хәлдә түгел. 2020 елда Югары Ослан гимназиясенә капиталь ремонтны дәвам итү планлаштырыла.
Инженерлык челтәрләрен модернизацияләү буенча республика программалары кысаларында, авария хәлендәге котельный бинасы урынына, «Радуга» балалар бакчасы өчен блоклы котельный урнаштыру планлаштырыла. Шулай ук 2020 елда энергия нәтиҗәлелеген яхшырту өчен районның 18 торак пунктында 9,3 км СИП кабеле салыначак, 57 яктырткыч һәм 19 электр энергиясен исәпкә алу приборы урнаштырылачак.
Яр буе Морквашы, Шеланга һәм Куралово авылларында 8,5 млн. сумлык эшләр башкарачакбыз. Югары Осланда су белән тәэмин итү системасын модернизацияләүнең республика программасы буенча Медгородок урамындагы челтәрләрне ремонтлау һәм Каштановая урамындагы планлаштырылган йортка челтәр төзү эшләрен тәмамлау планлаштырыла.
Борнаш авыл җирлегенең административ бинасында 2 млн. сумга ремонт үткәреләчәк.
Иҗтимагый киңлекләрне үстерү кысаларында, республика программасы буенча 9,5 млн. сумлык эшләр Югары Ослан авылы яр буеның дүртенче чираты буенча башкарылачак.
Күп фатирлы йортларны капиталь ремонтлау программасы буенча өч йортта 5,9 млн. сумлык түбәне алмаштырырга планлаштырабыз.
Район территориясендә дүртенче ел бакчачыларга ярдәм итү программасы тормышка ашырылачак. Әлеге программа кысаларында дүрт контейнер мәйданчыгы урнаштыру, дүрт скважина бораулау, өч су башнясы урнаштыру планлаштырыла.