Коронавирус инфекциясе таралуны кисәтү буенча район ведомствоара штабы утырышы

2020 елның 27 марты, җомга

Бүген район Башкарма комитеты җитәкчесе Виктор Тимиряев коронавирус йогышы таралуны кисәтү буенча район ведомствоара штабы утырышы үткәрде.

Утырышта COVID-19 инфекциясе таралуга каршы тору буенча рекомендацияләр үтәлеше, чит илләрдән кайткан гражданнар һәм контактлы затлар тарафыннан үз-үзеңне изоляцияләү режимын үтәү, ялгыз өлкән яшьтәге гражданнарга волонтерлык ярдәме күрсәтү, 28 марттан 5 апрельгә кадәр оешма һәм предприятиеләрнең эш тәртибе мәсьәләләре каралды.

27 мартка булган мәгълүматларга караганда, районда COVID-19 вирусы белән авыру очраклары ачыкланмады.