Югары Ослан районы башлыгы авыл халкына Instagram да мөрәҗәгать итте
Марат Зиатдинов популяр социаль челтәрләрнең берсе булган туры эфирда яңа коронавирус инфекциясе таралу куркынычы белән бәйле рәвештә райондагы хәлләр турында сөйләде.
Беренче чиратта Марат Галимҗан улы хастаханәнең, сырхауханәнең эше һәм медиклар күзәтүе астында калучы кешеләрнең саны турында сөйләде.
1 апрельдән башлап Югары Ослан РҮХ, онкологиядән тыш, олыларга һәм балалар халкына планлы амбулатор-поликлиника һәм стационар медицина ярдәме күрсәтүне вакытлыча туктатты. ОРВИ һәм тән температурасы югары булган халыкка медицина ярдәме өйдә күрсәтелә.
Шулай ук өлкән яшьтәге кешеләр район җитәкчелеге контролендә. Ялгыз һәм ялгыз яшәүче өлкән яшьтәге гражданнарга һәм инвалидларга беренче чиратта кирәк-яраклар һәм товарлар, табиб рецептыннан башка дару чаралары китерү мәсьәләләре буенча ярдәм күрсәтү өчен районда «кайнар линия»ачылды.
Туры эфир ахырында Марат Галимҗанович тамашачыларга мөрәҗәгать итте:
"Хөрмәтле Югары Осланлылар! Барыгызны да әлеге хәлгә җаваплы карарга чакырам! Урамга азык-төлек, дарулар сатып алу өчен генә чыгарга тырышыгыз. Ышаныгыз, хәзер иң куркынычсызы – өйдә булу! Үзегезне һәм якыннарыгызны саклагыз! Игътибарыгыз өчен рәхмәт!".