Югары Ослан муниципаль районында гаилә тормышы юбилярларын хөрмәтләү
2022 нче елның 4 нче маенда Югары Ослан муниципаль районы Башкарма комитеты ГХАТ бүлегендә Патрикеево авылында яшәүче Алексеевлар Владимир Семенович һәм Валентина Ивановна алтын туйларын билгеләп үтүче парларны котлау тантанасы булып узды.
Алар бергәләп тормышның барлык сынауларын һәм авырлыкларын үттеләр, үзара мәхәббәт һәм тугрылык саклап калдылар. Алексеевлар гаиләсендә һәрвакыт наз, җылылык, үзара аңлашу, бер-береңә сакчыл мөнәсәбәт хөкем сөрә.
Бергә гомер итүнең 50 еллыгы уңаеннан ирле-хатынлы Алексеевларның исемнәре " Районның мактаулы юбилярлары «китабына кертелде, алар анда үз имзаларын куйдылар. ГХАТ бүлеге җитәкчесе Н.А. Кадыйрова юбилярларга сәламәтлек, иминлек, тынычлык һәм озын гомер теләде, Югары Ослан муниципаль районы башлыгы М. Г. Зиатдиновның Рәхмәт хатын һәм истәлекле бүләк тапшырды.
Юбилярлар адресына Югары Ослан муниципаль районы Карахуҗа авыл җирлеге башлыгы Д.В. Плохов һәм якыннары исеменнән бик күп җылы сүзләр әйтелде.