Югары Ослан муниципаль районында гаилә тормышы юбилярларын хөрмәтләү
2022 нче елның 26 нчы маенда Югары Ослан муниципаль районы Башкарма комитеты ГХАТ бүлегендә Макыл авыл җирлегеннән Хәлил Асадулла улы һәм Гөлсинә Фаттах кызы Нуруллиннарның алтын туйларын билгеләп үтүче парларны котлау тантанасы булып узды. 50 ел тату гомер кичергән бәхетле гаилә һәрвакыт соклану һәм хөрмәт хисләре уята. Алар барлык авырлыкларны да җиңеп, тормыш юлы аша бер-берсенә мәхәббәт һәм хөрмәт хисләре кичерделәр. Хәлил Әсәдулла улы һәм Гөлсинә Фаттах кызы матур һәм тату гаилә корганнар, йорттагы мәхәббәт, татулык һәм иминлек саклаганнар. Алар үзләренең хезмәт һәм укуда ирешкән уңышлары, шулай ук нык, тату гаиләләре белән куандыралар.
Бергә гомер итүләренең 50 еллыгы уңаеннан ирле-хатынлы Нуруллиннарның исемнәре «Районның мактаулы юбилярлары» китабына кертелде, алар анда үз имзаларын куйдылар. ГХАТ бүлеге җитәкчесе Н.А. Кадыйрова юбилярларга сәламәтлек, иминлек, тынычлык һәм озын гомер теләде, Югары Ослан муниципаль районы башлыгы М. Г. Зиатдиновның Рәхмәт хатын һәм истәлекле бүләк тапшырды.
Юбилярларга Макыл авыл җирлеге Башлыгы П.Г. Карпухин, балалары, оныклары, якыннары исеменнән бик күп җылы сүзләр әйтелде.